ឡុង បេនលឿន ប៉ះឃឹម បូរ៉ា កក្រើកសង្វៀនដើមខែថ្មីនេះ
- ភ្នំពេញ
រាជធានីភ្នំពេញ ៖ នៅលើសង្វៀនស៊ីអិនស៊ី នាថ្ងៃទី៧ កញ្ញា ខាងមុខនេះ គណៈកម្មការរៀបចំការប្រកួតបានសម្រេចធ្វើការផ្គូរផ្គង
រាជធានីភ្នំពេញ ៖ នៅលើសង្វៀនស៊ីអិនស៊ី នាថ្ងៃទី៧ កញ្ញា ខាងមុខនេះ គណៈកម្មការរៀបចំការប្រកួតបានសម្រេចធ្វើការផ្គូរផ្គង
រាជធានីភ្នំពេញ ៖ នៅលើសង្វៀនស៊ីអិនស៊ី នាថ្ងៃទី៧ កញ្ញា ខាងមុខនេះ គណៈកម្មការរៀបចំការប្រកួតបានសម្រេចធ្វើការផ្គូរផ្គងឱ្យមានការជួបគ្នារវាងអ្នកប្រដាល់ចាស់វស្សា ឡុង បេនលឿន មកពីក្លិបសាលវ័ន្តកីឡា ជាមួយកីឡាករជើងខ្លាំងឃឹម បូរ៉ា មកពីជាយដែនក្លិបរាជសីហ៍ខេត្តបន្ទាយមានជ័យ។
រវាងកីឡាករឡុង បេនលឿន និងកីឡាករឃឹម បូរ៉ា សុទ្ធតែជាអ្នកប្រដាល់ជើងចាស់ ដោយមួយរយៈមកនេះពិបាករកគូប្រកួតដូចគ្នា ក្នុងចំណោមកីឡាករក្នុងប្រភេទទម្ងន់៦៣គីឡូក្រាម ។ ដូច្នេះហើយទើបគណៈកម្មការប្រកួតដាក់ឱ្យគេទាំងពីរបានសាកកណ្ដាប់ដៃគ្នាម្ដង ចង់ដឹងថាអ្នកណាខ្លាំងជាង ព្រោះអីបើតាមតែគេធ្លាប់ដឹងគូនេះអត់ដែលប៉ះគ្នាពីមុនមកនោះទេ។
ឡុង បេលឿន បើទោះជាគេមិនធ្លាប់គ្រងតំណែងជាម្ចាស់ខ្សែកវាត់ដូចឃឹម បូរ៉ា ក៏ពិតមែន ប៉ុន្តែសម្រាប់ការបង្ហាញខ្លួននៅលើសង្វៀនរបស់គេមួយរយៈមកនេះអត់ដែលស្គាល់ពាក្យថាចាញ់ម្ដងណាឡើយ ។ លើកនេះគេបានប៉ះជើងហើយ គេក៏ចង់ដឹងដែរថាឃឹម បូរ៉ា ខ្លាំងប៉ុណ្ណា គេចង់សាកកណ្ដាប់ដៃគ្នាម្ដងមើល ។ ឡុង បេនលឿន ស្នៀតកែងនិងជង្គង់ក៏ល្អ នៅមានស្នៀតជើងនិងស្នៀតកណ្ដាប់ដៃស្ដាំដ៏ធ្ងន់របស់គេទៀតដែលធ្លាប់បានប្រដៅគូប្រកួតឱ្យបាកស្បាតមិនតិចអ្នកនោះទេ។
រីឯកីឡាករឃឹម បូរ៉ា វិញប៉ុន្មានឆ្នាំចុងក្រោយមកនេះគេបានសាងកេរឈ្មោះនៅលើសង្វៀនយ៉ាងល្បីល្បាញបំផុត ។ ហើយក៏ជាអ្នកប្រដាល់ដែលគ្រងតមណែងជាម្ចាស់ខ្សែក្រវាត់បានច្រើនជាងគេដែរ ។ ដោយសាតែការប្រកួតរបស់គេអត់សូវដែលចាញ់បែបនេះហើយ ទើបមួយរយៈមកនេះអត់សូវដែលបានឡើងសង្វៀនញឹកញាប់ដូចមុនទៀត ។ លើកនេះគេមកប៉ះជើងខ្លាំងហើយៗថែមទាំងមិនដែលស្គាល់ពីល្បិចប្រយុទ្ធគូប្រកួតបានច្បាស់លាស់ទៀត។ដូច្នេះគេមិនអាចមើលស្រាលលើគូប្រកួតបានឡើយ។ប៉ុន្តែសម្រាប់អ្នកតាមដានការប្រកួតវិញគេគិតថា ឡុង បេនលឿន ប៉ះបូរ៉ា លើកនេះគឺគ្រោះថ្នាក់ខ្លាំងណាស់។
ដោយឡែកសម្រាប់គូប្រកួតជក់ចិត្តមួយគូទៀត គឺកីឡាករអេ ណារ័ត្ន មកពីសមាគមកីឡាប្រដាល់កងយោធពលខេមរភូមិន្ទប៉ះគ្នាជាមួយកីឡាករឡុង ខេត្ត មកពីក្លិបខ្លារខិនមានរិទ្ធ ។ គូនេះក៏អត់ដែលប៉ះគ្នាពីមុនមកដែរ ប៉ុន្តែសម្រាប់ការវាយតម្លៃពីអ្នកតាមដាន ការប្រកួតគូនេះមានថ្វីដៃប្រកួតប្រហាក់ប្រហែលគ្នា និងមានបទពិសោធន៍ប្រកួតនៅលើសង្វៀនយូឆ្នាំមកហើយដូចគ្នាទៀត ។ ការជួបគ្នារវាងគេទាំងពីរលើកនេះ ដឹងតែកក្រើកសង្វៀនសង្វៀនមិនខានឡើយ ខណៈ ហ៊ឹម គឹមរៀង ក្លិបជ្រៃសែនជ័យខេត្តកំពង់ស្ពឺប៉ះជាមួយកីឡាករណង សាវ មកពក្លិបនរាយរន្ទះ ៕
ចែករំលែកព័តមាននេះ