អនិច្ចា! លោកតាម្នាក់ស្លា.ប់នៅលើកៅអីក្នុងផ្ទះ ពេលកំពុងសំរាករៀនធម៌
- កំពង់ស្ពឺ
លោកតាវ័យចំណាស់បានស្លា.ប់បាត់បង់ជីវិតនៅលើកៅអីក្នុងថ្លុកឈាមនៅផ្ទះរបស់ខ្លួន ខណៈពេលកំពុងសំរាករៀនធម៌ ។ ក្រោយបង្កជនដៃដល់បានព្យាយាមរត់គេច
លោកតាវ័យចំណាស់បានស្លា.ប់បាត់បង់ជីវិតនៅលើកៅអីក្នុងថ្លុកឈាមនៅផ្ទះរបស់ខ្លួន ខណៈពេលកំពុងសំរាករៀនធម៌ ។ ក្រោយបង្កជនដៃដល់បានព្យាយាមរត់គេច
ខេត្តកំពង់ស្ពឺ ៖ បើតាមសេចក្តីរាយការណ៍បានឱ្យដឹងថា លោកតាវ័យចំណាស់បានស្លា.ប់បាត់បង់ជីវិតនៅលើកៅអីក្នុងថ្លុកឈាមនៅផ្ទះរបស់ខ្លួន ខណៈពេលកំពុងសំរាករៀនធម៌ ។ ក្រោយបង្កជនដៃដល់បានព្យាយាមរត់គេចខ្លួនតែត្រូវបានប្រជាការពារចាប់ប្រគល់អោយសមត្ថកិច្ចដើម្បីចាត់វិធានការតាមផ្លូវច្បាប់។ ករណីឃាតកម្មនេះកើតឡើង នាវេលាម៉ោង១២និង៥០នាទី ថ្ងៃត្រង់ ថ្ងៃទី០២ ខែកញ្ញា ឆ្នាំ២០២១ ចំណុចភូមិព្រីង ឃុំរលាំងចក ស្រុកសំរោងទងខេត្តកំពង់ស្ពឺ ។
សេចក្តីរាយការណ៍បន្តថា ជនរងគ្រោះមានឈ្មោះទឹម សុន អាយុ៦៩ឆ្នាំ ចំណែកជនសង្ស័យដែលជាជនដៃដល់មានឈ្មោះ ហ៊ិន ឧត្តម អាយុ៣២ឆ្នាំ រស់នៅភូមិ-ឃុំកើតហេតុខាងលើ (មានផ្ទះទល់មុខគ្នា)។
តាមការរៀបរាប់ពីសំណាក់ចៅស្រីរបស់ជនរងគ្រោះបានអោយដឹងថា មុនពេលកើតហេតុ បន្ទាប់ពីហូបបាយថ្ងៃត្រង់រួច លោកតារងគ្រោះបានសំរាកលើកៅអីហង្សតេ ដោយក្នុងដៃមានកាន់សៀវភៅធម៌ផងដែរ ព្រោះនេះជាទម្លាប់ពេលសំរាកថ្ងៃត្រង់របស់លោកតាតែងតែរៀនសូត្រធម៌៌។
ចៅស្រីបន្តថា មុនកើតហេតុនោះ នាងបានឃើញជនដៃដល់កាន់កាំបិតដើរចូលមកម្តងហើយ តែនាងមិនបានចាប់អារម្មណ៍នោះទេ ហើយនៅពេលនោះដែលជនដៃដល់ដើរចេញទៅវិញ នាងក៏បានទៅរត់លេងជាមួយមិត្តភក្តិក្នុងភូមិទៅ។ លុះមួយសន្ទុះក្រោយមក ទើបមានការភ្ញាក់ផ្អើលឆោឡោថា លោកតានាងត្រូវពូ ឧត្តម កា.ប់ស្លា.ប់បាត់ទៅហើយ នាងក៏បានតេទូរស័ព្ទប្រាប់ម្តាយ និងពូមីង ដែលធ្វើការនៅរោងចក្រអោយត្រឡប់មកផ្ទះវិញតែម្តង។
បើតាមប្រភពពីអ្នកភូមិវិញ បានលើកឡើងថា ជនដៃដល់ជាមនុស្សបែកថ្នាំជាយូរឆ្នាំមកហើយ មុនពេលកើតហេតុ ជននេះបានកាន់កាំបិតដើរបបួលគេកា.ប់គ្នាពេញភូមិ តែគ្មាននរណាអើពើតបតជាមួយឡើយ ទើបតែថ្ងៃនេះ បែរជាគេមកកា.ប់លោកតាដែលកំពុងសំរាករៀនធម៌លើកៅអីក្រោមផ្ទះទៅវិញ។
ចំណែកប្រភពពីសមត្ថកិច្ចក៏បានបញ្ជាក់អោយដឹងផងដែរថា ជនសង្ស័យជាមនុស្សមានសតិគ្រប់បានកាន់កាំបិតផ្គាក់ចូលទៅកា.ប់ជនរងគ្រោះដល់ក្នុងរបងផ្ទះ បណ្តាលអោយស្លា.ប់ក្នុងថ្លុកឈា.មយ៉ាងអាណោចអធ័ម។ ហើយជនរងគ្រោះរងនូវការកា.ប់ប្រហារចំនួន៣កន្លែង គឺចំហៀងខាងឆ្វេង១កាំបិត បំពង់.កខាងឆ្វេង១កាំបិត និងបំពង់.កពីមុខ១កាំបិត។
ហើយមុនពេលសមត្ថកិច្ចបញ្ជូនជនសង្ស័យទៅធ្វើសំណាកនោះ ជនសង្ស័យបានឆ្លើយសារភាពថា រូបគេពិតជាបានចូលទៅកា.ប់ជនរងគ្រោះ ខណៈពេលកំពុងដេករៀនធម៌៌ពិតមែន ព្រោះខឹងជនរងគ្រោះខ្ជិលធ្វើការ។ ជនសង្ស័យបន្តថា ពេលចូលទៅដល់ដំបូង គេបានកា.ប់ក្បាលចំហៀងខាងឆ្វេង១កាំបិត បន្ទាប់មកបំពង់.កខាងឆ្វេង១កាំបិត ហើយក៏ចាប់អារ.កបន្ថែម រហូតដាច់ខ្យល់ស្លា.ប់តែម្តង។ ក្រោយពេលបង្ករួច រូបគេចង់រត់គេចខ្លួនដែរ តែត្រូវអ្នកភូមិចាប់ជាប់ រួចប្រគល់អោយសមត្ថកិច្ច។
មន្ត្រីនគរបាលស្រុកសំរោងទង ក៏បានប្រាប់ថា ជនសង្ស័យត្រូវបាននាំយកទៅធ្វើសំណាកតេស្តរកមេរោគកូវីដជាមុនសិន ទើបកសាងសំណុំរឿងបញ្ជូនទៅកាន់ការិយាល័យជំនាញ ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ