ខេត្តកណ្តាល ៖ បើតាមរបាយការណ៍បណ្តោះអាសន្នរបស់ស្នងការដ្ឋាននគរបាលខេត្តកណ្តាល បានឱ្យដឹងថា គ្រោះមហន្តរាយដោយជំនន់ទឹកភ្លៀងចាប់ពីថ្ងៃទី១១ ដល់ថ្ងៃទី១៣ តុលា ឆ្នាំ២០១០ បានធ្វើឱ្យខូចខាតទ្រព្យសម្បត្តិសាធារណៈ និងទ្រព្យសម្បត្តិឯកជនចំនួន៥ស្រុកស្ថិតក្នុងខេត្តកណ្តាល។ លោកឧត្តមសេនីយ៍ត្រីអ៊ាវ ចំរើន ស្នងការនគរបាលខេត្តបានឱ្យដឹងថា ចាប់ពីថ្ងៃទី១១ ដល់ថ្ងៃទី១៣ តុលា ឆ្នាំ២០១០ បើតាមការស្រង់ទិន្នន័យនៃការខូច
ខេត្តកណ្តាល ៖ បើតាមរបាយការណ៍បណ្តោះអាសន្នរបស់ស្នងការដ្ឋាននគរបាលខេត្តកណ្តាលបានឱ្យដឹងថា គ្រោះមហន្តរាយដោយជំនន់ទឹកភ្លៀងចាប់ពីថ្ងៃទី១១ ដល់ថ្ងៃទី១៣ តុលា ឆ្នាំ២០១០ បានធ្វើឱ្យខូចខាតទ្រព្យសម្បត្តិសាធារណៈ និងទ្រព្យសម្បត្តិឯកជនចំនួន៥ស្រុកស្ថិតក្នុងខេត្តកណ្តាល។ លោកឧត្តមសេនីយ៍ត្រីអ៊ាវ ចំរើន ស្នងការនគរបាលខេត្តបានឱ្យដឹងថា ចាប់ពីថ្ងៃទី១១ ដល់ថ្ងៃទី១៣ តុលា ឆ្នាំ២០១០ បើតាមការស្រង់ទិន្នន័យនៃការខូចខាតជាបណ្តោះអាសន្នឃើញ មានការខូចខាតទ្រព្យសម្បតិ្តសាធារណៈមានផ្លូវក្រាលកៅស៊ូ១២ខ្សែ ផ្លូវក្រាលបេតុង២៣ខ្សែ ផ្លូវក្រាលក្រួសក្រហម៩៩ខ្សែ ផ្លូវជាតិលេខ៤ប្រវែង៣០០ម៉ែត្រ រលំបង្គោលភ្លើង៤ដើម លិចសាលារៀន២៥កន្លែង បាក់ទំនប់២កន្លែង បាក់ លូ១០កន្លែង ដាច់ប្រឡាយ៣៣ម៉ែត្រ។ រីឯទ្រព្យសម្បត្តិឯកជនដែលត្រូវខូចខាតវិញមានលិចផ្ទះប្រជាពលរដ្ឋ២.៩៥៦ខ្នង រលំផ្ទះ២ខ្នង រោងម៉ាស៊ីនកិនស្រូវមួយកន្លែង រងគ្រោះមនុស្ស ៣នាក់ លិចស្រូវសន្ទូង១.៧៣០ហិកតា និងដំណាំអនុផល២៩ហិកតា។
លោកស្នងការបានបញ្ជាក់ថា ស្រុក-ក្រុងចំនួន៥ដែលរងនូវមហន្តរាយដោយជំនន់ទឹកភ្លៀងខាងលើមាន ក្រុងតាខ្មៅលិចផ្លូវកៅស៊ូ១២ខ្សែ ផ្លូវក្រាលបេតុង៣ខ្សែ ផ្លូវក្រាលក្រួស៦៨ខ្សែ រលំបង្គោលភ្លើង២ដើម លិចសាលារៀន១០កន្លែង ស្មើ៦៣ខ្នង លិចផ្ទះប្រជារដ្ឋចំនួន២.៧១៧ខ្នង (រលំ២ខ្នង) និងរោងម៉ាស៊ីនកិនស្រូវ១កន្លែង លិចស្រូវសន្ទូង៣៦ហិកតា។ ស្រុកអង្គស្នួលលិចផ្លូវលំ៤.១៥០ម៉ែត្រ លិច ផ្លូវជាតិលេខ៤ ប្រវែង៣០០ម៉ែត្រ បាក់លូ៣កន្លែង រលំបង្គោលភ្លើង២ដើម លិចសាលារៀន៣កន្លែង បាក់ទំនប់១កន្លែង ខូចខាតស្រូវសន្ទូង៧៨ហិកតា កម្មកររងគ្រោះដោយខ្សែភ្លើងឆក់៣នាក់ (របួស) ។ ស្រុកស្អាង បាក់ទំនប់មួយកន្លែង លិចផ្ទះប្រជាពលរដ្ឋ២៣៩ខ្នង ក្នុងនោះរលំមួយខ្នងរអិលធ្លាក់ចូលទន្លេមួយខ្នង និងខូចខាតស្រូវសន្ទូងដំណាំផ្សេងៗ៣៦៥ហិកតា៨៥អា។ ស្រុកលើកដែកខូចខាតស្រូវ៥ហិកតា៥០អា ដំណាំអនុផលចំនួន២៤ហិកតា។ ស្រុកកណ្តាលស្ទឹង លិចសាលារៀន១២ខ្នង ខូចលូ៧កន្លែង ដាច់ប្រឡាយ៣៣ម៉ែត្រ លិចផ្លូវលំ៣១កន្លែង លិចស្រូវសន្ទូង១.២៣៦ហិកតា និងដំណាំអនុផលចំនួន៥ហិកតា។
លោកវរសេនីយ៍ត្រី ជន់ វណ្ណី មេបញ្ជកងរាជអាវុធហត្ថស្រុកកណ្តាលស្ទឹងបានឱ្យដឹងនៅរសៀលថ្ងៃទី១៥ តុលា កន្លងមកនេះថា មកដល់ថ្ងៃទី១៥ តុលា នៅស្រុកកណ្តាលស្ទឹងជំនន់ទឹកភ្លៀងនៅមិនទាន់ស្រកអស់នៅឡើយនៅឡើយទេ។ តាមសណ្តស្ទឹងព្រែកថ្លឹង ព្រែកជ្រៃ និងនៅតំបន់ទំនប់កំពង់ទួល ទឹកជន់ឡើងប្រៀបតែម្តង។ បានជាទឹកនៅស្រុកកណ្តាលស្ទឹងនៅតែឡើងបែបនេះ ដោយសារទឹកភ្លៀងធ្លាក់ពីលើមេឃ, និងទឹកហូរធ្លាក់មកពីខេត្តកំពង់ស្ពឺ។ អាជ្ញាធរ និងកងកម្លាំងប្រដាប់អាវុធស្រុកកំពុងតែចាត់វិធានការដើម្បីបញ្ជៀសគ្រោះមហន្តរាយនោះ បានយកគ្រឿងចក្រកាយផ្តាច់ទំនប់សណ្តស្ទឹងព្រែកថ្លឹង ក្បែរស្ពានព្រែកជ្រៃ។ លោកឧត្តមសេនីយ៍ត្រី អ៊ាវ ចំរើន បានឱ្យដឹងផងដែរថា ចាប់ពីថ្ងៃទី១១ តុលា មក កងកម្លាំងនគរបាលខេត្តកណ្តាលបានប្រមូលផ្តុំកម្លាំងប្រចាំការ២៤ម៉ោងលើ២៤ម៉ោង ដើម្បីចាំជួយអន្តរាគមន៍ទប់ស្កាត់នូវគ្រោះមហន្តរាយនោះ៕
ចែករំលែកព័តមាននេះ