ទស្សនាវដ្តី «ណេស្យូណល អ៊ីនក្វៃអ័រ» របស់អាមេរិកបានបង្ហើបឱ្យដឹងដោយយោងតាមសម្តីរបស់មិត្តភក្តិជំនិតរបស់នាងម៉ូនីកា ឡេវិនស្គី អតីតអ្នកហាត់ការនៅសេតវិមានធ្លាប់មានរឿងអាស្រូវល្បីទូទាំងប្រទេស ពីករណីមានសម្ព័ន្ធភាពផ្លូវភេទជាមួយអតីតប្រធានាធិបតីប៊ីល គ្លីនតុន ថា នាងឡេវិនស្គី នៅតែមានចិត្តស្រឡាញ់លើលោកគ្លីនតុនដដែល ដោយនាងមិនព្រមរៀបការបង្កើតកូនចៅឡើយ។ មិត្តភក្តិម្នាក់សុំមិនបង្ហើបឱ្យដឹងឈ្មោះបានបញ្ជាក់ដោយផ្អែកលើសម្តីរបស់នាងឡេវិនស្គី ថា គ្មានអ្នកណាម្នាក់ស្ថិតនៅក្នុងចិត្តរបស់នាងបង្កើតសេចក្តីសុខដល់នាងដូចលោកប៊ីល គ្លីនតុនទេ ។ ទោះបីជានាងឡេវិនស្គី ធ្លាប់ដើរកម្សាន្តជាមួយបុរសជាច្រើននាក់ក្តី ប៉ុន្តែនាងមិនព្រមធ្វើជាសង្សារនរណាម្នាក់ឡើយ ព្រោះនាងមិនអាចលះបង់នូវក្តីស្រឡាញ់ដ៏លើសលប់លើលោកប៊ីលគ្លីនតុនបានឡើយ។
នៅក្នុងរបាយការណ៍បញ្ជាក់ឱ្យដឹងថា នាងម៉ូនីកា ឡេវិនស្គី អាយុ២២ឆ្នាំ ដែលធ្លាប់មានសម្ព័ន្ធភាពស្នេហាដ៏ជ្រាលជ្រៅជាមួយមេដឹកនាំអាមេរិក បង្ហើបឱ្យដឹងថា នាងបានធ្វើអូរ៉ាល់សិច ឱ្យលោកគ្លីនតុន ប៉ុន្តែមិនបានរួមភេទទេ ហើយនាងបានប្រមូលអាវដែលប្រឡាក់ទឹកកាមរបស់លោកប៊ីល គ្លីនតុនទុកជាអនុស្សាវរីយ៍ទៀតផង។ ខណៈពេលលោកប៊ីល គ្លីនតុន បានបដិសេធតាមស្ថានីយទូរទស្សន៍ថា លោកមិនធ្លាប់មានសម្ព័ន្ធភាពស្នេហាជាមួយបុគ្គលិកហាត់ការម្នាក់នេះទេ ប៉ុន្តែក្នុងរយៈពេល៧ខែក្រោយមក គឺក្នុងឆ្នាំ១៩៩៨ លោកបានទទួលស្គាល់ថា លោកពិតជាមានសម្ព័ន្ធភាពស្នេហាមិនសមរម្យជាមួយនាងឡេវិនស្គី ប្រាកដមែន ៕
ចែករំលែកព័តមាននេះ