បុរសម្នាក់ឈ្មោះ អៀម ជឿន អាយុ៥៧ឆាំ្ន មានប្រពន្ធ និងកូនប្រុសស្រីចំនួន៣នាក់ នៅភូមិកោះចម្ការ ឃុំបឹងសាលាខាងត្បូង ស្រុកកំពង់ត្រាច ត្រូវបានគេប្រទះឃើញស.ព ក្រោយពេលចេញបាត់ពីផ្ទះប៉ុន្មានថ្ងៃ ព្រោះតែ
ខេត្តកំពត ៖ បុរសម្នាក់ឈ្មោះ អៀម ជឿន អាយុ៥៧ឆាំ្ន មានប្រពន្ធ និងកូនប្រុសស្រីចំនួន៣នាក់ នៅភូមិកោះចម្ការ ឃុំបឹងសាលាខាងត្បូង ស្រុកកំពង់ត្រាច ត្រូវបានគេប្រទះឃើញស.ព ក្រោយពេលចេញបាត់ពីផ្ទះប៉ុន្មានថ្ងៃ ព្រោះតែខឹងប្រពន្ធឈ្មោះ ស៊ាង ច្រឹប អាយុ៥០ឆាំ្ន ពីរឿងយកចំបើងឱ្យគោស៊ី ។
បើតាមប្រភពពីប្រពន្ធបាននិយាយឱ្យដឹងថា កាលពីព្រឹកថ្ងៃទី២៥ ខែសីហា ឆាំ្ន២០២១ ពេលគាត់ត្រឡប់មកពីទិញម្ហូបវិញ ឃើញប្ដីដេកនៅលើអង្រឹង ក៏បាននិយាយថា «ឯងម្ដេចមិនទៅយកចំប៉ើងឱ្យគោស៊ី» ស្រាប់តែប្ដីក្រោកពីអង្រឹង ហើយតបមកវិញថា «បើឯងចេះអ៊ីចឹងទៅយកឱ្យស៊ីខ្លួនឯងទៅ» ។
ប្រពន្ធបន្តថា លុះពេលហូបបាយល្ងាចរួច រូបគាត់ក៏និយាយថា «យើងចាស់ៗហើយ ចាំបាច់និយាយអីក៏អាក្រក់ម្ល៉េះ ទៅងា.ប់ឯណាក៏ទៅៗ» ។ បន្ទាប់ពីនិយាយរួច ប្ដីគាត់នៅមើលទូរស័ព្ទជាមួយចៅរហូតដល់ម៉ោង១១យប់ ហើយក៏រកកន្លែងដេករៀងៗខ្លួនទៅ ស្រាប់តែព្រឹកឡើងថ្ងៃទី២៦ ខែសីហា ស្រាប់តែបាត់ប្ដីតែម្តង ដោយមិនដឹងទៅទីណានោះទេ ។
ក្រោយពេលបាត់ខ្លួន អ្នកភូមិបាននាំគ្នាជិះម៉ូតូជួយស្វែងរកអស់រយៈពេល៣ថ្ងៃ ប៉ុន្តែនៅតែរកមិនឃើញឡើយ ស្រាប់តែនៅព្រឹកថ្ងៃទី២៩ ខែសីហា ឆាំ្ន២០២១នេះ អ្នកភូមិកោះចម្ការម្នាក់ចេញទៅលើកលបដាក់បង្គា ក្ដាម នៅតំបន់អភិរក្សសត្វស្លាបអន្លង់ព្រីង ចម្ងាយពីផ្ទះប្រហែល១គីឡូម៉ែត្រ ក៏ស្រាប់តែប្រទះឃើញប្តីគាត់ស្លា.ប់នៅគុម្ពចាក ទើបបង្កឱ្យមានការភ្ញាក់ផ្អើលដល់គ្រួសារ និងនគរបាលប៉ុស្តិ៍បឹងសាលាខាងត្បូង និងនគរបាលស្រុកកំពង់ត្រាច ចុះទៅធ្វើការពិនិត្យតែម្តង ។
លោក ឆែម ពិសី អធិការរងនគរបាលស្រុក បានថ្លែងថា ករណីអ្នកស្លា.ប់នៅអន្លង់ព្រីងនោះមិនជាប់ពាក់ព័ន្ធនឹងរឿងឃាត.កម្មនោះទេ គឺមកពីជនរងគ្រោះខឹងប្រពន្ធស្ដីបន្ទោសតិចតួចរឿងទៅយកចំបើងឱ្យគោស៊ី ស្រាប់តែដើរបាត់ពីផ្ទះមកដេកស្លា.ប់នៅតំបន់អភិរក្សសត្វស្លាបនោះតែម្តង ។
បន្ទាប់ពីធ្វើកោសល្យវិច័យរួច សមត្ថកិច្ចក៏បានអនុញ្ញាតឱ្យក្រុមគ្រួសារដឹកស.ពតាមទូកមកលំនៅឋានវិញ ដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ