បិទផ្សារទូកមាស ក្រោយរកឃើញអាជីវករ ១៥នាក់ ឆ្លងកូវីដ
- កំពត
កំពត៖ ផ្សារទូកមាស ត្រូវបានបិទការលក់ដូរជាបណ្តោះអាសន្ន បន្ទាប់ពីរកឃើញវិជ្ជមានកូវីដ១៩ លើក្រុមអាជីវករ ចំនួន ១៥នាក់។ ការបិទខ្ទប់ ផ្អាកដំណើរការលក់ដូរនៅផ្សារទូកមាស ក្នុងស្រុកបន្ទាយមាស…
កំពត៖ ផ្សារទូកមាស ត្រូវបានបិទការលក់ដូរជាបណ្តោះអាសន្ន បន្ទាប់ពីរកឃើញវិជ្ជមានកូវីដ១៩ លើក្រុមអាជីវករ ចំនួន ១៥នាក់។ ការបិទខ្ទប់ ផ្អាកដំណើរការលក់ដូរនៅផ្សារទូកមាស ក្នុងស្រុកបន្ទាយមាស…
កំពត៖ ផ្សារទូកមាស ត្រូវបានបិទការលក់ដូរជាបណ្តោះអាសន្ន បន្ទាប់ពីរកឃើញវិជ្ជមានកូវីដ១៩ លើក្រុមអាជីវករ ចំនួន ១៥នាក់។ ការបិទខ្ទប់ ផ្អាកដំណើរការលក់ដូរនៅផ្សារទូកមាស ក្នុងស្រុកបន្ទាយមាស ត្រូវអនុវត្ត ចាប់ពីម៉ោង ១២យប់ ថ្ងៃទី២៨ ខែសីហា ឆ្នាំ២០២១ រហូតដល់ថ្ងៃទី៤ ខែកញ្ញា ឆ្នាំ២០២១។
លោក ប៉ោ វី អភិបាលរងស្រុកបន្ទាយមាស កាលពីព្រឹកថ្ងៃទី២៩ ខែសីហា បានអោយដឹងថា ដំបូងឡើយ មានអាជីវករលក់ដូរ នៅផ្សារទូកមាស ឈឺ ដោយពិបាកដកដង្ហើម និងក្ដៅសាច់។ ប៉ុន្តែអ្នកលក់ដូររូបនោះ បានទិញឧបករណ៍ធ្វើតេស្តរហ័សរកមេរោគកូវីដ១៩ ដោយខ្លួនឯង ស្រាប់តែបង្ហាញអោយឃើញថា ខ្លួនពិតជាវិជ្ជមានកូវិដ១៩។ ក្រុមគ្រួសារអាជីវករលក់ដូររូបនោះ បានរាយការណ៍ ប្រាប់ទៅអាជ្ញាធរ និងក្រុមគ្រូពេទ្យ ចុះមកធ្វើសំណាកតេស្តរហ័សលើអ្នកពាក់ព័ន្ធលក់ដូរ ក្នុងផ្សារទូកមាស មានចំនួន ២២៩នាក់ ក្នុងនោះ មានស្រីចំនួន ១៤៨នាក់ និងវិជ្ជមាន ចំនួន ១៥នាក់ ស្រីចំនួន ៨នាក់។
លោក ប៉ោ វី បានអោយដឹងថា អ្នកវិជ្ជមានកូវីដ១៩ ចំនួន ១៥នាក់ ត្រូវបានក្រុមគ្រូពេទ្យ ដឹកទៅសម្រាកព្យាបាល នៅមណ្ឌលវិឡាល័យព្រះបិតាជាតិ ក្នុងស្រុកកំពង់ត្រាច។
លោក ប៉ោ វី បន្តថា អ្នកដែលប៉ះពាល់នឹងអ្នកជំងឺកូវីដទាំងនេះ ត្រូវធ្វើចត្តាឡីស័ក នៅក្នុងផ្ទះរយៈពេល ១៤ថ្ងៃ ក្រោមការមើលថែពីគ្រូពេទ្យ រួមទាំងអាជ្ញាធរមូលដ្ឋាន ក្នុងឃុំទូកមាសខាងលិច។
លោក ប៉ោ វី អោយដឹងថា ទោះបីបិទផ្សារទូកមាស មិនអោយមានការលក់ដូរ ក៏ដោយ តែនៅព្រឹកថ្ងៃទី២៩ ខែសីហានេះ ប្រជាពលរដ្ឋអ្នកលក់ដូរបន្លែផ្លែឈើសាច់ជ្រូក មាន់ទា បាននាំគ្នា មកលក់នៅតាមផ្លូវជាតិ។
ការលក់ដូរនេះ ត្រូវបានលោកវរសេនីយ៍ទោ នាក់ ឌឹម អធិការនគរបាល ស្រុកបន្ទាយមាស កាលពីព្រឹកថ្ងៃទី២៩ ខែសីហា ឆ្នាំ២០២១ បង្ហាញការព្រួយបារម្ភពីហានិភ័យនៃគ្រោះថ្នាក់ចរាចរណ៍។ ប៉ុន្តែលោកអធិការ គិតថា បញ្ហាជីវភាពប្រចាំថ្ងៃរបស់ពលរដ្ឋ គឺសំខាន់ណាស់ ហើយបើយើងប្រើច្បាប់ ទៅលើប្រជាពលរដ្ឋអ្នកលក់បន្លែ ផ្លែឈើ និងត្រីសាច់ ពិតជាជួបបញ្ហាផ្លូវចិត្តរបស់ប្រជាពលរដ្ឋ មិនខាន ព្រោះបន្លែ គាត់បេះមកលក់ គឺស្វិតខូចអស់។
តែយ៉ាងណាក៏ដោយ អាជ្ញាធរស្រុក អោយពួកគាត់ លក់ដូរមួយគ្រាសិន តែក៏ត្រូវអនុវត្តគោលការណ៍ក្រសួងសុខាភិបាល ដោយត្រូវអោយអ្នកលក់ដូរ និងអ្នកទិញ ពាក់ម៉ាស រក្សាគម្លាតពីគ្នាយ៉ាងតិច ២ម៉ែត្រ រួមទាំងប្រុងប្រយ័ត្ននឹងគ្រោះថ្នាក់ចរាចរណ៍ ខណៈលក់ដូរនៅតាមផ្លូវនាពេលនេះ៕ កែវ ឆាត
ចែករំលែកព័តមាននេះ