ក្រុមហ៊ុន LG Electronic បានបញ្ចេញលទ្ធផលហិរញ្ញវត្ថុរបស់ខ្លួនក្នុងត្រីមាសទី៤ ឆ្នាំ ២០១៥ ពោលគឺក្រុមហ៊ុនបានលក់ស្មាតហ្វូនអស់ចំនួន១៥,៣ លានគ្រឿងក្នុងរយៈពេលចាប់ពីខែតុលា ដល់ខែធ្នូ ។ ចំណែកចំនួនលក់ពេញមួយឆ្នាំគឺ ៥៩,៧លានគ្រឿង ។ តាមរយៈតួលេខនេះបង្ហាញថា មានការកើនឡើងបន្តិចប៉ុណ្ណោះ ខណៈពេលដែលឆ្នាំ២០១៤លក់បានចំនួន៥៩,១លានគ្រឿង ។
ស្មាតហ្វូនចំនួន១៣,៥លានគ្រឿងដែលក្រុមហ៊ុន LG បានលក់កាលពីឆ្នាំមុនស្ទើរតែ ១១លានគ្រឿងជាម៉ូដែល LTE ជាលើកដំបូងដែលការលក់ប្រចាំត្រីមាសនៃស្មាតហ្វូនបណ្តាញ LTE របស់ក្រុមហ៊ុន LG ។ ងាកមកមើលពីប្រាក់ចំណូលរបស់ក្រុមហ៊ុនវិញម្តងប្រមាណជា៣,៧៨ពាន់ពាន់លានវ៉ុន ស្មើនឹង៣,២៦ ពាន់លានដុល្លារក្នុងត្រីមាសទី៤ ឆ្នាំ២០១៥។ ថ្វីបើតួលេខបានធ្លាក់ចុះ០,៤ភាគរយ បើប្រៀបធៀបទៅឆ្នាំ២០១៤ ប៉ុន្តែវាកើតឡើងបាន១២ ភាគរយកាលពីត្រីមាសទី៣ ឆ្នាំ២០១៥ ។ ទំហំនៃការកើនឡើងនេះមានសន្ទុះខ្លាំងបំផុតនៅទឹកដីអាមេរិកខាងជើង ដែលអតិថិជនពេញនិយមប្រើស្មាតហ្វូនម៉ូដែលចុងក្រោយ V10 ៕
ចែករំលែកព័តមាននេះ