រាជធានីភ្នំពេញ ៖ មន្ទីរពេទ្យរ៉ូយ៉ាល់ភ្នំពេញ បានអញ្ជើញវេជ្ជបណ្ឌិតល្បីៗជំនាញផ្នែករោគស្ត្រី និងជំនាញផ្នែកកុមារពីបរទេសជាវាគ្មិនក្នុងសិក្ខាសាលា ដល់ស្ត្រីមានផ្ទៃពោះ ឬស្ត្រីដែលកំពុងត្រៀមខ្លួនជាមាតានៅថ្ងៃអនាគត ចូលរួមស្ដាប់នឹងទទួលចំណេះដឹងបែបថ្មីអំពីរបៀបថែទាំសុខភាពខ្លួនឯង និងសុខភាពរបស់ទារកនៅក្នុងផ្ទៃ ដើម្បីឈានទៅរកសុខភាពល្អ និងងាយស្រួលដល់ពេលសម្រាល ។
កម្មវិធីសិក្ខាសាលានេះនឹងរៀបចំធ្វើឡើងនៅថ្ងៃទី៣០ មករា ឆ្នាំ២០១៦ ចាប់ពីម៉ោង៨និង៣០នាទីព្រឹក ដល់ម៉ោង១១និង៣០នាទីថ្ងៃត្រង់ នៅមន្ទីរពេទ្យរ៉ូយ៉ាល់ភ្នំពេញ តាមបណ្ដោយមហាវិថីសហពន្ធ័រុស្ស៊ី ក្នុងខណ្ឌសែនសុខ រាជធានីភ្នំពេញ ។
គួរបញ្ជាក់ថា វេជ្ជបណ្ឌិតជាវាគ្មិនដែលនឹងអញ្ជើញមកពន្យល់ដល់ស្ត្រីមានផ្ទៃពោះក្នុង កម្មវិធីសិក្ខាសាលានោះមានពីររូបគឺ លោកវេជ្ជបណ្ឌិត Rada Kou ជំនាញផ្នែកកុមារនឹងត្រូវបកស្រាយទៅលើប្រធានបទ «តើត្រូវធ្វើដូចម្ដេចនៅពេលក្មេងក្ដៅខ្លួនខ្លាំង» និងលោកវេជ្ជបណ្ឌិត Soontorn Thrupkaew អ្នកជំនាញផ្នែករោគស្ត្រី បកស្រាយប្រធានបទ «វិធីសាស្ត្រថែទាំសុខភាពសម្រាប់អ្នកចង់មានកូន និងសម្រាប់អ្នកកំពុងពពោះ» ។
សម្រាប់លោកអ្នកដែលមានបំណងចង់ចូលរួមស្ដាប់ការបកស្រាយពីសំណាក់វេជ្ជបណ្ឌិតជំនាញទាំងពីររូបនោះ អាចទំនាក់ទំនងតាមរយៈលេខទូរសព្ទ័ ០១២ ២៦ ៨៤ ៨០, ០៧០ ៥៦៧ ៨៨៨ និង ០៧៧ ៨២២ ៣៣២ ។ សម្រាប់លោកអ្នកដែលចូលរួម នឹងទទួលបានវត្ថុអនុស្សាវរីយ៍ពីកម្មវិធីផងដែរ ៕
ចែករំលែកព័តមាននេះ