លោក Jurgen Klopp គ្រូបង្វឹកក្លិប Liverpool បង្ហាញវ៉ែនតាថ្មីខណៈពេលថ្លែងនៅក្នុងសន្និសីទកាសែតមុនពេលប្រកួតជាមួយក្លិបStoke City ក្របខ័ណ្ឌ Capital One Cup កាលពីថ្ងៃទី២៦ មករា ថា ពេលលោកពាក់វ៉ែនតាថ្មីនេះទៅប្រៀបដូចឃាតករ ក្រោយពីវ៉ែនតាចាស់បែកអំឡុងពេលប្រកួតជាមួយក្លិបNorwich City។
គ្រូបង្វឹកជនជាតិអាល្លឺម៉ង់រូបនេះបញ្ជាក់ថា នេះមិនមែនជាវ៉ែនតាថ្មីទេ ប៉ុន្តែជាវ៉ែនតាសាកួ ។ វាមានពណ៌ខ្មៅដូចវ៉ែនតាដែលបែកដែរ ប៉ុន្តែនៅពេលពាក់ទៅប្រៀបដូចជាឃាតករ ។ វ៉ែនតាលោក Klopp ខូចដោយសារកីឡាករ Christian Benteke ខ្សែប្រយុទ្ធរបស់ក្លិបរត់បុកលោកពីក្រោយបណ្ដាលឱ្យបែកកញ្ចក់ពេលអបអរក្លិបខ្លួនប្រកួតឈ្នះក្លិបNorwich City ហើយលោក Klopp ក៏យកវ៉ែនតាបម្រុងមកពាក់ជំនួស ៕
ចែករំលែកព័តមាននេះ