ការស៊ើបអង្កេតមួយធ្វើឡើងដោយអង្គការលើកលែងទោសអន្តរជាតិ Amnesty International បានរកឃើញថាវត្ថុធាតុដើមនៃថ្មស្មាតហ្វូនត្រូវបានជីកយកដោយកុមារអាយុ៧ឆ្នាំ ។ ក្នុងនោះក្រុមហ៊ុនបច្ចេកវិទ្យា
ការស៊ើបអង្កេតមួយធ្វើឡើងដោយអង្គការលើកលែងទោសអន្តរជាតិ Amnesty International បានរកឃើញថាវត្ថុធាតុដើមនៃថ្មស្មាតហ្វូនត្រូវបានជីកយកដោយកុមារអាយុ៧ឆ្នាំ ។ ក្នុងនោះក្រុមហ៊ុនបច្ចេកវិទ្យា ធំៗរបស់ពិភពលោករួមមានក្រុមហ៊ុន Apple, Samsung, Sony និងក្រុមហ៊ុន Microsoft ត្រូវបានចោទប្រកាន់ពីបទកេងប្រវ័ញ្ញផលចំណេញពីពលកម្មកុមារ ។ ការស៊ើបអង្កេតមួយដោយអង្គការសិទ្ធិមនុស្ស និងអង្គការឃ្លាំមើលធនធានអាហ្វ្រិកបានអះអាងថា ក្មេងចាប់ពីអាយុ៧ឆ្នាំឡើងទៅត្រូវបានពាក់ព័ន្ធនឹងការជីកយកសារធាតុរ៉ែម្យ៉ាងដែលគេប្រើជាថ្មក្នុងស្មាតហ្វូននៅសាធារណរដ្ឋប្រជាធិបតេយ្យកុងហ្គោ នៅទីបំផុតត្រូវបានគេរកឃើញថា ជាមធ្យោបាយនៃការផលិតគ្រឿងអេឡិចត្រូនិកដោយក្រុមហ៊ុន Apple, Samsung និងក្រុមហ៊ុនរថយន្ត Volkswagen ។
ក្រុមហ៊ុន Apple បានឆ្លើយតបទៅនឹងរបាយការណ៍ចេញផ្សាយរបស់អង្គការសិទ្ធិមនុស្សដូច្នេះថា ការកេងប្រវ័ញ្ញពលកម្មកុមារគឺមិនត្រូវលើកលែងឱ្យទេក្នុងខ្សែសង្វាក់ផលិតកម្មរបស់យើង ។ សាធារណរដ្ឋប្រជាធិបតេយ្យកុងហ្គោបានផលិតយ៉ាងហោចណាស់៥០ភាគរយនៃសារធាតុលោហៈសរឹងដែលត្រូវគេប្រើប្រាស់ក្នុងថ្មលីចូមជាតិដែក ពោលគឺឧបករណ៍នោះផ្តល់កម្លាំងឱ្យស្មាតហ្វូន និងរថយន្តអគ្គិសនីផងដែរ ។
អង្គការ Amnesty International បានបង្ហាញពីការជីកយករ៉ែសារធាតុសរឹង និងការប្រើកម្លាំងពលកម្មកុមារ ហើយលក់ទៅឱ្យក្រុមហ៊ុនបុត្រសម្ព័ន្ធគឺក្រុមហ៊ុនរ៉ែធំបំផុតរបស់ចិនមានឈ្មោះថា Huayou Cobalt ។ ជាមួយគ្នានេះដែរឯកសារវិនិយោគបង្ហាញថា ដំណើការលក់សារធាតុរ៉ែសរឹងត្រូវបានលក់ទៅកាន់ក្រុមហ៊ុនផលិតសមាសធាតុថ្មក្នុងប្រទេសចិន និងប្រទេសកូរ៉េខាងត្បូងដែលក្រុមហ៊ុនទាំងនេះបន្តផ្គត់ផ្គង់ថ្មឱ្យក្រុមហ៊ុន Apple, Samsung, Sony, Microsoft, Daimler និងក្រុមហ៊ុន Volkswagen។
ក្នុងចំណោមក្រុមហ៊ុនទាំង៦នោះ មានតែក្រុមហ៊ុន Sony ទេដែលសារភាពថាខ្លួននឹងបើកការស៊ើបអង្កេតទៅនឹងការអះអាងនោះ ខណៈក្រុមហ៊ុន៥ផ្សេងទៀតបានបដិសេធដោយមិនបញ្ជាក់ ដោយនិយាយថាពួកគេទិញពីកុងហ្គោ ឬក្រុមហ៊ុនរ៉ែចិន Huayou Cobalt ។ ក្រុមហ៊ុនឈរលំដាប់លេខ១ និងលេខ២ជាប្រតិបតិ្តការណ៍ស្មាតហ្វូនក្នុងលោក គឺក្រុមហ៊ុន Apple និង Samsung បានបញ្ចេញលិខិតបដិសេធថា ពួកគេមិនបានប្រើប្រាស់កម្លាំងពលកម្មកុមារទេ បើមានមែនសកម្មភាពនេះមិនត្រូវលើកលែងទោសឡើយ ៕
ចែករំលែកព័តមាននេះ