ប្រុសស្រី៧នាក់ល្មើសបំរាម ផាកពិន័យម្នាក់ៗ១លានរៀល និងត្រូវជម្រះក្តីចុងខែកញ្ញា
- ស្ទឹងត្រែង
ខេត្តស្ទឹងត្រែង ៖ លោក ហោ វុទ្ធី នាយការិយាល័យព្រហ្មទណ្ឌកំរិតស្រាលស្នងការដ្ឋាននគរបាលខេត្តស្ទឹងត្រែងអោយដឹងថា មនុស្ស
ខេត្តស្ទឹងត្រែង ៖ លោក ហោ វុទ្ធី នាយការិយាល័យព្រហ្មទណ្ឌកំរិតស្រាលស្នងការដ្ឋាននគរបាលខេត្តស្ទឹងត្រែងអោយដឹងថា មនុស្ស
ខេត្តស្ទឹងត្រែង ៖ លោក ហោ វុទ្ធី នាយការិយាល័យព្រហ្មទណ្ឌកំរិតស្រាលស្នងការដ្ឋាននគរបាលខេត្តស្ទឹងត្រែងអោយដឹងថា មនុស្សប្រុសស្រីចំនួន៧នាក់ប្រមូលផ្តុំជួបជុំគ្នាលេងល្បែងស៊ីសងដោយល្មើសទៅនឹងបំរាមរបស់រដ្ឋបាលខេត្តស្ទឹងត្រែង ត្រូវកម្លាំងជំនាញឃាត់ខ្លួនកាលពីថ្ងៃទី២៥ សីហា ឆ្នាំ២០២១ នៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង និងបានកសាងសំណុំរឿងបញ្ជូនទៅតុលាការរួចរាល់ហើយដែរ តែដោយសារស្ថានភាពក្នុងកំឡុងកូវីដ១៩ តុលាការបានអោយធ្វើកិច្ចសន្យាវិលត្រឡប់ទៅផ្ទះវិញរៀងៗខ្លួន រង់ចាំថ្ងៃទី២៩ ខែកញ្ញា ឆ្នាំ២០២១ នឹងត្រូវជំរះក្តីលើករណីនេះ។
មន្ត្រីនគរបាលព្រហ្មទណ្ឌបានឱ្យដឹងបន្តថា ជនសង្ស័យទាំង៧នាក់ខាងលើរួមមាន ១-ឈ្មោះ ឃុន ឡៃភួង ភេទស្រី អាយុ៦៣ឆ្នាំ មានទីលំនៅភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង ២-ឈ្មោះ ស ម៉ុម ភេទស្រី អាយុ៣៦ឆ្នាំ មានទីលំនៅភូមិកណ្តាល សង្កាត់ស្ទឹងត្រែង ក្រុងស្ទឹងត្រែង ៣-ឈ្មោះ កែវ សុថៃ ភេទ ស្រី អាយុ៣៩ឆ្នាំ មានទីលំនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង ៤-ឈ្មោះ អី នី ភេទប្រុស អាយុ៤៦ឆ្នាំ មានទីលំនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង៥-ឈ្មោះ ស្រី តុប ភេទស្រី អាយុ៤៦ឆ្នាំ មានទីលំនៅភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង ៦-ឈ្មោះ អូន ស្រីណា ភេទស្រី អាយុ២២ឆ្នាំ មានទីលំនៅភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង និង៧-ឈ្មោះ អ៊ុល សុប៊ិន ភេទប្រុស អាយុ២៦ឆ្នាំ មានទីលំនៅភូមិកណ្តាល សង្កាត់ស្ទឹងត្រែង ក្រុងស្ទឹងត្រែង ។
មន្ត្រីនគរបាលព្រហ្មទណ្ឌបានឱ្យដឹងបន្តថា ក្នុងពេលចុះឃាត់ខ្លួនជនសង្ស័យទាំង៧នាក់ខាងលើ សមត្ថកិច្ចដកហូតវត្ថុតាងរួមមានបៀចំនួន២ហ៊ូ និងកំរាលភួយ២ផ្ទាំង នឹងត្រូវបានធ្វើការផាកពិន័យក្នុង១នាក់ ចំនួន១.០០០.០០០រៀល (មួយលានរៀល) ។
មន្ត្រីនគរបាលព្រហ្មទណ្ឌអោយដឹងថា មុនឈានដល់ការឃាត់ខ្លួនជនសង្ស័យទាំង៧នាក់ខាងលើ គឺក្រោយពីមានការផ្តល់ព័ត៌មានពីប្រជាពលរដ្ឋថា មានមនុស្សប្រុសស្រីប្រមូលផ្តុំគ្នាលេងល្បែង ទើបកម្លាំងជំនាញការិយាល័យព្រហ្មទណ្ឌកំរិតស្រាលបានសហការជាមួយក្រុមការងារអនុវត្តច្បាប់ថ្នាក់ខេត្ត ចុះធ្វើការឃាត់ខ្លួនជនសង្ស័យចំនួន៧នាក់ ដែលប្រមូលផ្តុំគ្នាលេងល្បែងស៊ីសងដោយខុសច្បាប់ ដែលល្មើសនិងវិធានការរបស់រដ្ឋបាលខេត្តស្ទឹងត្រែង និងកសាងសំណុំរឿងចាត់ការតាមច្បាប់៕
ចែករំលែកព័តមាននេះ