ខេត្តកែប ៖ អាជ្ញាធរខេត្តកែប កាលពីព្រឹកថ្ងៃទី២៦ សីហា មានអាជ្ញាធរខេត្តនិងស្រុក ដឹកនាំដោយលោកស្រីគឹម ចន្នី អភិបាលស្រុកដំណាក់ចង្អើរ បានចុះមកវាយកម្ទេចខឿនដែលគេរៀបចូលទៅក្នុងដីសមុទ្រត្រង់ចំណុចជាប់ភ្នំបារាំង…
ខេត្តកែប ៖ អាជ្ញាធរខេត្តកែប កាលពីព្រឹកថ្ងៃទី២៦ សីហា មានអាជ្ញាធរខេត្តនិងស្រុក ដឹកនាំដោយលោកស្រីគឹម ចន្នី អភិបាលស្រុកដំណាក់ចង្អើរ បានចុះមកវាយកម្ទេចខឿនដែលគេរៀបចូលទៅក្នុងដីសមុទ្រត្រង់ចំណុចជាប់ភ្នំបារាំង ស្ថិតក្នុងភូមិអង្គោល ឃុំអង្កោល ស្រុកដំណាក់ចង្អើរ ខេត្តកែប ។ បើតាមការអះអាងរបស់លោកស្រីគឹម ចន្នី អភិបាលស្រុកដំណាក់ចង្អើរបាននិយាយប្រាប់អោយដឹងថា សំណង់រឹងដែលគេរៀបខឿនរំលោភយកដីសមុទ្រនេះ មានទទឹង8តឹក និងកំពស់1ម៉ែត្រ បណ្ដោយឆ្នេរមានប្រវែង80ម៉ែត្រ។
លោកស្រីគឹម ចន្នី អភិបាលស្រុកដំណាក់ចង្អើរបាននិយាយប្រាប់អ្នកយកព័ត៌មានថា សំណង់រឹងដែលគេរៀបខឿនចូលទៅក្នុងសមុទ្រនោះ ទើបតែធ្វើកាលពីសប្ដាហ៍មុននោះទេ ។ លោកស្រីបានបញ្ជាក់ថា ពេលអាជ្ញាធរយកគ្រឿងចក្រទៅវាយកម្ទេចចោលនៅតាមបណ្ដោយឆ្នេរនោះ គេមិនឃើញមានម្ចាស់ចេញមុខមកតវ៉ាឡើយ។ ហើយអាជ្ញាធរបានយកគ្រឿងចក្រវាយ និងកាយចោលរហូតបានសម្រេច។
ប្រជាពលរដ្ឋនៅចំណុចជាប់ជើងភ្នំបារាំងនិយាយថា ពួកគាត់ចូលរួមអាជ្ញាធរយកគ្រឿងចក្រ មកវាយកម្ទេចសំណង់រឹងដែលគេរៀបខឿនចូលទៅក្នុងសមុទ្រ ។ ពលរដ្ឋរូបនោះ មិនហ៊ានបង្ហាញមុខទេ ប៉ុន្តែគាត់បានលើកឡើងថា ការរៀបខឿនតាមបណ្ដាយឆ្នេរសមុទ្រនេះ មិនមែនប្រជាពលរដ្ឋនៅភូមិអង្កោលទេ បើតាមល្ហៀកល្ហៀងគឺអ្នកដែលរស់នៅរាជធានីភ្នំពេញឯណោះ ជាអ្នកជួលប្រជាពលរដ្ឋអោយធ្វើ ។
ចែករំលែកព័តមាននេះ