រាជធានីភ្នំពេញ ៖ សេចក្តីរាយការណ៍ឱ្យដឹងថា ខណៈនេះនាព្រឹកថ្ងៃទី២៦ មករា លោកគ្រូ-អ្នកគ្រូ និងសិស្សានុសិស្សជាច្រើននាក់ក្នុងសាលាបឋមសិក្សាជម្ពូវ័ន្ត បាននាំគ្នាកាន់បដាស្រែកតវ៉ាប្រឆាំងជាមួយលោកនាយកសាលាដែលទើបមកកាន់តំណែងថ្មី បានដកលោកនាយករង២រូបឱ្យទៅកាន់សាលាផ្សេង ខណៈដែលពួកគាត់កំពុងគោរពស្រឡាញ់ ។
ប្រភពឱ្យដឹងថា លោកនាយកសាលាដែលពួកគាត់នាំគ្នាតវ៉ានោះ ឈ្មោះស្វាយ សារុន ដែលទើបប្រកាសជាផ្លូវការណ៍កាលពីថ្ងៃទី២៥ មករា នៅសាលាខណ្ឌពោធិ៍សែនជ័យ ។ រីឯលោកនាយករង២រូប ម្នាក់ឈ្មោះខាត់ សេងលី បានដកទៅកាន់បឋមសិក្សាសុភមង្គល និងម្នាក់ទៀតឈ្មោះកែវ គង់ ដកទៅកាន់បឋមសិក្សាពូនភ្នំ ។
ការប្រឆាំងរបស់លោកគ្រូ-អ្នកគ្រូ និងសិស្សានុសិស្សនេះ គឺចង់ឱ្យខាងមន្ទីរអប់រំយុវជន និងកីឡា គិតឡើងវិញពីលោកស្វាយ សារុន ដែលជានាយកសាលាបឋមសិក្សាជម្ពូវ័ន្តថ្មីនេះ តាំងពីលោកចូលមកកាន់តំណែងត ចាប់ថ្ងៃទី២៩ ធ្នូ ២០១៥ រហូតមកដល់ពេលនេះ ពួកគាត់អះអាងថា គឺមានភាពរង្គោះរង្គើរផ្ទៃក្នុងយ៉ាងខ្លាំង ។ ដូច្នេះ ពួកគាត់សុំឱ្យខាងមន្ទីរអប់រំគិតឡើងវិញ ចំពោះលោកស្វាយ សារុន ។
ចែករំលែកព័តមាននេះ