រាជធានីភ្នំពេញ ៖ ឧកញ៉ា ថុង អ៊ុយប៉ាង ស្ថាបនិកសារព័ត៌មានកោះសន្តិភាព ក្នុងឱកាសចូលរួមក្នុងពិធីជួបជុំអតីតអ្នកកាសែតកម្ពុជា ដែលបានប្រារព្ធធ្វើនៅក្នុងភោជនីយដ្ឋាន សេវេនប្រាយ នាថ្ងៃទី២១ មករា ២០១៦ វេលាម៉ោង១១ថ្ងៃត្រង់ ។
ជាការជួបជុំខួបឆ្នាំទី៣៧ នៃថ្ងៃកំណើតកាសែតកម្ពុជា ដើម្បីផ្តល់ឱកាសឱ្យអ្នកកាសែតកម្ពុជា ពីអតីតបានជួបសំណេះសំណាលគ្នាពិសារអាហាររួមគ្នា ក្រោមអធិបតីភាពឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអតីតប្រធានកាសែតកម្ពុជា ដែលមានកំណើតការផ្សាយថ្ងៃទី២៥ មករា ១៩៧៩ ។
លោកឧកញ៉ា ថុង អ៊ុយប៉ាង ជាអតីតអ្នកកាសែតកម្ពុជាពីដើមឆ្នាំ១៩៨០ ក្រោយពេលដែលលោកចេញផុតពីរបបប៉ុល ពត វិលមករាជធានីភ្នំពេញវិញ នៅចុងខែមករា ១៩៧៩ ។
ការជួបជុំគ្នារវាងមិត្តចាស់ រំលឹកពី៣៧ឆ្នាំមុន ពិតជាសប្បាយមែន… សប្បាយផឹកមិនស្រវឹង ក្រោមការទង្គិចកែវគ្នា ទង្គិចគ្មានប្រណី ។
ចែករំលែកព័តមាននេះ