រាជធានីភ្នំពេញ ៖ បុរីមូនថោន គម្រោងទី២ ដែលមានទីតាំងស្ថិតនៅក្នុងសង្កាត់ទឹកថ្លា តាមបណ្ដោយផ្លូវឌួង ងាប ទី៣ បានធ្វើពិធីបើកសម្ពោធជាផ្លូវការហើយកាលពីថ្ងៃសៅរ៍ទី២៣ មករា កន្លងមនេះ ដោយបានការអញ្ជើញចូលរួមកាត់ខ្សែបូ
រាជធានីភ្នំពេញ ៖ បុរីមូនថោន គម្រោងទី២ ដែលមានទីតាំងស្ថិតនៅក្នុងសង្កាត់ទឹកថ្លា តាមបណ្ដោយផ្លូវឌួង ងាប ទី៣ បានធ្វើពិធីបើកសម្ពោធជាផ្លូវការហើយកាលពីថ្ងៃសៅរ៍ទី២៣ មករា កន្លងមនេះ ដោយបានការអញ្ជើញចូលរួមកាត់ខ្សែបូពីសំណាក់លោកនាយឧត្តមសេនីយ៍ គន់ គីម និងលោកជំទាវជាភរិយា ។
បុរីមូនថោន ដែលបានដំណើរការសាងសង់អស់រយៈពេលជាច្រើនខែមកនេះ គឺស្ថិតនៅលើទីតាំងដ៏ធំទូលាយក្នុងតំបន់ដែលមានបរិយាកាសល្អ ខ្យល់អាកាសបរិសុទ្ធ ។ ម្យ៉ាងវិញទៀត គ្រប់អគារទាំងអស់សុទ្ធតែបានសាងសង់ឡើងដោយវិស្វករដែលមានជំនាញច្បាស់លាស់ និងមានបទពិសោធន៍ក្នុងការសាងសង់អគារទំនើបៗនៅក្រៅប្រទេស ។ បុរីមូនថោន មានវីឡាកូនកាត់ វីឡាភ្លោះ និងផ្ទះល្វែងសម្រាប់ប្រកប របរអាជីវកម្មជាដើម ។ បុរីមូនថោនត្រូវបានរចនាម៉ូតដោយវិស្វករមកពីអឺរ៉ុប គ្រប់អគារទាំងអស់សុទ្ធសឹងតែត្រូវបានរចនាម៉ូតយ៉ាងទាន់សម័យ និងមានលក្ខណៈទំនើប មានការពេញនិយមបំផុតសម្រាប់មនុស្សសម័យថ្មី ។ បុរីមូនថោន ត្រូវបានសាងសង់ឡើងមានលក្ខណៈខុសប្លែកពីគេ គ្រប់អគារទាំងអស់មិនត្រឹមតែបានសាងសង់ឡើងមានលក្ខណៈទំនើប និងទាន់សម័យប៉ុណ្ណោះនោះទេ ថែមទាំងមានបរិវេណធំទូលាយនៅតាមចន្លោះអគារនីមួយៗ។ចំណែកសួនច្បារគឺសុទ្ធតែបានរៀបចំកែលំអឱ្យមានសម្រស់ស្រស់ស្អាតប្រកបដោយផាសុកភាពទៀតផង ។ ចំណែកផ្លូវនៅក្នុងបរិវេណបុរីទាំងមូល គឺអ៊ុតកៅស៊ូហើយធំទូលាយ ងាយស្រួលក្នុងការបើកបររថយន្ត ។ មិនតែប៉ុណ្ណោះនៅក្នុងបរិវេណបុរីទាំងមូល គឺសុទ្ធតែត្រូវបានបំពាក់កាមេរ៉ាសុវត្ថិភាពដើម្បីរក្សាការពារពេញ២៤ម៉ោង ។ មិនតែប៉ុណ្ណោះនៅគ្រប់វីឡាទាំងអស់ មិនត្រឹមតែវីឡាភ្លោះឬវីឡាទោលនោះទេ គឺមានដំឡើងសូឡាស្រាប់ៗទាំងអស់ ។
លោកនាយឧត្តមសេនីយ៍ គន់ គីម បានមានប្រសាសន៍កោតសរសើរចំពោះបុរីមូនថោន ដែលបានសាងសង់ឡើងមានលក្ខណៈទំនើប និងទាន់សម័យ ហើយលោកក៏មានទំនុកចិត្តយ៉ាងខ្លាំងលើបុរីមូនថោនផងដែរថា ពិតជាលំនៅឋានដែលប្រកបទៅដោយផាសុកភាពសម្រាប់មនុស្សទាន់សម័យ ៕
ចែករំលែកព័តមាននេះ