អាជ្ញាធរក្រុងសៅប៉ាវឡូ ប្រទេសប្រេស៊ីល ប្រកាសរៀបចំសណ្ដាប់ធ្នាប់ដល់អ្នកបើកបរតាក់ស៊ី ដោយចេញច្បាប់មិនឱ្យស្លៀក់ខោខ្លី និងពាក់ស្បែកជើងផ្ទាត់ ។ លើសពីនេះប្រសិនបើអ្នកបើកបរមានសក់កន្ទ្រើង ឬមិនកោរពុកមាត់
អាជ្ញាធរក្រុងសៅប៉ាវឡូ ប្រទេសប្រេស៊ីល ប្រកាសរៀបចំសណ្ដាប់ធ្នាប់ដល់អ្នកបើកបរតាក់ស៊ី ដោយចេញច្បាប់មិនឱ្យស្លៀក់ខោខ្លី និងពាក់ស្បែកជើងផ្ទាត់ ។ លើសពីនេះប្រសិនបើអ្នកបើកបរមានសក់កន្ទ្រើង ឬមិនកោរពុកមាត់ ត្រូវពិន័យក្នុងមួយករណី៩ដុល្លារ ។ ច្បាប់នេះកំណត់ឱ្យប្រើចាប់ពីថ្ងៃទី១៨ មករា ២០១៦ តទៅ ។
ច្បាប់ថ្មីដែលដាក់ឱ្យប្រើប្រាស់នេះ កំណត់ឱ្យអ្នកបើកបរតាក់ស៊ីត្រូវពាក់អាវសឺមីធម្មតា សក្ដិសមនឹងខោខូវប៊យ ឬខោជើងវែងដែលមានលក្ខណៈសមរម្យ រួមជាមួយខ្សែក្រវាត់ ។ ក្រៅពីស្លៀកពាក់ឱ្យសមរម្យ នៅក្នុងច្បាប់ថ្មីណែនាំឱ្យអ្នកបើកបរតាក់ស៊ីជៀសវាងពិគ្រោះរឿងបាល់ទាត់ នយោបាយ និងសាសនា រួមទាំងបង្ហាញទស្សនៈបែបអវិជ្ជមាន ។
ការរឹតបន្តឹងដោយចេញច្បាប់នោះ មានគោលដៅលើកកំពស់បទដ្ឋានរបស់តាក់ស៊ីនៅក្នុងប្រទេសដែលកំពុងប្រឈមមុខនឹងគូប្រជែងដ៏សំខាន់ គឺតាក់ស៊ី «Uber» ដ៏ពេញនិយមក្នុងបណ្ដាប្រទេសជាច្រើននៅលើពិភពលោក ៕
ចែករំលែកព័តមាននេះ