ឆ្នាំ១៤៩៧
-អ្នករុករកជនជាតិអ៊ីតាលីឈ្មោះអាម រីហ្គោវេសពូស៊ី ធ្វើដំណើរចាកចេញពីទីក្រុងកាឌីស សំរាប់ដំណើររុករកដែនដីថ្មីជាលើកទី១ របស់លោក ។
ឆ្នាំ១៥០៣
-លោកគ្រីស្ដូហ្វ័រ កូឡុំបើស បានធ្វើ ដំណើរទៅកាន់កោះមួយនៅក្នុងសមុទ្រការីបៀន និងឱ្យឈ្មោះកោះនោះថា ឡាសទ័រទូ ហ្គាស ដោយសារឃើញមានសត្វអណ្ដើក ច្រើនពេកនៅទីនោះ ដែលពីមុនកោះនេះ ឈ្មោះខាយម៉ាន ។
ឆ្នាំ១៥៣៤
-អ្នករុករកជនជាតិបារាំងឈ្មោះហ្សាក់ កាតទីយ៉េ បានចេញដំណើរទៅទស្សនាកោះញូវហ្វូនឡែន ដែលស្ថិតនៅខាងជើងអាមេរិក បច្ចុប្បន្នជាដែនកោះរបស់ប្រទេសកាណាដា។
ឆ្នាំ១៦៥៥
-មេបញ្ជាការពីររូបរបស់ចក្រភពអង់គ្លេស លោកវីលៀម ផេន និងលោករ៉ូបឺក វេណេបលបាននាំទ័ពចូលឈ្លានពានកាន់កាប់ប្រទេសចាមីកា បញ្ចូលជាដែនដីរបស់អង់គ្លេសចេញពីប្រទេសអេស្ប៉ាញ ។
ឆ្នាំ១៧៦៨
-លោកចន វីក ដែលជាអ្នកនយោបាយនិងជាអ្នកកាសែតត្រូវបានចាប់ដាក់ពន្ធនាគារដោយសារសរសេរអត្ថបទមួយដែលមានចំណងជើងថា “The Nort Briton” ។ អត្ថបទនេះបានធ្វើការរិះគន់ខ្លាំងៗទៅលើស្ដេចហ្ស៊ក់ទី៣ របស់អង់គ្លេស ហើយការចាប់ឃុំខ្លួនលោកនេះក៏កើតមានបាតុកម្មនៅក្នុងទីក្រុងឡុង និង២ឆ្នាំក្រោយមកលោកចន វីក ក៏ត្រូវបានគេដោះលែងវិញ ។
ឆ្នាំ១៧៧៤
-ស្ដេចល្វីសទី១៦ បានក្លាយជាស្ដេចនៃប្រទេសបារាំង។ ព្រះអង្គសោយរាជ្យរហូតដល់ឆ្នាំ១៧៩១ ហើយព្រះអង្គជាស្ដេចទី១ របស់បារាំង ដែលត្រូវគេកាត់ទោសប្រហារជីវិតនៅទីសាធារណៈពីបទក្បត់ជាតិ ។
ឆ្នាំ១៨០១
-ចោរសមុទ្រមូស្លិម ដែលមកពីភាគខាងជើងអាហ្វ្រិក ក្នុងតំបន់ទ្រីប៉ូលី បច្ចុប្បន្នជាទីក្រុងរបស់ប្រទេសស៊ីរី បានធ្វើការប្រកាសសង្គ្រាមជាមួយសហរដ្ឋអាមេរិក ។
ឆ្នាំ១៨២៤
-សារមន្ទីរគំនូរជាតិនៅក្នុងទីក្រុងឡុង ត្រូវបានគេបើកជាសាធារណៈ ។ សារមន្ទីរនេះមានគំនូរប្រមាណ២.៣០០ផ្ទាំង ដែលប្រមូលបានចាប់តាំងពីពាក់កណ្ដាលសតវត្សទី១៣ រហូតដល់ឆ្នាំ១៩០០ ។
ឆ្នាំ១៨៣៣
-ដោយសារការប្រមាថមកលើមេទ័ពវៀតណាម ឡេវ៉ាន់ដូយ៉េត ដែលជាមេទ័ពជួយដល់ស្ដេចង៉រយ៉េនអាញ់ឱ្យបានឡើងគ្រងរាជ្យក្រោមនាមហ្កៃឡុង និងបង្កើតរជ្ជកាល ង៉រយេនពីសំណាក់ស្ដេចមិញម៉ាង ដែលជាស្ដេចទីពីរក្រោយរជ្ជកាលង៉រយេននេះ ធ្វើឱ្យកូនធម៌របស់លោកមេទ័ពឈ្មោះឡេវ៉ាន់ ខយ ដែលទើបតែរត់ចេញពីពន្ធនាគារនោះ ចាប់ផ្ដើមធ្វើបដិវត្ដន៍តែម្ដង ដោយមានការគាំទ្រពីសៀម និងបារាំង តែបានស្លាប់នៅឆ្នាំ១៩៣៤។
ឆ្នាំ១៨៣៧
-ធនាគារនៅទីក្រុងញូវយ៉ក បានដួលរលំជាច្រើន និងធ្វើឱ្យចំនួនអ្នកអត់ការងារធ្វើកើនឡើងខ្ពស់បំផុត។ ពេលនោះក្នុងចំណោមធនាគារប្រមាណ៨៥០ មាន៣៤៣ បានបិទទ្វារ ។ តំលៃដីធ្លីគឺ១,៥ដុល្លារអាមេរិក ក្នុងផ្ទៃដីមួយហិកតា ។ បញ្ហាវិបត្ដិខាងលើនេះ អ្នកអត់ការងារធ្វើបានស្ដីបន្ទោសទៅលើនយោបាយរបស់លោកប្រធានាធិបតីអាមេ រិកអង់ដ្រេ ជេកសុន ។
ឆ្នាំ១៨៧២
-លោកស្រី វីកតូរីយ៉ា វូដហូល បានក្លាយជាស្ដ្រីទី១ ដែលត្រូវបានគេឱ្យឈរឈ្មោះជាបេក្ខភាពប្រធានាធិបតីអាមេរិក ។
ឆ្នាំ១៩២២
-សហរដ្ឋអាមេរិក បានដាក់បញ្ចូលដីដុះ នៅលើសមុទ្រប៉ាស៊ីហ្វិក ដែលនៅចន្លោះកោះហាវៃ និងកោះសាម៉ាវ ជារបស់ខ្លួន ។ ដីដុះនោះគេរកឃើញនៅឆ្នាំ១៧៨៤ ដោយជនជាតិអាមេរិកម្នាក់ឈ្មោះអេដម៉ាន់ នីង ។
ឆ្នាំ១៩៤០
-នាសង្គ្រាមលោកលើកទី២ គ្រាប់បែកទី១ របស់ប្រទេសអាល្លឺម៉ង់ បានទំលាក់មកលើប្រទេសអង់គ្លេស ក្នុងទីក្រុងគនេត ។
-ប្រទេសអាល្លឺម៉ង់ បានធ្វើការឈ្លានពានលើប្រទេសប៊ែលហ្ស៊ិក ហុល្លង់ ឡុចហ្ស៊ំបួរ និងប្រទេសបារាំង ។
-លោកវីនស្ដុន ឈ័រឈីល ត្រូវបានគេតែងតាំងជានាយករដ្ឋមន្ដ្រីនៃចក្រភពអង់គ្លេស ។
-ចក្រភពអង់គ្លេសបានចូលឈ្លានពានទឹកដីអ៊ីស្លង់ ។
ឆ្នាំ១៩៤១
-អនុអធិការបតីអាល្លឺម៉ង់ រ៉ូដូល ហេស បានចូលប្រទេសស្កុកឡែនដើម្បីព្យាយាមរកដំណោះស្រាយចរចាសន្ដិភាពរវាងប្រទេសអាល្លឺម៉ង់ និងចក្រភពអង់គ្លេស ។
ឆ្នាំ១៩៤២
-អំឡុងមានសង្គ្រាមលោកលើកទី២ កងទ័ព Thai phayap បានចូលឈ្លានពានរដ្ឋសានស្របពេលមានសង្គ្រាមរវាងចក្រភពអង់គ្លេស ចិន និងសហរដ្ឋអាមេរិក ប្រឆាំងនឹងប្រទេសជប៉ុន ថៃ និងប្រទេសឥណ្ឌា ។ រដ្ឋសាន នៅដើមសតវត្សទី១៣ រហូតដល់ពាក់កណ្ដាលសតវត្សទី២០ ជាទឹកដីរួមមាន ប្រទេសភូមា ថៃ និងឡាវ ដែលបច្ចុប្បន្នមួយ ភាគជាប្រទេសភូមា និងថៃ ហើយឈ្មោះនេះបានប្រើនៅក្រោមអាណានិគមនិយមអង់គ្លេស ។
ឆ្នាំ១៩៦៩
-សង្គ្រាមនៅតំបន់ដុង អាបប៊ីយ៉ា បានចាប់ផ្ដើមហើយក្នុងប្រទេសវៀតណាម ដោយទ័ពអាមេរិកមានចំនួន១.៨០០នាក់ និងទ័ពវៀតណាមមានចំនួន៨០០នាក់ ។
ឆ្នាំ១៩៩៣
-ឆេះរោងចក្រផលិតរបស់លេងនៅក្នុងប្រទេសថៃ ស្លាប់មនុស្ស១៨៨នាក់ និងរបួសធ្ងន់៥០០នាក់ ។
ឆ្នាំ១៩៩៤
-លោកណែលសុន មេនដឺឡា បានប្រារឰពិធីឡើងកាន់តំណែងជាប្រធានាធិបតីស្បែកខ្មៅទី១ នៅក្នុងប្រទេសអាហ្វ្រិកខាងត្បូង ។
ឆ្នាំ២០០១
-ក្នុងប្រទេសហ្គាណា មានមនុស្សស្លាប់១២០នាក់ដោយការរត់ជាន់គ្នាក្នុងពេលប្រកួតកីឡាបាល់ទាត់មួយ ។
ឆ្នាំ២០០២
-ភ្នាក់ងារ FBI ម្នាក់របស់អាមេរិកឈ្មោះរ៉ូប៊ឺតហានសេន ត្រូវបានគេកាត់ទោសឱ្យជាប់ពន្ធនាគារអស់មួយជីវិតដោយសារការលក់ឯកសារសំងាត់ទៅឱ្យទីក្រុងមូស្គូ ក្នុងតំលៃ១,៤លានដុល្លារ ជាសាច់ប្រាក់សុទ្ធ និងគ្រាប់ពេជ្រផ្សេងទៀត ។
ឆ្នាំ២០០៥
-អំឡុងថ្លែងសុន្ទរថារបស់លោកប្រធានាធិបតីអាមេរិក លោកហ្ស៊ក ដាប់បលយូ ប៊ូស ទៅកាន់ហ្វូងមនុស្សក្នុងទីក្រុង Tbilisi ប្រទេសហ្ស៊កហ្ស៊ី ជាមួយលោកប្រធានាធិបតី មីគែល សាកអាស្រ៊ីលី លោកវ៉ា្លឌីមៀរ អារ៉ូទីនៀន បានគប់គ្រាប់បែកដៃសំដៅ លោកប្រធានាធិបតីអាមេរិក និងបានឆ្លាក់ ក្នុងចំងាយ២០ម៉ែត្រពីលោកប្រធានាធិបតីតែសំណាងល្អមិនផ្ទុះ ។ ក្រោយពីត្រូវចាប់ខ្លួន លោកវ៉ា្លឌីមៀរ អារ៉ូទីនៀន ត្រូវបានគេ កាត់ទោសឱ្យជាប់ពន្ធនាគារអស់មួយជីវិតពីបទប៉ុនប៉ងមនុស្សឃាតទៅលើលោកប្រធានាធិបតីទាំង២ ។ ក្នុងអំឡុងដំណើរការ កាត់ក្ដី ម្ចាស់គ្រាប់បែករូបនេះមិនបានឆ្លើយអ្វីទាំងអស់ ៕
ចែករំលែកព័តមាននេះ