សារព័ត៌មានបរទេសបានបង្ហាញរូបភាពពីផ្កាយរណបជារូបវិហារបុរាណ «St Elijah Monastery» ដ៏ចំណាស់បំផុតក្នុងប្រទេសអីុរ៉ាក់ អាយុជាង១៤០០ឆ្នាំ ស្ថិតនៅលើភ្នំក្នុងទីក្រុងម៉ូស៊ូល ភាគខាងជើង ត្រូវក្រុមប្រដាប់អាវុធរដ្ឋអ៊ិស្លាម(IS) បំផ្លាញចោល ។
សារព័ត៌មានបរទេសបានបង្ហាញរូបភាពពីផ្កាយរណបជារូបវិហារបុរាណ «St Elijah Monastery» ដ៏ចំណាស់បំផុតក្នុងប្រទេសអីុរ៉ាក់ អាយុជាង១៤០០ឆ្នាំ ស្ថិតនៅលើភ្នំក្នុងទីក្រុងម៉ូស៊ូល ភាគខាងជើង ត្រូវក្រុមប្រដាប់អាវុធរដ្ឋអ៊ិស្លាម(IS) បំផ្លាញចោល ។
អ្នកជំនាញបញ្ជាក់ថា តាមតឹកតាងក្នុងផ្កាយរណបបង្ហាញថា វិហារគ្រឹស្តបុរាណនោះបានបំផ្លាញនៅក្នុងឆ្នាំ២០១៤ ឬក្រោយពេលក្រុម IS ចូលកាន់កាប់ក្រុងម៉ូស៊ូល ខណៈពេលសម្តេចប៉ូលថាប៊ីត ហាប៊ីប ជាព្រះសង្ឃកាតូលិក នៅក្រុងម៉ូស៊ូល បច្ចុប្បន្នស្ថិតនៅក្រុង «អីុដលីប» របស់ជនជាតិឃើត បានក្រើនរំឭកថា «ប្រវត្តិសាស្ត្ររបស់គ្រឹស្តសាសនិកកំពុងរងការបំផ្លិចបំផ្លាញដ៏ឃោរឃៅ បើពិនិត្យពីហេតុផលនេះឃើញថា ពួកគេកំពុងព្យាយាមបណ្តេញយើងចេញពីអីុរ៉ាក់» ។
បច្ចុប្បន្នក្រុម IS រមែងវាយប្រហារក្រុមគ្រឹស្តសាសនិកនៅអីុរ៉ាក់ និងស៊ីរី ទាំងការរឹបអូសសម្ភារ និងបង្ខំឱ្យប្តូរទៅកាន់សាសនាអ៊ិស្លាម ឬតម្រូវឱ្យបង់ពន្ធខ្ពស់ ។ ក្រៅពីនេះ IS ថែមទាំងបំផ្លិចបំផ្លាញវត្តអារាម និងវិហារគ្រឹស្តបុរាណមុនយុគសម័យអ៊ិស្លាមនៅអីុរ៉ាក់ និងនៅស៊ីរីយ៉ាងច្រើន ។ ចំពោះវិហារគ្រឹស្តអំបូរ «អាស់ស៊ីរី» នៅក្នុងឆ្នាំ៥៩៥ ក្រោយមកទទួលការអះអាងជាម្ចាស់ដោយគ្រឹស្តកាតូលិករបស់ជនអំបូរ «ខាលឌៀន» ។ បន្ទាប់មកវិហារនោះបានក្លាយជាមជ្ឈមណ្ឌលរបស់សាសនិកគ្រឹស្តនៅក្នុងស្រុក និងគ្រឹស្តសាសនិកជាច្រើននាក់បានចូលរួមក្នុងពិធី «ម៉ាអេលីយ៉ា» (Mar Elias) ត្រូវនឹងថ្ងៃពុធចុងក្រោយនៃខែវិច្ឆិកា ក្នុងអំឡុងពេលជាច្រើនសតវត្ស ។
នៅឆ្នាំ១៧៤៣ កងទ័ព «ពែរ្ស៍» បានដាក់ គំនាបដល់បុព្វជិតក្នុងវិហារនោះត្រូវប្តូរសាសនាទៅកាន់អ៊ិស្លាម ហើយបព្វជិតបានបដិសេធធ្វើឱ្យពួកគេសម្លាប់អស់ជាង១៥០អង្គ៕
ចែករំលែកព័តមាននេះ