កាលពីពេល ថ្មីៗកន្លងមកក្រុមហ៊ុន Apple បានប្រកាសគម្រោងបង្កើតមជ្ឈមណ្ឌលអភិវឌ្ឍកម្មវិធីiOS ដំបូងគេរបស់ខ្លួនសម្រាប់ផ្គត់ផ្គង់ដល់សហគមន៍អឺរ៉ុប ។
មជ្ឈមណ្ឌលនោះនឹងមានទីតាំងនៅក្រុងNaples ប្រទេសអីុតាលី
កាលពីពេល ថ្មីៗកន្លងមកក្រុមហ៊ុន Apple បានប្រកាសគម្រោងបង្កើតមជ្ឈមណ្ឌលអភិវឌ្ឍកម្មវិធីiOS ដំបូងគេរបស់ខ្លួនសម្រាប់ផ្គត់ផ្គង់ដល់សហគមន៍អឺរ៉ុប ។
មជ្ឈមណ្ឌលនោះនឹងមានទីតាំងនៅក្រុងNaples ប្រទេសអីុតាលី ព្រមទាំងផ្តល់ជូនទីកន្លែងសម្រាប់សិស្សានុសិស្សដើម្បីសិក្សារៀនសូត្រពីការបង្កើតកម្មវិធីiOS ។ លើសពីនេះទៅទៀតមជ្ឈមណ្ឌលនេះនឹងមានលក្ខណៈពិសេស ពោលគឺមានគ្រូបង្រៀន និងកម្មវិធីសិក្សាកម្រិតស្តង់ដាអន្តរជាតិ ដើម្បីជួយសម្រួលដល់សហគមអភិវឌ្ឍន៍ផ្សេងៗគ្នាប្រកបដោយភាពរឹងមាំ ។
ក្នុងសេចក្តីថ្លែងការណ៍របស់ក្រុមហ៊ុន Apple ឱ្យដឹងថាខ្លួនសង្ឃឹមថាមជ្ឈមណ្ឌលអភិវឌ្ឍកម្មវិធីនេះនឹងបង្កើតការងារកាន់តែច្រើនបន្ថែមទៀតក្នុងសហគមន៍iOS ដែលបានបង្កើតច្រើនជាង១,២លានការងារក្នុងតំបន់អឺរ៉ុបរួចមកហើយនោះ ។ ដោយឡែកនៅប្រទេសអីុតាលីវិញមានការងារចំនួន៧៥.០០០កន្លែង ។ រីឯអ្នកផលិតកម្មវិធីiOS នៅអឺរ៉ុបវិញរកចំណូលបានច្រើនជាង១០,២ពាន់លានអឺរ៉ូ ពីការលក់កម្មវិធីរបស់ពួកគេនៅលើApp Store ។
ក្រុមហ៊ុនApple មានគម្រោងចាប់ដៃគូជាមួយសហគមអភិវឌ្ឍផ្សេងទៀតក្នុងប្រទេសអីុតាលីដើម្បីបង្កើតកម្មវិធីសិក្សាផ្ទាល់ខ្លួន និងធានាថា សិស្សានុសិស្សច្រើនបំផុតនឹងមានលទ្ធភាពគ្រប់គ្រាន់ដើម្បីទាញយកផលប្រយោជន៍ពីឱកាសអស់ទាំងនោះទៀតផង ។
លោកTim Cook នាយកប្រតិបតប្រចាំក្រុមហ៊ុនApple និយាយថា «អឺរ៉ុបគឺជាកន្លែងពិសេសដែលប្រមូលផ្តុំទៅដោយអ្នកផលិតកម្មវិធីឆ្លាតវៃក្នុងលោក ហើយពួយយើងរំភើបចិត្តជាខ្លាំងដើម្បីជួយដល់សហគ្រិនផលិតកម្មវិធីជំនាន់ក្រោយក្នុងប្រទេសអីុតាលី» ៕
ចែករំលែកព័តមាននេះ