ពូកែបបួលលេងបៀរ និងវ៉ៃគ្នា មួយស្មើញឹកពេក ទ្រាំមិនបាន យកកែវ វ៉ៃក្បាល ដេរ ៤៥ថ្នេរ!
- កណ្តាល
កណ្តាល៖ អំពើហិង្សាមួយ បានកើតឡើង ដោយសារទំនាស់រឿង ឌឺដងខ្លាំងពេក ធ្វើអោយជនសង្ស័យ ទ្រាំមិនបាន យកកែវវ៉ៃក្បាល បណ្តាលអោយជនរងគ្រោះ របួស…
កណ្តាល៖ អំពើហិង្សាមួយ បានកើតឡើង ដោយសារទំនាស់រឿង ឌឺដងខ្លាំងពេក ធ្វើអោយជនសង្ស័យ ទ្រាំមិនបាន យកកែវវ៉ៃក្បាល បណ្តាលអោយជនរងគ្រោះ របួស…
កណ្តាល៖ អំពើហិង្សាមួយ បានកើតឡើង ដោយសារទំនាស់រឿង ឌឺដងខ្លាំងពេក ធ្វើអោយជនសង្ស័យ ទ្រាំមិនបាន យកកែវវ៉ៃក្បាល បណ្តាលអោយជនរងគ្រោះ របួស បែកក្បាលហូរឈាម។ ជនបង្ក និងជនរងគ្រោះ ជាបុរសជនជាតិវៀតណាម។
ហេតុការណ៍នេះ បានកើតឡើង នៅថ្ងៃទី២២ ខែសីហា ឆ្នាំ២០២១ វេលាម៉ោង ១២ និង ៣០នាទី នៅមុខរោងលក់កាហ្វេរបស់ឈ្មោះ ប៉ោ ស្ថិតក្នុងភូមិស្វាយជ្រុំ ឃុំព្រែកដំបង ស្រុកមុខកំពូល ខេត្តកណ្ដាល។
ជនរងគ្រោះ ឈ្មោះ ភូ យ៉ាំងក ភេទប្រុស អាយុ ២៦ឆ្នាំ ជាជនជាតិវៀតណាម និងជាកម្មករបូមខ្សាច់ មានទីលំនៅ ក្នុងភូមិរកាកោង ឃុំរកាកោងទី១ ស្រុកមុខកំពូល ខេត្តកណ្ដាល។ ជននេះ រងរបួសចំនួន ៦កន្លែង ដេរចំនួន ៤៥ថ្នេរ។
ចំណែកជនសង្ស័យ ឈ្មោះ ដាំង យ៉ាំងថាន់ ភេទប្រុស អាយុ ៣៧ឆ្នាំ ជនជាតិវៀតណាម មុខរបរ នេសាទត្រី មានទីលំនៅ ក្នុងភូមិរកាកោង ឃុំរកាកោងទី១ ស្រុកមុខកំពូល ខេត្តកណ្ដាល។
សមត្ថកិច្ចស្រុកមុខកំពូល បានអោយដឹងថា នៅថ្ងៃទី២២ ខែសីហា ឆ្នាំ២០២១ វេលាម៉ោង ៩ និង០០នាទី ជនសង្ស័យ បានទិញស្រាបៀរកម្ពុជា ចំនួន ០៦កំប៉ុង ទៅផឹកនៅមុខផ្ទះឪពុកក្មេករបស់ខ្លួន ឈ្មោះ ឌាំង នៅភូមិស្វាយជ្រំ ឃុំព្រែកដំបង ជាមួយឈ្មោះ វី និងម្នាក់ទៀត មិនស្គាល់ឈ្មោះ ជាអ្នកច្រូតស្មៅគោ ជនជាតិខ្មែរ។
លុះផឹករហូតដល់វេលាម៉ោង ១២ និង០០នាទី ជនសង្ស័យ ក៏ឈប់ផឹកស្រាបៀរ ហើយដើរទៅនោម នៅក្បែររោងលក់កាហ្វេរបស់ឈ្មោះ ប៉ោង។ ពេលនោមរួច ជនសង្ស័យ ក៏បានដើរចូលទៅក្នុងរោងកាហ្វេរបស់ឈ្មោះ ប៉ោង ពេលចូលទៅដល់ ក៏ឃើញជនរងគ្រោះ និងមនុស្សផ្សេងទៀត ចំនួន ០៤នាក់ កំពុងលេងបៀរ ដាក់បារី។ ពេលនោះ ជនរងគ្រោះ បានបបួលជនសង្ស័យ លេងបៀរ ដាក់បារី។ បើជនរងគ្រោះ ឈ្នះយកចំនួន ០២កញ្ចប់ តែបើជនសង្ស័យឈ្នះ បានចំនួន ០៤កញ្ចប់។ ពេលនោះ ជនសង្ស័យ បានឆ្លើយថា «អញអត់លេងទេ ព្រោះអញ អ្នកក្រ»។ ភ្លាមនោះ ជនរងគ្រោះ ក៏បបួលជនសង្ស័យ វាយគ្នា មួយស្មើ ហើយជនសង្ស័យ ក៏ឆ្លើយថា «អញ មិនមែនអ្នកប្រដាល់ទេ ហើយក៏ស្ងាត់មាត់រៀងខ្លួន»។
បន្ទាប់មក ជនរងគ្រោះ ក៏បានបបួលជនសង្ស័យលេងបៀរទៀត។ តែជនសង្ស័យនៅតែប្រកែក មិនលេងជាមួយ ហើយក៏មានការឈ្លោះប្រកែកគ្នា។ ពេលនោះ ជនរងគ្រោះ ក៏បានដាល់ជនសង្ស័យចំនួន ០១ដៃចំមុខ ហើយជនសង្ស័យ ក៏ស្ទុះទៅយកកែវកាហ្វេ វាយទៅលើជនរងគ្រោះ បណ្ដាលឲ្យមានរបួសស្នាម ដូចបានរៀបរាប់ខាងលើ។ អ្នកនៅទីនោះ ក៏បានមកចាប់ ឃាត់ជនរងគ្រោះ និងជនសង្ស័យ បន្ទាប់មក បងប្អូនជនរងគ្រោះ ក៏បាននាំជនរងគ្រោះ យកទៅព្យាបាល របួសនៅមន្ទីរពេទ្យបង្អែក ប៊ុន រ៉ានី ហ៊ុនសែន រកាកោង។
ចំណែកជនសង្ស័យ ត្រូវបានបងប្អូនរបស់ជនរងគ្រោះមួយចំនួនទៀត ចាប់ឃាត់ខ្លួន យកមកប្រគល់ជូនសមត្ថកិច្ចប៉ុស្តិ៍នគរបាលរដ្ឋបាលព្រែកដំបង។
ក្រោយពីសមត្ថកិច្ច សួរនាំ ជនសង្ស័យបានឆ្លើយសារភាពថា ខ្លួនពិតជាបានយកកែវ វាយទៅលើជនរងគ្រោះ បណ្ដាលឱ្យមានរបួសស្នាមពិតមែន។ ជនសង្ស័យ ត្រូវឃាត់ខ្លួនបណ្ដោះអាសន្ន នៅអធិការដ្ឋានគរបាល ស្រុកមុខកំពូល។ ករណីនេះ ជំនាញ និងប៉ុស្តិ៍ កំពុងកសាងសំណុំរឿង ដើម្បីបន្តចាត់ការតាមនីតិវិធី៕ ឆ ដា
ចែករំលែកព័តមាននេះ