Apple គ្រោងបើកហាងលក់រាយ និង Online នៅឥណ្ឌា
យោងតាមលេខាធិការ Amitabh Kant របស់នាយកដ្ឋានគោលនយោបាយឧស្សាហកម្ម និងផ្សព្វផ្សាយហៅកាត់ថា DIPP និយាយទៅកាន់កាសែត The Times of India ថា ក្រុមហ៊ុន Apple បានបំពេញសំណៅឯកសារទៅកាន់
យោងតាមលេខាធិការ Amitabh Kant របស់នាយកដ្ឋានគោលនយោបាយឧស្សាហកម្ម និងផ្សព្វផ្សាយហៅកាត់ថា DIPP និយាយទៅកាន់កាសែត The Times of India ថា ក្រុមហ៊ុន Apple បានបំពេញសំណៅឯកសារទៅកាន់ DIPP ដើម្បីបើកហាងលក់ផលិតផលរាយ និងលក់តាម Online ក្នុងប្រទេសឥណ្ឌា ។
លោក Kant និយាយថា «ពួកយើងទើបតែទទួលបានសំណើរបស់ក្រុមហ៊ុន Apple។ ពួកយើងកំពុងតែត្រួតពិនិត្យវា ។ ក្រុមហ៊ុនបច្ចេកវិទ្យាធំរបស់អាមេរិកមួយនេះកំពុងតែសុំសិទ្ធអនុម័តពីរដ្ឋាភិបាលរបស់យើងដើម្បីលក់ផលិតផលតាមរយៈហាងនៅលើ Online របស់ខ្លួន» ។
ក្រុមហ៊ុន Apple កាលពីមុនបានព្យាយាមធ្វើដំណើរលើវិធីសាស្ត្រមួយនេះដោយលក់ផលិតផលរបស់ខ្លួនដោយផ្ទាល់ក្នុងប្រទេសឥណ្ឌាតាមរយៈ Online និងលក់រាយ ប៉ុន្តែគោលនយោវិនិយោគដោយផ្ទាល់ពីបរទេសហៅកាត់ថា FDI របស់រដ្ឋាភិបាលឥណ្ឌាសរសេរថា បើក្រុមហ៊ុនបរទេសណាមួយវិនិយោគច្រើនជាង៥១ ភាគរយគួរតែរក្សាទុក៣០ភាគរយឱ្យប្រទេសម្ចាស់ទឹកដី ហើយមិនអនុញ្ញាតិឱ្យក្រុមហ៊ុនបើកហាងលក់តាម Online ផ្ទាល់ខ្លួនឡើយ ។ ទោះជាយ៉ាងណាក៏ដោយការរឹតបន្តឹងទាំងនេះបានធូរស្រាយបន្តិច មានន័យថាក្រុមហ៊ុន Apple ទំនងជាមានសង្ឃឹមក្នុងការបំពេញគម្រោងដ៏ធំរបស់ខ្លួននេះ ៕
ចែករំលែកព័តមាននេះ