យោងតាមការវិភាគចេញផ្សាយកាលពីពេល ថ្មីៗកន្លងមកឱ្យដឹងថា ការផ្លាស់ប្តូរទីផ្សារពលកម្ម រួមបញ្ចូលទាំងមនុស្សយន្ត និងបច្ចេកវិទ្យាសិប្បនិមិត្តនឹងផ្តល់ផលវិបាកដល់មនុស្ស ពោលគឺពួកគេនឹងបាត់បង់ការងារប្រមាណជា៥,១លានកន្លែងក្នុងអំឡុងឆ្នាំ ២០២០ ក្នុងប្រទេសឈានមុខគេចំនួន១៥។ ការព្យាករដោយវេទិកាសេដ្ឋកិច្ចពិភពលោកហៅកាត់ថា WEF ដែលតែងតែណាត់ការជួបជុំគ្នារៀងរាល់ឆ្នាំនៅរមណីយដ្ឋានស្គីប្រទេសទេសស្វ៊ីសកាលពីពេល ថ្មីៗកន្លងមកប៉ាន់ប្រមាណថា ការងារចំនួន ៧,១លានកន្លែង តែត្រូវប៉ះប៉ូវមកវិញនូវតំណែងថ្មីប្រមាណជា២លានកន្លែង ។
ប្រទេសដែលមានសេដ្ឋកិច្ចជឿនលឿនចំនួន១៥ បានគ្របដណ្តប់ដោយការស្រង់មតិប្រហែលជា៦៥ភាគរយនៃកម្លាំងពលកម្មសរុបរបស់ពិភពលោក ។ ការបង្ហាញចេញនូវការវាយតម្លៃចំពោះបច្ចេកវិទ្យាទំនើបដែលនឹងប្រើ ឱ្យធ្វើការងារច្រើនជាងមនុស្សនឹងចាប់ផ្តើមពីវិស័យផលិតកម្ម រហូតដល់វិស័យសុខាភិបាល ។ ជាមួយគ្នានេះដែរអង្គការពលកម្មអន្តរជាតិដែលជាអង្គភាពមួយនៃអង្គការសហប្រជាជាតិបានព្យាករការកើនឡើងនៃភាពគ្មានការងារធ្វើក្នុងសកលលោកប្រមាណជា១១លានកន្លែងនៅឆ្នាំ២០២០ ។
យោងតាមការរកឃើញថ្មីដែលផ្អែកលើការស្រង់មតិពិភពលោកជាបុគ្គល និងយុទ្ធសាស្ត្រឱ្យដឹងថា ២ភាគ៣នៃការព្យាករដែលបាត់បង់កម្លាំងពលកម្មរបស់មនុស្ស ត្រូវបានគេរំពឹងថា នឹងធ្លាក់ក្នុងវិស័យការិយាល័យ និងរដ្ឋបាល ខណៈពេលដែលម៉ាស៊ីនឆ្លាតវៃធ្វើការងារប្រចាំថ្ងៃបានច្រើនជាង ។ WEF បានបង្កើតប្រធានបទឈ្មោះថា «បដិវត្តឧស្សាហកម្មទី៤» ដែលផ្តោតសំខាន់លើមនុស្សយន្ត បច្ចេកវិទ្យា 3D ព្រីន និងជីវបច្ចេកវិទ្យា ។ ទន្ទឹមគ្នានេះដែរស្ត្រីនឹងបាត់បង់ការងារច្រើនជាងបុរស ៕
ចែករំលែកព័តមាននេះ