ពួកបាតុករដែលប្រទូស្តរ៉ាយចំពោះរដ្ឋាភិបាលដែលប្រមូលផ្តុំគ្នារាល់ថ្ងៃចាប់តាំងពីជិត១ខែមកហើយដើម្បីទាមទារការកែទម្រង់នៅអូម៉ង់បានទុកពេលរហូតដល់ថ្ងៃទី៣០ មីនា ដល់អាជ្ញាធរដើម្បីឆ្លើយតបចំពោះការទាមទារទាំងឡាយរបស់ពួកគេ។ នៅទីក្រុងម៉ាស្កាតពួកយុវជនអូម៉ង់ជាច្រើនសិបនាក់បានប្រមូលផ្តុំគ្នារៀងរាល់ថ្ងៃនៅច្រកចេញនៃការិយាល័យទាំងឡាយស្ថិតនៅជាប់ទីលានក្បែរទីស្នាក់ការក្រុមប្រឹក្សាពិគ្រោះយោបល់។ ពួកគេស្ថិតនៅទីនោះនាពេលយប់ទៀត។ បាតុកម្មដូចគ្នានោះក៏កើតមានក្នុងទីក្រុងដទៃៗទៀតរបស់អូម៉ង់ក្នុងនោះមានទីក្រុងSOUR (ភាគអាគ្នេយ៍) និងក្រុងសូហារ(ភាគខាងជើង) ផងដែរ។
បាតុកម្មទាំងឡាយចាប់ផ្តើមពីដំណាច់ខែកុម្ភៈមកដើម្បីស្នើបង្កើតការងារ និងការលាលែងរបស់បណ្តារដ្ឋមន្ត្រីដែលជាប់សង្ស័យពីបទពុករលួយក្នុងរដ្ឋតូចនេះនៃឧបទ្វីបអារ៉ាប់ ដែលរដ្ឋនោះដឹកនាំចាប់តាំងពីឆ្នាំ១៩៧០មក ដោយព្រះចៅស៊ុលតង់ QABOUS ។ នៅក្រុងសូហារ ជាទីក្រុងឧស្សាហកម្មស្ថិតនៅចម្ងាយ២០០គីឡូម៉ែត្រពីទីក្រុងម៉ាស្កាតពួកអ្នកតវ៉ាបានគំរាមបិទចរាចរណ៍នៅទីលាន GLOBE និងនៅកំពង់ផែឧស្សាហកម្មប្រសិនបើអាជ្ញាធរពុំឆ្លើយតបតាមការទាមទាររបស់ពួកគេទេនោះ ៕
ចែករំលែកព័តមាននេះ