ស្របពេលដែលមេដឹកនាំនៃប្រទេសទាំងពីរបានព្រមព្រៀងគ្នា ដើម្បីធ្វើឱ្យសភាពការណ៍វិលទៅជាធម្មតាវិញ ដូចមុនថ្ងៃទី១៥ កក្កដា ឆ្នាំ២០០៨ ជាពិសេសនៅតំបន់ព្រំដែន ដោយតំរូវឱ្យទាហានថៃ ដែលកំពុងតែឈរជើងនៅវត្តកែវសិក្ខាគិរីស្វារៈដកចេញពីទឹកដីខ្មែរ ហើយសភាពការណ៍បានវិលទៅរកភាពដើមវិញហើយ ។ រីឯកងទ័ពនៃប្រទេសទាំងពីរបានបង្កើតទំនាក់ទំនងល្អជាមួយគ្នាជាមិត្តភាពក្នុងនាមជាប្រទេសជតិខាងល្អ ជាបងប្អូនល្អ សហការល្អ ។ ក្នុងខណៈពេលដែលសន្តិភាពកំពុងតែកើតមានរវាងប្រទេសទាំងពីរ មិនបានប៉ុន្មានផង ស្រាប់តែលេចមុខពួកជ្រុលនិយមមួយក្តាប់តូច មានគ្នាមួយតំបរស្វារ ដែលមានខួរក្បាលជាអ្នកវង្វេងប្រវត្តិសាស្ត្រពួកនេះបានបបួលគ្នាបង្កើតចលនាមួយហៅថា «បណ្តេញទាមទារទឹកដីម៉ែ!» តាមប្រភព ASTV Manager Online ចេញផ្សាយថ្ងៃទី៨ ធ្នូ ឆ្នាំ២០១០ ម៉ោង១៦និង៤៩នាទី ដែលដឹកនាំដោយលោកស៊ីមឿង វឌ្ឍនាឈីប បានដើររើលអ្នកវង្វេងដូចគ្នាមកពីប្រាំពីរខេត្ត តាមបណ្តោយព្រំដែនបានប្រហែល១៥០នាក់ ដើម្បីប្រជុំគ្នាស្រែកទាមទារមិនដឹងជាដីម៉ែ! ពួកនោះអីនៅក្នុងទឹកដីខ្មែរទៅវិញ ការពិតដីខ្មែរគ្មានកន្លែងណាជាកេរ្តិ៍ម៉ែរបស់ពួកសៀមមួយក្រុមតំបរស្វារនោះទេ ។ ប៉ុន្តែនៅប្រទេសថៃមានទឹកដីកេរ្តិ៍ដូនតាខ្មែរដ៏ធំល្វឹងល្វើយដែលចោរសៀមបានប្លន់យក ហើយកន្លែងដែលក្រុមសៀមមួយតំបរស្វារឈរស្រែកនោះគឺជាដីដូនតាខ្មែរ ។ ពួកនេះអាងតែមានមាត់ធំ នាំគ្នានិយាយមិនចេះខ្មាសខ្មោចម៉ែ!របស់ខ្លួន និងប្រទេសជិតខាង ជាពិសេសគួរខ្មាសខ្មែរម្ចាស់ស្រុកតែម្តង ។
ជាតិនិយម ឬស្នេហាជាតិប្រទេសណាក៏មានដែរ ប៉ុន្តែត្រូវរលើគោលការណ៍ច្បាប់អន្តរជាតិជាមូលដ្ឋាន មិនមែនធ្វើចរិតដូចពួកសៀមវង្វេងព្រំដែនសីមាមួយក្តាប់តូចនោះទេ ។ ការខំប្រឹងប្រែងរបស់ថ្នាក់ដឹកនាំកម្ពុជា ដោយមានការអត់ធ្មត់ជាអតិបរិមាជាមួយនឹងចរិតច្រលើសបើសរបស់ពួកអស់នេះ ដោយមានគោលបំណងច្បាស់លាស់ គឺដើម្បីនាំយកសន្តិភាពជូនប្រជាជាតិនៃប្រទេសទាំងពីរក៏ដូចជា ប្រទេសក្នុងតំបន់ដែរ ហើយសន្តិភាពកំពុងតែកើតឡើងនឹងបានធ្វើដំណើរឆ្ពោះទៅកាន់សន្តិភាពពេញបរិបូរ ។ ចុះបើក្រុមទាមទារទឹកដីម៉ែ! កំពុងតែបង្កើតទំនាស់អុកឡុកសង្គមថៃ បញ្ចុះបញ្ចូលប្រជាជនថៃ អ្នកដែលស្រលាញ់សន្តិភាព អ្នកយល់ពីប្រវត្តិសាស្ត្រឱ្យមានគំនិតច្របូកច្របល់ តើនេះមិនមែនជាការបង្កការបែកបាក់ និងការបំផ្លាញសន្តិភាពទេ ឬអី? ពួកនេះគួរតែនាំគ្នាជួយថ្នមថែនូវសន្តិភាពដែលថ្នាក់ដឹកនាំនៃប្រទេសទាំងពីររកបានយ៉ាងលំបាក ។ គិតសព្វៗទៅមិនដឹងម៉ែ! ពួកនេះនៅកន្លែងណា? បានចេះតែដើរទាមទារតែផ្តេសតែផ្តាស់ ប៉ះពាល់អធិបតេយ្យភាពប្រទេសជិនខាងដូច្នេះទៅវិញ ។ បើតាមប្រវត្តិសាស្ត្រដីម៉ែ! ពួកនេះ នៅឯខេត្តយូណាន ប្រទេសចិន ឯណោះទេ ម្តេចមិននាំគ្នាទៅទាមទារយកទៅ? យ៉ាងម៉េចបានជានាំគ្នានិយាយកុហកជាតិខ្មែរថា នៅក្នុងប្រទេសកម្ពុជា មានដីកេរ្តិ៍ម៉ែ! របស់ខ្លួនទៅវិញ ឱ! សៀមវង្វេងប្រវត្តិសាស្ត្រល្មមដល់ពេលភ្ញាក់ដឹងខ្លួនហើយ មិនគួរណាវង្វេងយូរយ៉ាងនេះសោះ តើនឹងវង្វេងដល់កាលណាទៀត?
មើលមួយជ្រុងទៀតពួកវង្វេងកេរ្តិ៍ម៉ែ! អស់នេះ គឺមានចេតនាស្អប់សន្តិភាព ស្អប់ភាពជាអ្នកជិតខាងល្អ តែផ្ទុយទៅវិញពួកនេះបង្កបង្កើតឱ្យមានទំនាស់រវាងជាតិសាសន៍មួយទៅជាតិសាសន៍មួយទៀត នៅពេលថ្នាក់ដឹកនាំប្រទេសទាំងពីរ គឺកម្ពុជា និងថៃបានស្វែងរកសន្តិភាពឃើញ ព្រមទាំងបានអនុវត្តឆ្ពោះទៅកាន់សន្តិភាពពេញបរិបូរណ៍ បែរជាពួកវង្វេងកេរ្តិ៍ម៉ែ! អស់នេះ មិនសប្បាយចិតេ្ត ដោយបបួលគ្នាបង្កើតឱ្យជម្លោះបន្តទៀត បញ្ចុះបញ្ចូលប្រជាជនថៃឱ្យចូលរួមអំពើឆ្កួតលីលារបស់ក្រុមខ្លួនដែរ ។ ពួកវង្វេងកេរ្តិ៍អស់នេះតែងតែបញ្ឆេះរដ្ឋាភិបាលថៃឱ្យប្រើប្រាស់កំលាំងអាវុធ ដើម្បីរំលោភលើបូរណភាពដែនដីខ្មែរ នឹងបានដុតបញ្ឆេះកំហឹងប្រទេសជាតិឱ្យធ្លាក់ចូលទៅក្នុងភ្លើងសង្គ្រាមដោយយកលេសថា ដីកេរ្តិ៍ម៉ែ! របស់ខ្លួននៅកន្លែអនេះដីកេរ្តិ៍ម៉ែ! នៅកន្លែងនោះ ពេលដោះស្រាយរួចបញ្ហាមួយបានលើកយកបញ្ហាមួយទៀត ធ្វើបែបនេះជាបន្តបន្ទាប់ ក្នុងចរិតឡប់ឡែបំពុលបរិយាកាស ប៉ុន្តែអ្វីដែលពួកគេនិយាយគឺគ្មានមូលដ្ឋានគ្រឹះណាមួយដែលអាចយកមកធ្វើការពិចារណាបានឡើយនិយាយតែរឿងមិនបានការ ដីខ្មែរសោះ បែរជាថា ដីកេរ្តិ៍ម៉ែ! ពួកខ្លួនទៅវិញ ។ ទង្វើលាមកបែបនេះគឺបានបង្ហាញយ៉ាងច្បាស់ ពួកគេកំពុងតាំងខ្លួនធ្វើជាចោរអន្តរជាតិយ៉ាងពេញទី ។ គេលើកឡើងពី MOU និងបង្ខំឱ្យខ្មែរចេញពីដី៤,៦គីឡូម៉ែត្រការ៉េ ទាមទារយកប្រាសាទព្រះវិហាររបស់ខ្មែរ ។ ចំពោះរឿងប្រាសាទ ព្រះវិហារ គឺបានបញ្ចប់ក្នុងភាពឥតខ្ចោះតាំងពីឆ្នាំ១៩៦២នៅក្រុងឡាអេ ដោយតុលាការអន្តរជាតិ ICJ រួចរាល់ទៅហើយ ចំណែកឯ MOU គឺមានការពិភាក្សានិងសិក្សាយ៉ាងច្បាស់លាស់ ដោយអ្នកជំនាញនៃប្រទេសទាំងពីរ ហើយបានចុះហត្ថលេខាតាំងពីឆ្នាំ២០០០ មកម៉្លេះ ក៏ពួកសៀមវង្វេងមួយក្តាប់តូចនេះ លើកយកមកនិយាយដែរ ។ រីឯរឿងគួរឱ្យអាម៉ាស់ គឺពួកនេះនាំគ្នានិយាយដដែលៗថា នឹងប្រាប់រដ្ឋាភិបាលថៃឱ្យបណ្តេញប្រជាជនខ្មែរចេញពីតំបន់៤,៦គីឡូម៉ែត្រការ៉េ ដោយអះអាងថា ជាដីកេរ្តិ៍ម៉ែ! ក្រុមខ្លួន ។ ពួកសៀមវង្វេងកេរ្តិ៍ម៉ែ! ទាំងនោះទេ ដែលកំពុងតែរស់នៅយា៉ងសុខសាន្តលើដីដូនតាខ្មែរ ។
ជាការឆ្លើយតបពីខ្ញុំបាទ អានន្ទ ជាកូនខ្មែរដែលបានតាមដានសភាពការណ៍ខ្មែរ-ថៃ សូមផ្តាំទៅពួកអាវលឿងជ្រុលនិយម គួរលាងខួរក្បាលឱ្យជ្រះស្រឡះ ពុំគូរគប្បីជ្រើសរើសយកអកប្បកិរិយាច្រលើសបើសឡប់សតិ មានគំនិតវាទីនិយមចង់បានទឹកដីខ្មែរ ដោយរំលោភច្បាប់អន្តរជាតិនោះក្លិនស្អុយអសោធនឹងប៉ះត្រឡប់ទៅព្រះមហាក្សត្រ ឬក៏ប្រទេសខ្លួនវិញជាក់ជាពុំខាន សូមកុំសុបិន្តចង់បានដីខ្មែរទៀត ពីព្រោះសម្តេចតេជោ មិនអនុញ្ញាឆតិឱ្យអស់លោកធ្វើតាមទំនើងចិត្តបានឡើយ ៕
ចែករំលែកព័តមាននេះ