រាជធានីភ្នំពេញ ៖ យុវជនម្នាក់ដែលគេដឹងថា ជាកូនប្រុសពៅរបស់លោកមេភូមិ ដែលត្រូវជនដៃដល់បា.ញ់សម្លា.ប់រឿងទៅទារលុយថ្លៃអំពូលភ្លើងបំភ្លឺផ្លូវកន្លងមកថ្មីៗនេះ បានទាស់សម្តីជាមួយថៅកែខារ៉ាអូខេពិភពថ្មី រឿងបើកភ្លើងហ្វាម៉ូតូ បានទៅទិញដបសាំង៩
រាជធានីភ្នំពេញ ៖ យុវជនម្នាក់ដែលគេដឹងថា ជាកូនប្រុសពៅរបស់លោកមេភូមិ ដែលត្រូវជនដៃដល់បាញ់សម្លាប់រឿងទៅទារលុយថ្លៃអំពូលភ្លើងបំភ្លឺផ្លូវកន្លងមកថ្មីៗនេះ បានទាស់សម្តីជាមួយថៅកែខារ៉ាអូខេពិភពថ្មី រឿងបើកភ្លើងហ្វាម៉ូតូ បានទៅទិញដបសាំង៩លីត្រ គំរាមដុតហាងខារ៉ាអូខេ បង្កឲ្យមានការភ្ញាក់ផ្អើលកាលពីវេលាម៉ោង០១ និង៥៥នាទីរំលងអធ្រាត្រឈានចូលថ្ងៃទី២០ មករា ២០១៦ តាមបណ្តោយផ្លូវលេខ១៧៣ សង្កាត់ទួលស្វាយព្រៃទី១ ខណ្ឌចំការមន ។
បើតាមសម្តីបុរសជាថៅកែខារ៉ាអូខេពិភពថ្មីម្នាក់ សុំមិនបញ្ចេញឈ្មោះឱ្យដឹងថា មុនពេលកើតហេតុ គាត់បានបើករថយន្តមួយគ្រឿងចេញពីខារ៉ាអូខេពិភពថ្មី ធ្វើដំណើរតាមផ្លូវលេខ១៧៣ ពីជើងទៅត្បូង ស្រាប់តែមានយុវជនម្នាក់ ដែលគេស្គាល់ជាកូនប្រុសពៅរបស់អតីតលោកមេភូមិ ដែលត្រូវជនដៃដល់ម្នាក់បានបាញ់សម្លាប់ជាមួយកូនប្រុសម្នាក់ និងចៅប្រុសម្នាក់ទៀត ដោយសារតែឈ្លោះប្រកែកគ្នារឿងទារលុយថ្លៃដាក់អំពូលភ្លើងបំភ្លឺផ្លូវកន្លងមកនេះ ។ ដោយយុវជនបង្កបានជិះម៉ូតូហុងដាឌ្រីម ពណ៌ខ្មៅ មិនចាំស្លាកលេខ ទិសដៅពីត្បូងទៅជើងបញ្ច្រាសទិសគ្នា ហើយបានបើកភ្លើងដាក់រូបគាត់ ទើបធ្វើឱ្យទាស់សម្តីគ្នា រួចហើយជនបង្កបានបោះពាក្យសម្តីថា យកសាំងដុតខារ៉ាអូខេរបស់គាត់ ទើបគាត់ឲ្យសន្តិសុខចាំឃ្លាំមើល។
ចំណែកប្រភពព័ត៌មានពីសន្តិសុខវិញបានឲ្យដឹងថា បន្ទាប់ពីឈ្លោះប្រកែកគ្នារួចហើយ ជនបង្កបានដើរទៅទិញសាំងចំនួន៦ដបទឹកបរិសុទ្ធចំនួន៩លីត្រ នៅកន្លែងលក់សាំងដោយមិនទាន់បានឲ្យលុយអ្នកលក់នៅឡើយទេ ក៏ត្រូវបានសន្តិសុខដឹងបានចុះទៅយកសាំងនោះ មកទុកហើយចេញលុយទៅអ្នកលក់សាំង ។
ចំណែកជនបង្កបានរត់គេចខ្លួនបាត់ ។ ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅកងរាជអាវុធហត្ថខណ្ឌ ចំការមនចុះទៅជួយអន្តរាគមន៍ តាមរកជនបង្កអត់ឃើញទេ ឃើញតែដបសាំងបានយកទៅរក្សាទុកធ្វើជាភស្តុតាង ។
ចែករំលែកព័តមាននេះ