ADផ្ទាំងផ្សព្វផ្សាយពាណិជ្ជកម្ម

កំណាព្យ (យប់ម៉ោង១០) (បទក្របចក្រវាឡ មេពាក្យ១២ថ្មី) ដោយ លីម ចំរើន

14 ឆ្នាំ មុន

២៩ ខែ មីនា ឆ្នាំ ២០១០ ម៉ោង ០៨:៤៨

១. យប់ម៉ោង១០ ឡប់ក្នុងចិត្ដ គិតគ្មានភ្លេច គេចមិនរួច ចិត្ដប៉ងគួច លួចសុបិន្ដ មិនដឹងហេតុ ឆ្អែតគឺគ្មាន
យប់ស្រមៃ ថ្ងៃរលឹក នឹកម្នាក់ឯង ក្រែងមិនមាន ឃ្លាននោះឃ្លាន ហ៊ានអស្ចារ្យ ផ្សាយំយែក។

(បទក្របចក្រវាឡ មេពាក្យ១២ថ្មី)
    ១.    យប់ម៉ោង១០ ឡប់ក្នុងចិត្ដ គិតគ្មានភ្លេច គេចមិនរួច    ចិត្ដប៉ងគួច លួចសុបិន្ដ មិនដឹងហេតុ ឆ្អែតគឺគ្មាន
           យប់ស្រមៃ ថ្ងៃរលឹក នឹកម្នាក់ឯង ក្រែងមិនមាន    ឃ្លាននោះឃ្លាន ហ៊ានអស្ចារ្យ ផ្សាយំយែក។
    ២.    មិនគួរស្ងួន នួនទៅបាត់ ស្ងាត់មិនប្រាប់ ស័ព្ទសេចក្ដី    ថាហេតុអ្វី ស្រីប្រាប់ផង បងរាល់ថ្ងៃ ថ្លៃទឹកភ្នែក
          បងអាឡោះ សោះអាឡែន សែនអាល័យ ក្រៃយំយែក    ទុក្ខពុះជ្រែក មែកសាខា ចារក្នុងចិត្ដ គិតមិនឈប់។

បទក្របចក្រវាឡ មេកាព្យ១២ថ្មី
ខ្ញុំបង្កើតឡើយដោយខ្លួនឯងដំបូងបង្អស់មុនគេព្រោះបើតាមខ្ញុំដឹងមេកាព្យរបស់ខ្មែរមានត្រឹមតែ(មេ១១) មិនឃើញមានក្បួនកាព្យមេ១២នោះទេ។ មូលហេតុកើតបទនេះផ្ដើមដោយ(បទក្របចក្រវាឡ មេពាក្យ៩) របស់លោកគ្រូ អៀង សាយ នៅក្នុងសៀវភៅ មេកាព្យច្បាប់បង្រៀនតែងកាព្យ ផ្សាយចេញពីបណ្ណាគារ ម៉ី សុខ លេខៈ១០២ វិថីព្រះសីហនុភ្នំពេញ ព.សៈ២៥០៩.គ.សៈ១៩៦៦។ ដោយបទនេះមានការពិរោះក្នុងការអានទើបខ្ញុំបែកគំនិតតែងក្បួននេះឡើងតែខ្លួនខ្ញុំផ្ទាល់ក៏មិនចេះ (ធ្វើបទរឺស្មូត) បទនេះដែល ព្រោះគ្មានឱកាសបានជួបអ្នកស្មូតរីអ្នកឯកទេសខាងកំណាព្យណាម្នាក់បានសួរពួកគាត់ឡើយ បានត្រឹមតែមើលក្នុងក្បួនផ្សេងៗដូចជាៈ សៀវភៅមេកាព្យរបស់លោកគ្រូ អៀង សាយ. ក្បួនកាព្យខ្មែរ.ក្បួនកាព្យសាស្ដ្រផ្សេងៗទៀត។ បើសិនមានការខុសទាស់ឆ្គងយ៉ាងណា សូមលោកអ្នកចេះដឹងខ្មែរមេត្ដាជួយបង្ហាញផ្លូវឬជួយបំពេញឱ្យខ្ញុំបាទផង ព្រោះខ្ញុំជាអ្នកថ្មីចេះដឹងតិចតួចទេខាងកំណាព្យខ្មែរ ដែលហ៊ានតែងក្បួនកាព្យថ្មីបើមានខុសឆ្គងសូមអនុគ្រោះដោយក្ដីមេត្ដាផង។