ឆ្នាំ៦៨
-ហ្គាលបា បានក្លាយជាស្ដេចទី៦នៃចក្រភពរ៉ូម ដោយមានការជួយជ្រោមជ្រែងពីព្រឹទ្ធសភារ៉ូម ប៉ុន្ដែព្រះអង្គសោយរាជ្យបានតែ៧ខែក៏ត្រូវគេធ្វើឃាត ។
ឆ្នាំ១៧៨៣
-ភ្នំភ្លើងឡាគី នៅប្រទេសអ៊ីស្លង់បានចាប់ផ្ដើមផ្ទុះ ហើយបន្ដអស់រយៈពេល៨ខែបណ្ដាលឱ្យស្លាប់មនុស្ស៩.០០០នាក់ និង ធ្វើឱ្យមានគ្រោះទុរ្ភិក្សអស់រយៈពេល៧ឆ្នាំបន្ថែមទៀត។
ឆ្នាំ១៧៨៩
-លោកជេម ម៉ាឌីសុន អ្នកនយោបាយអាមេរិក និងជាព្រឹទ្ធសមាជិក បានដាក់សំណើ១២មាត្រាទៅសភាអាមេរិកដើម្បីបញ្ចូល ក្នុងច្បាប់រដ្ឋធម្មនុញជាតិ ក្នុងនោះមាន១០មាត្រាបានត្រូវសភាឱ្យសច្ចានុម័ត និងក្លាយជាច្បាប់។ សំណើច្បាប់នេះគឺជាមូលដ្ឋានគ្រឹះនៃការធានាសិទ្ធិសេរីភាព ហើយក្រោយមកលោកបានក្លាយជាប្រធានាធិបតីទី៤របស់អាមេរិក។
ឆ្នាំ១៨៨៧
-លោកហេម៉េន ហូឡេរីដជនជាតិអាមេរិក បានរកឃើញ និងបង្កើតបន្ទះព័ត៌មានវិទ្យារបស់ម៉ាស៊ីនគិតលេខ។ លោកក៏ជាអ្នក បង្កើតក្រុមហ៊ុនអាយប៊ីអឹមផងដែរ ។
ឆ្នាំ១៩២៨
-កងទ័ពបដិវត្ដន៍បានចូលកាន់កាប់ទីក្រុងប៉េឃីង និងបានប្ដូរឈ្មោះថ្មីជាទីក្រុងប៉េកាំង។
ឆ្នាំ១៩៤១
-ក្នុងអំឡុងមានសង្គ្រាមលោកលើកទី២ កងទ័ពសម្ព័ន្ធមិត្ដបានវាយឈ្លានពានប្រទេសស៊ីរី និងប្រទេសលីបង់ ។
ឆ្នាំ១៩៤២
-នាវាមុជទឹករបស់ព្រះចៅអធិរាជជប៉ុន I-21 និង I-24 បានបើកការវាយប្រយុទ្ធយកឈ្នះនៅទីក្រុងស៊ីដនី និងទីក្រុងញូវខាសល។
ឆ្នាំ១៩៥៣
-មានខ្យល់ព្យុះទ័រណាដូ បានបោកបក់ មកលើទីក្រុង Fint នៃមីឈីហ្គេន សហរដ្ឋអាមេរិកបណ្ដាលឱ្យស្លាប់មនុស្ស១១៥
នាក់ ។ នេះជាគ្រោះខ្យល់ព្យុះដែលបានសំលាប់មនុស្សជាង១០០នាក់ចុងក្រោយ។
ឆ្នាំ១៩៦៦
-យន្ដហោះ XB-70 Valkyrie បានហោះសាកល្បងហើយបុកជាមួយយន្ដហោះប្រដេញ F-104 ដែលហោះតាមថតរូបយន្ដហោះសាកល្បងនេះនៅលើអាកាស ។ យន្ដហោះ XB-70 Valkyrie មានតំលៃ៧៥០លានដុល្លារ។
-ខ្យល់ព្យុះទ័រណាដូ បានបោកបក់កាត់ទីក្រុងតូប៉េកា រដ្ឋកេនសាសបណ្ដាលឱ្យស្លាប់មនុស្ស១៦នាក់ និងរបួសជាច្រើនរយនាក់ ហើយផ្ទះសំបែងជាច្រើនពាន់ខ្នងបានត្រូវបំផ្លាញ ។
ឆ្នាំ១៩៨៤
-ការស្រលាញ់ភេទដូចគ្នាត្រូវបានប្រកាសថាស្របច្បាប់នៅក្នុងរដ្ឋញូវសាវវ៉េល ប្រទេសអូស្ដ្រាលី ។
ឆ្នាំ១៩៨៧
-រដ្ឋាភិបាលប្រទេសញូវហ្សេឡែនដែល មានលោក ដេវីតឡាន ជានាយករដ្ឋមន្ដ្រី បានបង្កើតប្រទេសជាដែនដីដែលគេចផុតពី អាវុធនុយក្លេអ៊ែរ ដោយមិនអនុញាតឱ្យដែនទឹក ដែនគោក និងដែនអាកាសរបស់ប្រទេសនេះជាដែនសំរាប់ឱ្យមានអាវុធនុយក្លេអ៊ែរឆ្លងកាត់ឡើយ ។
ឆ្នាំ១៩៩៥
-អ្នកបើកបរយន្ដហោះអាមេរិកលោកស្កុត អូហ្ក្រាឌី បានត្រូវកងទ័ពអាមេរិកជួយរំដោះចេញពីប្រទេសបូស្នី ក្រោយពីត្រូវកងទ័ពបូស្នីបាញ់យន្ដហោះធ្លាក់ពេលលោកបើកហោះល្បាតលើដែនអាកាសហាមឃាត់របស់អង្គការសហប្រជាជាតិ។
ឆ្នាំ២០០១
-លោកម៉ាម៉ូរូ តាគូម៉ា ដែលជាមនុស្សវិកលចរិតបានចាក់សំលាប់សិស្សសាលាបឋមសិក្សាអ៊ីគេដា៨នាក់ដែលមានអាយុពី ៧ទៅ៨ឆ្នាំ និងរបួស១៥នាក់ ។
ឆ្នាំ២០០៦
-អ្នកវិទ្យាសាស្ដ្រក្រិចប្រកាសថា បានរកឃើញអាថ៌កំបាំងដែលលាក់ទុកក្នុងអក្សរក្រិចបុរាណនៅលើគ្រឿងមេកានិច Antikythera ដែលត្រូវគេផលិតកាលពីឆ្នាំ១៥០ទៅ១០០ឆ្នាំមុនគ្រិស្ដសករាជ ។ តាមរយៈការរកឃើញនេះ គឺជាគំរូនៃកុំព្យូទ័រទីមួយរបស់ពិភពលោក ៕
ចែករំលែកព័តមាននេះ