រាជធានីភ្នំពេញ ៖ លោកស្រី ពេជ ចន្ទមុន្នី ហ៊ុន ម៉ាណែត កាលពីថ្ងៃទី១៥ ខែមករា ឆ្នាំ២០១៦ កន្លងមកនេះ បានចុះប្រគល់អណ្តូងទឹកស្អាតចំនួន១០ ដែលជាអំណោយរបស់មូលនិធិលោកតា ហ៊ុន នាង និងលោកយាយ ឌី ប៉ុក
រាជធានីភ្នំពេញ ៖ លោកស្រី ពេជ ចន្ទមុន្នី ហ៊ុន ម៉ាណែត កាលពីថ្ងៃទី១៥ ខែមករា ឆ្នាំ២០១៦ កន្លងមកនេះ បានចុះប្រគល់អណ្តូងទឹកស្អាតចំនួន១០ ដែលជាអំណោយរបស់មូលនិធិលោកតា ហ៊ុន នាង និងលោកយាយ ឌី ប៉ុក ស្ថិតក្នុងភូមិពង្រ និងភូមិបឹងបិច ។
ក្រៅពីពិធីប្រគល់អណ្តូងទឹកជូនប្រជាពលរដ្ឋរួចមក លោកស្រី ពេជ ចន្ទមុន្នី ក៏បានដឹកនាំក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យ និងព្យាបាលជំងឺជូនប្រជាពលរដ្ឋនៅក្នុងភូមិពង្រ និងភូមិបឹងបិចផងដែរ ។ ក្នុងពេលពិនិត្យព្យាបាលរបស់ក្រុមគ្រូពេទ្យមានអ្នកជំងឺ២នាក់ ស្ថិតក្នុងស្ថានភាពធ្ងន់ធ្ងរ ត្រូវបានបញ្ជូនបន្តមកព្យាបាលនៅឯរាជធានីភ្នំពេញ ។ ចំណែករាល់ការចំណាយ ដូចជា សោហ៊ុយធ្វើដំណើរ ការស្នាក់នៅ អាហារ និងថ្លៃព្យាបាល ត្រូវបានឧបត្ថម្ភដោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ។
គួររំឭកថា គ្រាលដែលលោកតា ហ៊ុន នាង និងលោកយាយ ឌី ប៉ុក នៅមានជីវិត លោកទាំងពីរ គឺជាមនុស្សដែលមានចិត្តសប្បុរសធម៌បានបរិច្ចាគទ្រព្យសម្បត្តិជាច្រើនសន្លឹកសន្ធាប់ក្នុងវិស័យមនុស្សធម៌ ដូចជា កសាងសាលាវត្តអារាម សាលារៀន របង និងទ្រព្យសម្បត្តិសាធារណៈជាច្រើនទៀត ។ ដូច្នេះហើយក្រោយពីលោកទាំងពីរបានលាចាកលោកទៅ ទើបកូនចៅសម្រេចយកប្រាក់ដែលនៅសេសសល់មកធ្វើជាមូលនិធិអណ្តូងទឹកស្អាតដាក់ឱ្យប្រជាពលរដ្ឋប្រើប្រាស់នៅគ្រប់ខេត្ត/រាជធានី ។
សូមបញ្ជាក់ថា បច្ចុប្បន្ន មូលនិធិលោកតា ហ៊ុន នាង និងលោកយាយ ឌី ប៉ុក បានធ្វើអណ្តូងទឹកស្អាតជូនប្រជាពលរដ្ឋបានជាង២០០អណ្តូងហើយ និងបានដាក់ឱ្យប្រើប្រាស់ជាផ្លូវការបានចំនួនជាង១០០អណ្តូងរួចមកហើយដែរ ៕
ចែករំលែកព័តមាននេះ