លោកតាម្នាក់រស់ឯកាក្នុងរូងភ្នំ២០ឆ្នាំ ចូលក្រុង ដើម្បីចាក់វ៉ាក់សាំងបង្ការកូវីដ
ស៊ែប ៖ លោកតាជនជាតិស៊ែប១រូប ដែលរស់នៅឯកាក្នុងរូងភ្នំរយៈពេល២០ឆ្នាំមកហើយ បានធ្វើដំណើរចូលទីក្រុងដើម្បីមកចាក់
ស៊ែប ៖ លោកតាជនជាតិស៊ែប១រូប ដែលរស់នៅឯកាក្នុងរូងភ្នំរយៈពេល២០ឆ្នាំមកហើយ បានធ្វើដំណើរចូលទីក្រុងដើម្បីមកចាក់
ស៊ែប ៖ លោកតាជនជាតិស៊ែប១រូប ដែលរស់នៅឯកាក្នុងរូងភ្នំរយៈពេល២០ឆ្នាំមកហើយ បានធ្វើដំណើរចូលទីក្រុងដើម្បីមកចាក់វ៉ាក់សាំងបង្ការជំងឺកូវីដ១៩។
ប្រមាណ២០ឆ្នាំមកហើយ លោកតា Panta Pertrovic អាយុ៧០ឆ្នាំ ដែលសម្រេចចិត្តជ្រើសរើសយកការរស់នៅដោយឯកា (Hermit) ក្នុងរូងភ្នំ ដោយសារតែចង់គេចចេញពីសង្គមមនុស្សទូទៅ។
កាលពីឆ្នាំមុន លោកតាបានធ្វើដំណើរចូលទីក្រុង ហើយបុរសមានពុកចង្កាវែងរូបនេះ ថែមទាំងដឹងពីការផ្ទុះឡើងវីរុសកូវីដ១៩ទៀតផង។ ខណៈកាលពីថ្មីៗនេះ គាត់បានចាក់វ៉ាក់សាំងបង្ការកូវីដ១៩ ដូសទី១រួចហើយ។ ដោយសកម្មភាពគាត់បានពញ្ញាក់អារម្មណ៍ និងជំរុញអ្នករាល់គ្នាឱ្យធ្វើដូចជាគាត់។
លោកតាបានប្រាប់សារព័ត៌មាន AFP ពីរូងភ្នំរបស់គាត់នៅលើភ្នំ Stara Planina ភាគខាងត្បូងប្រទេសស៊ែបថា «វាជាមេរោគ វាមិនរើសទេ។ វានឹងមកទីនេះ និងមកដល់រូងភ្នំខ្ញុំផងដែរ»។ លោកតាបន្ថែមថា គាត់ចង់ទទួលការចាក់ដូសទាំង៣ (ដូសបន្ថែម)។ ហើយក៏ផ្តាំផ្ញើដល់ប្រជាពលរដ្ឋគ្រប់រូប ត្រូវតែចាក់វ៉ាក់សាំងការពារទាំងអស់គ្នា។
នៅក្នុងរូងភ្នំ លោកតា Petrovic ភាគច្រើនបរិភោគផ្សិត និងត្រីពីព្រែកក្នុងស្រុក តែយូរៗម្តងក៏ធ្វើដំណើរចូលទីប្រជុំជន ដើម្បីស្វែងរកអាហារដែលសេសសល់។ ហើយការមកលេងទីក្រុងរបស់គាត់កាន់តែមានភាពទៀងទាត់នាពេលថ្មីៗនេះ។
កម្មករចូលនិវត្តន៍ និងជាអ្នកស្រលាញ់ធម្មជាតិរូបនេះ ក៏បានប្រាប់មូលហេតុដែលគាត់សម្រេចចិត្តរស់នៅក្នុងរូងភ្នំ គឺដោយសារតែនៅទីក្រុងគ្មានសេរីភាពឡើយសម្រាប់គាត់ និងមានការរំខានខ្លាំងបំផុត។ ដោយឡែកការរស់នៅជាមួយធម្មជាតិ ធ្វើឱ្យជីវិតគាត់មានភាពសប្បាយរីករាយពីមួយថ្ងៃទៅមួយថ្ងៃ។ លោកតាក៏បាននិយាយយ៉ាងខ្លីចុងក្រោយថា «លុយគឺជាបណ្តាសា»៕ (ដកស្រង់ចេញពី France24)
ចែករំលែកព័តមាននេះ