នាឡិកាអេឡិចត្រូនិកជំនាន់ទី២ គឺApple Watch 2 របស់ក្រុមហ៊ុនApple នឹងលេចរូបរាងជាផ្លូវការនៅខែមីនា ២០១៦ ខណៈពេលដែលសង្វាក់ផលិតកម្មនឹងចាប់ផ្តើមនៅចុងខែមករា ហើយវានឹងដាក់លក់ជាផ្លូវការនៅខែមេសា ។ ទន្ទឹមគ្នានេះដែរក្រុមហ៊ុនQuanta Computer របស់តៃវ៉ាន់ជាអ្នកទទួលខុសត្រូវលើសង្វាក់ផលិតកម្មនេះ ។
ព័ត៌មាននេះនេះហាក់បីដូចជាក្រុមហ៊ុន Apple កំពុងត្រៀមបង្ហាញផលិតផលថ្មីដល់អតិថិជនក៏ដូចជាក្រុមហ៊ុនប្រកួតប្រជែងផ្សេងទៀតក្នុងឧស្សាហកម្មបច្ចេកវិទ្យា ហើយទូរស័ព្ទiPhone ជំនាន់ក្រោយក៏នឹងលេចរូបរាងដំណាលគ្នាផងដែរ ។ នាឡិកា Apple Watch 2 នេះនឹងមានកាមេរ៉ា FaceTime រួមជាមួយនឹងបន្ទះ Sensor កានតែទំនើបជាងមុន ហើយរូបរាងកាន់តែស្តើង និងមានអេក្រង់ការ៉េដូចគ្នាទៅនឹងផលិតមុន គឺ Apple Watch ជំនាន់ទី១ដែលមានទំហំពីរម៉ូដែលគឺទំហំ២៨ មីល្លីម៉ែត្រ និង៤២មីល្លីម៉ែត្រ ៕
ចែករំលែកព័តមាននេះ