ខេត្តកំពត ៖ នគរបាលខេត្តកំពត កាលពីព្រឹកថ្ងៃទី១៥ សីហា បានបង្ហាញជនសង្ស័យចំនួន៥នាក់ ក្នុងនោះមានស្ត្រីអាយុ៦០ឆាំ្ននិងរថយន្តកាមរីម៉ាកឆ្លាមចំនួន2គ្រឿង សម្រាប់ជាមធ្យោបាយរបស់ជនសង្ស័យក្នុងការដើរធ្វើសកម្មភាព ស្ថិតក្នុងភូមិសាស្ត្រចំនួន3ខេត្តឯណោះ ។
ជនសង្ស័យទាំង៥នាក់ ១-ឈ្មោះផាន់រត្ន័ ភេទប្រុស អាយុ៤៥ឆាំ្ន នៅភូមិកណ្ដោល ឃុំឃុំប្រធាតុ ស្រុកអូរាំងឪ ខេត្តត្បូងឃ្មុំ ។ឈ្មោះតុង សំណាង រស់នៅភូមិរស្មី ឃុំត្រយោង ស្រុកបារាយ ខេត្តកំពង់ធំ ។ ៣-ឈ្មោះសេង សំអាត ភេទប្រុស អាយុ៤២ឆាំ្ននៅភូមិបាយ៉ាប ខណ្ឌសែនសុខ រាជធានីភ្នំពេញ។ ៤-ឈ្មោះឈុំ ស្រី ភេទស្រី អាយុ៦០ឆាំ្ន នៅភូមិថ្មីលើឃុំប្រធាតុ ស្រុកអូរាំងឪខេត្តត្បូងឃុំ និងឈ្មោះជេត ឃុន ភេទប្រុស អាយុ៣៨ឆាំ្ន រស់នៅភូមិថ្មីលើ ឃុំប្រធាតុ ស្រុកអូរាំងឪ ខេត្តត្បូងឃុំ ។
លោកឧត្តមសេនីយ៍ត្រីលក ញ៉ាវ ស្នងការរងទទួលផែនយុត្តិធម៌ខេត្តកំពតបានប្រាប់អោយដឹងថា ដោយសាតែមានបទបញ្ជាពីលោកឧត្តមសេនីយ៍ទោម៉ៅ ចន្ទ័មធុរិទ្ធិ ស្នងការនគរបាលខេត្តកំពត សហការជាមួយនគរបាលក្រសួងមហាផ្ទៃ និងនគរបាលរាជធានីភ្នំពេញ បានចុះមកដល់ភូមិត្រពាំងពោធិ៍ សង្កាត់គោករកា រខណ្ឌព្រែកព្នៅ រាជធានីភ្នំពេញ បានឃាត់ខ្លួនមនុស្សចំនួន5នាក់ ក្នុងនោះ មានស្ត្រីម្នាក់ជាប់ពាក់ពន្ធ័បទឆបោកនៅទីតាំងវេលុយ ។
លោកលក ញ៉ាវ ស្នងការរងទទួលផែននគរបាលយុត្តិធម៌និយាយថា ករណីដើរឆបោកលួចលុយនៅកន្លែងវេរលុយនេះ នគរបាលតាមស្រាវជ្រាវជាយូរហើយ ប៉ុន្តែអ្វីដែលមិនទាន់បានចាប់ខ្លួន ខាងសត្ថកិច្ចប្រមូលព័ត៌មានគ្រប់ទិសទី ទើបឈានទៅដល់ការឃាត់ខ្លួន។
លោកបន្តថា យោងតាមចម្លើយរបស់ជនសង្ស័យបានសារភាពប្រាប់នគរបាលថា ពួកគេបានដើរលួចលុយតាមបែបជំនាញនៅកន្លែងវេរលុយមានខេត្តកំពត-ខេត្តកំពង់ចាម និងខេត្តព្រៃវែង ។ លោកឧត្តមសេនីត្រីលក ញ៉ាវ និយាយថា ករណីក្រុមឆបោកនិងលួចលុយតាមវីង និងជំនាញមួយទៀតអោយពលរដ្ឋផ្ញើលុយតាមវេរលុយកន្លែងផ្សេងៗទៀត ខាងនគរបាលកំពុងតាមចាប់ខ្លួនបន្តទៀត ព្រោះនៅមានមេខ្លោង ។
ចែករំលែកព័តមាននេះ