មេរោគ Delta រាលដាលដល់ ២២ខេត្តក្រុងហើយ
- ភ្នំពេញ
ភ្នំពេញ៖ ខេត្តក្រុងចំនួន ២២ បានរងការវាយប្រហារ ដោយមេរោគបំប្លែងថ្មី ដែលតា ដោយធ្វើអោយស្ថានភាពកូវីដ១៩ នៅកម្ពុជា នៅតែស្ថិតក្នុងភាពផុយស្រួយងាយរងគ្រោះថ្នាក់។ មេរោគដែលតា…
ភ្នំពេញ៖ ខេត្តក្រុងចំនួន ២២ បានរងការវាយប្រហារ ដោយមេរោគបំប្លែងថ្មី ដែលតា ដោយធ្វើអោយស្ថានភាពកូវីដ១៩ នៅកម្ពុជា នៅតែស្ថិតក្នុងភាពផុយស្រួយងាយរងគ្រោះថ្នាក់។ មេរោគដែលតា…
ភ្នំពេញ៖ ខេត្តក្រុងចំនួន ២២ បានរងការវាយប្រហារ ដោយមេរោគបំប្លែងថ្មី ដែលតា ដោយធ្វើអោយស្ថានភាពកូវីដ១៩ នៅកម្ពុជា នៅតែស្ថិតក្នុងភាពផុយស្រួយងាយរងគ្រោះថ្នាក់។
មេរោគដែលតា បានវាយប្រហារយ៉ាងសាហាវទូទាំងពិភពលោក ដោយសារសមត្ថភាពឆ្លងខ្លាំងរបស់វានិងភាពសាហាវរបស់វា ដែលធ្វើអោយអ្នកជំងឺជាច្រើន ត្រូវចូលពេទ្យព្យាបាល និងស្លាប់។
ក្រសួងសុខាភិបាល ប្រកាសថា គិតត្រឹមថ្ងៃទី១៣ ខែសីហា វីរុសកូវីដ-១៩ បំប្លែងខ្លួនថ្មី ប្រភេទដែលតា ឆ្លងចូលសហគមន៍នៅ ២២ រាជធានី-ខេត្តហើយ លើកលែងតែខេត្តកែប ខេត្តតាកែវ និងខេត្តក្រចេះ។
ក្នុងនោះ គិតត្រឹមព្រឹកថ្ងៃទី១៥ ខែសីហា ឆ្នាំ២០២១ នៅទូទាំងប្រទេស មានអ្នកឆ្លងកូវីដ១៩ សរុបចំនួន ៨៥៤៤៨នាក់។ ជាសះស្បើយ ៨០៣៩៦នាក់ និងស្លាប់សរុប ចំនួន ១៦៨៣នាក់។
គួរបញ្ជាក់ថា គិតចាប់ពីថ្ងៃទី៣១ ខែមីនា ដល់ថ្ងៃទី១៣ ខែសីហា កម្ពុជាបានរកឃើញអ្នកមានវិជ្ជមានវីរុសកូវីដ-១៩ បំប្លែងខ្លួនថ្មី ប្រភេទដែលតា សរុបទាំងអស់ចំនួន ៤៩៤នាក់ ដែលជាពលករត្រលប់ពីប្រទេសថៃ និងវៀតណាម អ្នកដំណើរមកតាមជើងហោះហើរ បុគ្គលិកសុខាភិបាល មន្ត្រីរាជការ និងអ្នកភូមិនៅក្នុងសហគមន៍។
ជាមួយគ្នានោះ អង្គការសុខភាពពិភពលោក ប្រចាំកម្ពុជា លើកឡើងថា យើងអាចទប់ស្កាត់ការចម្លងជំងឺកូវីដ-១៩ បាន លុះត្រាតែយើងបន្តអនុវត្តអន្តរាគមន៍សុខភាពសាធារណៈ បានយ៉ាងតឹងរឹង និងប្រកបដោយប្រសិទ្ធភាព គួបផ្សំនឹងការចាក់វ៉ាក់សាំងការពារជំងឺកូវីដ-១៩ ផងដែរ៕
ចែករំលែកព័តមាននេះ