បទពាក្យ បួន ( សូត្របែបទំនួញ កំសត់ )
១- អង្គការអោយដក ម៉ែមិនដែលខក ភ្នែកប្រឹងរំពៃ
សំឡឹងឈ្វេងស្ដាំ រកក្ដាមរកត្រី បើបានពីរបី
ដាក់ថ្នក់សំពត់ ។
២- អង្គការអោយស្ទូង ស្រែទួលស្រែខូង ចាំចងគត់មត់
ចាប់ក្អាត់មរាវខ្យង មិនដែលអោយផុត ពេញថ្នក់សំពត់
ផ្ញើរកូនប្រុសស្រី ។
៣- អង្គការអោយច្រូត ម៉ែតែងស្រូតរូត មិនប្រហែសអី
ក្នុងថ្នក់សំពត់ ដក់ពេញរាល់ថ្ងៃ ក្អាត់ក្ដាមខ្យងត្រី
កូនឆីប្រចាំ ។
៤- ថ្នក់សំពត់ម៉ែ ចិញ្ចឹមមើលថែរ កូនជាងបីឆ្នាំ
ជាឃ្លាំងលាក់ម្ហូប អាំងដុតស្លដាំ កូនរស់ចងចាំ
មិនភ្លេចលុះក្ស័យ ។
២៧ វិច្ឆិកា ២០០៨
សិរីសោភ័ណ ០៨:០០ យប់
ឃុត ណារិនកាន់បូ
ចែករំលែកព័តមាននេះ