ប្រសិនបើមាននរណាម្នាក់ខលមក ខណៈទូរស័ព្ទលោកអ្នកអស់ថ្ម តើលោកអ្នកអាចដឹងតាមវិធីណា? តើអ្នកធ្វើដូចម្ដេចនៅក្នុងស្ថានភាពដែលត្រូវខលបន្ទាន់ ស្រាប់តែទូរស័ព្ទអស់ប្រាក់រលីងនោះ? ហើយចុះតើលោកអ្នកត្រូវរិះរកវិធីណា ដើម្បីអាចមានឱកាសជជែកជាក្រុមក្នុងពេលតែមួយបាន? ទាំងអស់នេះ សុទ្ធតែជាចំណោទបញ្ហា ចំពោះអ្នកប្រើប្រាស់បណ្ដាញទូរស័ព្ទស្ទើរគ្រប់រូបតែងតែប្រឈម។
ជាមួយនឹងតម្រូវការជីវិតកាន់តែទូលំទូលាយនៅក្នុងសម័យបច្ចេកវិទ្យាដ៏រីកចម្រើននេះ តម្រូវការផ្សាភ្ជាប់ទំនាក់ជាប់ជានិច្ចក៏មានសារសំខាន់ខ្លាំងណាស់ដែរ ។ មិត្ដហ្វូនបានយល់ច្បាស់អំពីភាពចាំបាច់នេះ និងតែងតែព្យាយាមផ្ដល់ឲ្យអតិថិជនរបស់ខ្លួននូវជម្រើសដ៏ល្អបំផុត ។ ជាបណ្ដាញទូរស័ព្ទដ៏ធំបំផុត និងគ្របដណ្ដប់វិសាលភាពធំទូលាយបំផុត មិត្ដហ្វូនបានបង្កើតកម្មវិធីជាច្រើនទៀត ដែលអាចជួយឲ្យអតិថិជនអាចរក្សាទំនាក់ទំនងគ្នានឹងគ្នាតាមរយៈសេវាកម្ម Value Added Services។
ជាលទ្ធផល «ភ្ជាប់ទំនាក់ទំនងជានិច្ច» ដែលជាចំណែកមួយនៃកម្មវិធីប្រូម៉ូសិន «Go to School Together» ត្រូវបានបង្កើតឡើងសម្រាប់ផ្ដល់ភាពងាយស្រួលចំពោះការប្រើប្រាស់របស់សិស្ស និងនិស្សិតទាំងអស់។
យោងតាមប្រភពព័ត៌មានពីបណ្ដាញទូរស័ព្ទមិត្ដហ្វូនបានឲ្យដឹងថា សេវាកម្ម «ភ្ជាប់ទំនាក់ទំនងជានិច្ច» ត្រូវបានដាក់ឲ្យសិស្ស និងនិស្សិត ក៏ដូចជាអតិថិជនទាំងអស់ប្រើប្រាស់ក្នុងទម្រង់ជាច្រើន ដូចជា Missed Call Alert សេវាកម្មខ្ចីលុយ សេវាកម្ម i-Share និងសេវាកម្ម Conference Call ព្រមទាំងសេវាកម្មជាច្រើនទៀត។
ជាមួយនឹងសេវាកម្ម Missed Call Alert (MCA) អ្នកប្រើប្រាស់មិត្ដហ្វូនទាំងអស់នឹងមិនខកខានឡើយរាល់ការហៅទូរស័ព្ទចូលមកកាន់លោកអ្នក ខណៈពេលដែលទូរស័ព្ទរបស់លោកអ្នកអស់ថ្មជាយថាហេតុ ឬបិទទូរស័ព្ទ។ អតិថិជនដែលបានភ្ជាប់សេវាកម្ម MCA នេះ បានចែករំលែកថា «ដំបូង យើងត្រូវភ្ជាប់សេវាកម្មដោយការផ្ញើសារនូវពាក្យ (ON) ទៅកាន់លេខ123 ដែលកាត់ប្រាក់ជាមុន30សេនសម្រាប់រយៈសុពលភាព30ថ្ងៃ»។
ប្រភពពីអតិថិជនបានបន្ដថា «MCA ជាជំនួយការផ្ទាល់ខ្លួន ដោយបានផ្ញើមកយើងដោយបង្ហាញទាំងលេខទូរស័ព្ទ និងកាលបរិច្ឆេទដែលខលមកយើងពេលទូរស័ព្ទអស់ថ្ម ឬបិទ»។ រីឯសេវាកម្ម i-Share គឺជាសេវាកម្មដ៏ទាន់សម័យមួយសម្រាប់សិស្សនិស្សិតទាំងអស់។ ក្នុងករណីដែលមិត្តភក្តិពួកគេអស់ទឹកប្រាក់ក្នុងទូរស័ព្ទដៃ ពួកគាត់ក៏អាចស្នើសុំទៅកាន់មិត្តភក្តិរបស់ពួកគាត់ឲ្យធ្វើការផ្ទេរទឹកប្រាក់ពីគណនីរបស់ខ្លួនទៅកាន់គណនីរបស់មិត្តភក្តិគេបានយ៉ាងងាយស្រួលផងដែរ។
លោកអ្នកក៏អាចប្រើប្រាស់សេវាកម្មបានយ៉ាងងាយស្រួលផងដែរដោយគ្រាន់តែ «សសេរសារពាក្យ PIN និងផ្ញើទៅកាន់ 113 ជាការស្រេច»។ ពេលនោះប្រព័ន្ធនឹងផ្ញើលេខកូដសម្ងាត់សម្រាប់លោកអ្នក ដើម្បីធ្វើការផ្ទេរទឹកប្រាក់។
ម្យ៉ាងទៀតការផ្ទេរលុយទៅកាន់នរណាម្នាក់ លោកអ្នកគ្រាន់តែធ្វើការចុចតាមលំណែនាំយ៉ាងងាយស្រួលដោយចុច «*113*លេខកូដសម្ងាត់*លេខទូរស័ព្ទអ្នកទទួល*និងចំនួនទឹកប្រាក់#»។
ចំណែកឯសេវាកម្មខ្ចីលុយត្រូវបានដាក់ឲ្យដំណើរការសម្រាប់អតិថិជនដែលត្រូវការហៅទូរស័ព្ទចេញជាបន្ទាន់ក្នុងពេលអស់សមតុល្យ ឬអាចស្នើសុំឲ្យមិត្ដភក្ដិ ឬឪពុកម្ដាយហៅទូរស័ព្ទមកលោកអ្នកបានភ្លាមៗជាមួយសេវាកម្ម Mit Call Me ដោយគ្រាន់តែចុចលេខ1780 ហើយភ្ជាប់ជាមួយលេខដែលលោកអ្នកចង់ឲ្យហៅត្រឡប់មកវិញ។ សេវាកម្មខ្ចីលុយអនុញ្ញាតិឲ្យលោកអ្នកខ្ចីលុយបានចំនួន30សេនទៅក្នុងគណនីចម្បងបានភ្លាមៗដោយគ្រាន់តែចុច *888*30#។
នៅក្នុងតម្រូវការជជែកជាក្រុមនាពេលតែមួយ សិស្ស និស្សិតនៅតែអាចរក្សាទំនាក់ទំនងជាមួយគ្នាជាប់ជានិច្ចមិនថា សម្រាប់ទំនាក់ទំនងធ្វើការជាមួយគ្នាជាក្រុម ឬចង់រៀបចំការកម្សាន្តណាមួយនោះទ ពួកគេអាចរីករាយជាមួយនឹងការសន្ទនាជាក្រុមបានយ៉ាងសប្បាយរីករាយ។ ដើម្បីភ្ជាប់សេវាកម្ម Conference Call អ្នកប្រើប្រាស់បណ្ដាញទូរស័ព្ទមិត្ដហ្វូនទាំងអស់ត្រូវផ្ញើសារពាក្យ (ON) ទៅកាន់លេខ៣១៣ ឬចុចខល *313*1# ជាការស្រច។
សូមកុំមានការស្ទាក់ស្ទើរចំពោះការផ្សាភ្ជាប់ទំនាក់ទំនងជាមួយសមាជិកក្រុមគ្រួសារ មនុស្សជាទីស្រឡាញ់ មិត្ដភក្ដិ ក្រុមការងារ និងមនុស្សនៅជុំវិញពិភពលោក ដោយគ្រាន់តែជ្រើសរើសសេវាកម្មដ៏ច្រើនសន្ធឹកពីកម្មវីធី Value Added Services របស់មិត្ដហ្វូន៕
ចែករំលែកព័តមាននេះ