ខេត្តបន្ទាយមានជ័យ ៖ មន្ត្រីគយចល័តឃាត់រថយន្តក្រុមហ៊ុនដឹកភ្ញៀវមួយគ្រឿង ដឹកទំនិញគេចពន្ធទម្លាក់ទំនិញហើយដោះលែងរថយន្ត កាលពីល្ងាចថ្ងៃទី១១ មករា ២០១៦ ស្ថិតនៅចំណុចភូមិសាលាក្រហម ឃុំសំរោង ស្រុកអូរជ្រៅ ដឹកទំនិញតម្លៃរាប់ពាន់ដុល្លារ ។
រថយន្តក្រុងដែលដឹកទំនិញគេចពន្ធនេះ គឺដឹកចេញពីក្រុងប៉ោយប៉ែត ទិសដៅទៅរាជធានីភ្នំពេញ ក្រោយមកត្រូវបានមន្ត្រីគយចល័តចំណុចសាលាក្រហម ឃាត់ធ្វើការឆែកឆេរក្នុងរថយន្តក្រុង ដែលលាក់ក្នុងប្រអប់ក្រោមរថយន្ត និងចន្លោះកៅអីអង្គុយ ។
ក្រោយពេលទំលាក់ទំនិញគ្មានពន្ធជាច្រើនដុំចេញពីរថយន្តអស់ ហើយដោះលែងរថយន្តក្រុងឱ្យបន្តទៅមុខ ដោយមន្ត្រីគយនិយាយថា កុំឱ្យប៉ះពាល់អារម្មណ៍អ្នកដំណើរ ទើបដោះលែងជាបណ្តោះអាសន្ន ។ តែការដោះលែងរថយន្តក្រុងនេះ ដូចជាមាន
អាថ៌កំបាំង ព្រោះថា ក្នុងរថយន្តគ្មានអ្នកដំណើរជិះឡើយ គួរឱ្យសង្ស័យណាស់។
ទាក់ទិនមន្ត្រីគយចល័តចំណុចសាលាក្រហមឃាត់រថយន្តក្រុងនេះ លោកម៉ុក សំបាន អនុប្រធានសាខាគយ និងរដ្ឋាករខេត្តបន្ទាយមានជ័យ ទទួលការងារចល័តដែរ តែលោកមិនបានផ្តល់ព័ត៌មានឡើយ ហើយប្រាប់ថា ឱ្យលោកទៅសួរកូនចៅលោកទៅ ដែលយើងមិនដឹងសួរមួយណាទេ ។
លោក ឆែរ សុធា ប្រធានសាខាគយ និងរដ្ឋាករខេត្តបានប្រាប់ថា ការដែលឃាត់រថយន្តក្រុង១គ្រឿង ដែលសង្ស័យដឹកទំនិញគ្មានច្បាប់ ក្រោយពេលឃាត់ហើយធ្វើការឆែកឆេររកឃើញទំនិញគេចពន្ធដាក់បង្កប់ក្នុងរថយន្ត ហើយត្រូវបានទម្លាក់ទំនិញទុក ដើម្បីរកម្ចាស់ទំនិញចូលខ្លួនបងពន្ធតាមច្បាប់ ។ ដោយឡែក រថយន្តក្រោយពេលឃាត់ ហើយមានអ្នកដំណើរត្រូវបានឱ្យបន្តដំណើរហើយត្រូវត្រឡប់មកវិញតាមកិច្ចសន្យា។
ចែករំលែកព័តមាននេះ