ទូរស័ព្ទ iPhone នៅថ្ងៃណាមួយនឹងដឹងពីអារម្មណ៍សប្បាយចិត្ត ឬមិនសប្បាយរបស់អ្នកក្រោយពីក្រុមហ៊ុន Apple ទិញក្រុមហ៊ុនដែលប្រើបច្ចេកវិទ្យាកត់ចំណាំមុខអ្នកប្រើប្រាស់ដើម្បីសម្គាល់ពីអារម្មណ៍របស់ពួកគេ ។ បច្ចេកវិទ្យាកត់ចំណាំអារម្មណ៍អ្នកប្រើប្រាស់ដ៏ឆ្លាសវៃនោះឈ្មោះថា «Emotient» ។
«Emotient» នឹងបង្ហាញពីការវិភាគទឹកមុខរបស់អ្នកប្រើប្រាស់ក្នុងចំណោមអារម្មណ៍ចំនួន ៩ ដែលមនុស្សកំពុងតែមានក្នុង ហើយវានឹងបង្ហាញថាលោក-អ្នកកំពុងតែសប្បាយ, ខឹង, ឬកើតទុក្ខជាដើម ។ បច្ចេកវិទ្យាមួយនេះដើរតួនាទីយ៉ាងសំខាន់ក្នុងវិស័យមួយចំនួនដូចជាការផ្សាយពាណិជ្ជកម្ម និងវិស័យសុខាភិបាលពោលពួកគេងាយស្រួលក្នុងដឹងពីអារម្មណ៍របស់អតិថិជន ឬអ្នកជំងឺ ។
ក្រៅពីទិញកម្មវិធីវិភាគទឹកមុខ Emotient ក្រុមហ៊ុន Apple ទើបតែទិញក្រុមហ៊ុនរូបភាពកាលពីពេល ថ្មីៗនេះ ដោយរួមបញ្ចូលទាំងបច្ចេកវិទ្យា Faceshift ដែលប្រើប្រាស់ចលនាចាប់យកបច្ចេកវិទ្យាដើម្បីផ្លាស់ប្តូរការបង្ហាញទឹកមុខរបស់មនុស្សទៅជាតួអង្គមានចលនា និងបច្ចេកវិទ្យា Perceptio ដែលប្រើប្រាស់បច្ចេកវិទ្យាសិប្បនិមិត្តដើម្បីស្វែងយល់ពីរូបភាព ៕
ចែករំលែកព័តមាននេះ