ការសាងសង់កំពង់ផែទៅកាន់កោះទន្សាយនឹងរួចរាល់នាចុងឆាំ្ននេះ
- កែប
ខេត្តកែប ៖ អាជ្ញាធរខេត្តកែប កាលពីរសៀលថ្ងៃទី12 ខែសីហា ឆាំ្ន2021 កន្លងទៅនេះ បានចុះទៅពិនិត្យមើលការសាងសង់កំពង់
ខេត្តកែប ៖ អាជ្ញាធរខេត្តកែប កាលពីរសៀលថ្ងៃទី12 ខែសីហា ឆាំ្ន2021 កន្លងទៅនេះ បានចុះទៅពិនិត្យមើលការសាងសង់កំពង់ផែទៅកាន់កោះទន្សាយ ដែលចាប់ផ្ដើមការសាងសង់កាលពីឆាំ្ន2019 រហូតមកដល់ឆាំ្ន2021នេះ សម្រេចបាន75ភាគរយហើយ ។ នេះបើយោងតាមការអោយដឹងពីលោកតាន់ ស៊ុនហួត អគ្គនាយករងសាធារណការ និងដឹកជញ្ជូនតាមផ្លូវទឹកខេត្តកែប ។
លោកអគ្គនាយករងបានឱ្យដឹងថា ទោះបីមានការរាំងស្ទះខ្លះៗពាក់ពន្ធ័នឹងជំងឺកូវីដ19ក៏ដោយ លោកជាអ្នកទទួលការសាងសង់កំពង់ផែទេសចរណ៍ទៅកាន់កោះទន្សាយមួយនេះ នឹងត្រូវបញ្ចាប់ការសាងសង់នៅឆាំ្ន2021នេះ ។ លោកបានបន្តទៀតថា កំពង់ផែទេសចរណ៍កោះទន្សាយអាចនឹងទទួលដឹកភ្ញៀវទៅកាន់កោះនេះចំនួន300នាក់ ។
លោកសោម ពិសិដ្ឋ អភិបាលខេត្តកែប មានប្រសាសន៍ថា ការសាងសង់កំពង់ផែទេសចរណ៍ទៅកាន់កោះទន្សាយមួយនេះ គឺជាសមិទ្ធិផលថ្មីមួយទៀតនៅខេត្តកែប ។ លោកក៏បានជំរុញអោយក្រុមការងារជួយពន្លឿនការសាងសង់កំពង់ផែកោះទន្សាយនេះអោយបានឆាប់រហ័ស ព្រោះកំពង់ផែទេសចរណ៍នេះអាចនឹងទាក់ទាញភ្ញៀវទេសចរជាតិនិងអន្តរជាតិមកលំហែកាយនៅកោះទន្សាយនេះយ៉ាងច្រើនផងដែរ។
នាឱកាសនោះដែរ លោកអភិបាលខេត្តកែបក៏បានជួបសំណេះសំណាលជាមួយកម្មកកំពុងបំពេញការងារនៅកំពង់ផែកោះទន្សាយ និងប្រគល់ជូនកម្មក ក្នុងម្នាក់ៗទទួលបានក្រមា1 និងថវិការមួយចំនួន ហើយលោកអភិបាលខេត្តក៏បានណែនាំអោយកម្មកទាំងអស់ទៅចាក់វ៉ាក់សាំងបង្កាជំងឺកូវីដ19អោយបានគ្រប់គ្នាផងដែរ ៕
ចែករំលែកព័តមាននេះ