Messi ខ្សែប្រយុទ្ធក្លិប Barcelona បានឈ្នះពានកីឡាករឆ្នើមពិភពលោកប្រចាំឆ្នាំ២០១៥ ពីសហព័ន្ធបាល់ទាត់អន្ដរជាតិ(FIFA)ជាលើកទី៥ នៅទីក្រុងស៊ុយរិក ប្រទេសស្វ៊ីស កាលពីថ្ងៃទី១១ មករា កន្លងទៅ ។
Messi ខ្សែប្រយុទ្ធក្លិប Barcelona បានឈ្នះពានកីឡាករឆ្នើមពិភពលោកប្រចាំឆ្នាំ២០១៥ ពីសហព័ន្ធបាល់ទាត់អន្ដរជាតិ(FIFA)ជាលើកទី៥ នៅទីក្រុងស៊ុយរិក ប្រទេសស្វ៊ីស កាលពីថ្ងៃទី១១ មករា កន្លងទៅ ។ Messi ឈ្នះពាន FIFA Ballon d`Or 2015 នេះដោយទទួលបានសំឡេងគាំទ្រ ៤១% នាំមុខកីឡាករ Cristiano Ronaldo ខ្សែបម្រើក្លិបReal Madrid ដែលមានសំឡេងគាំទ្រ២៨% និង Neymar មិត្តរួមក្លិបដែលមានសំឡេងគាំទ្រប្រហែល៨%តាមការរៀបចំដោយ FIFA ។
សូមបញ្ជាក់ថា Messi អាយុ២៧ឆ្នាំ បានឈ្នះពានរង្វាន់នេះជាលើកដំបូងនៅឆ្នាំ២០០៩ ដោយបង្កើតឯតទគ្គកម្មឈ្នះបន្តបន្ទាប់គ្នារហូតដល់ឆ្នាំ២០១២ ក្រោយមកពាននេះបានធ្លាក់ក្នុងកណ្ដាប់ដៃកីឡាករCristiano Ronaldo របស់ក្លិបReal Madridនៅក្នុងឆ្នាំ២០១៣ និង២០១៤ ។
Messi បានជួយក្លិប Barcelona ដណ្ដើមពានជើងឯកចំនួន៣រួមមានពានក្របខ័ណ្ឌ Laliga អេស្ប៉ាញ, Copa Del Rey និង UEFA Champion League និងជួយក្រុមជម្រើសជាតិអាហ្សង់ទីនឆ្លងចូលទៅជុំផ្ដាច់ព្រ័ត្រ Copa America 2015 ប៉ុន្ដែចាញ់ក្រុមជម្រើសជាតិសីុលីជាម្ចាស់ផ្ទះ ។ កីឡាករ Messi ថ្លែងថា ៖ «ជារឿងមិនគួរឱ្យជឿ នេះជាក្ដីស្រមៃរបស់ខ្ញុំតាំងពីនៅក្មេង ។ ខ្ញុំសូមអរគុណចំពោះមិត្តរួមក្លិបទាំងអស់ ប្រសិនបើគ្មានពួកគេទេ ខ្ញុំក៏គ្មានថ្ងៃនេះដែរ» ។
ចំណែកពានកីឡាការិនីឆ្នើមពិភពលោកបានទៅលើនាង Carli Llodប្រធានក្រុមបាល់ទាត់ជម្រើសជាតិស្ត្រីអាមេរិក ដែលបានជួយក្រុមអាមេរិកឈ្នះពានបាល់ទាត់ពិភពលោកក្នុងឆ្នាំ២០១៥ ដោយតែតបញ្ចូលទីយកឈ្នះក្រុមជម្រើសជាតិជប៉ុន នៅវគ្គផ្ដាច់ព្រ័ត្រ ៕
ចែករំលែកព័តមាននេះ