ទើបងើបផុតពីគ្រោះភ្លើងឆេះព្រៃដ៏ធំ ដែលបណ្ដាលឲ្យមនុស្សស្លា.ប់៨នាក់នៅភាគខាងត្បូងប្រទេស ជាតំបន់ទេសចរណ៍ ហើយពេលនេះប្រទេសនោះកំពុងប្រឈមមុខនឹងគ្រោះមហន្តរាយធម្មជាតិ គឺទឹកជំនន់ ក្រោយពីមានភ្លៀងធ្លាក់យ៉ាងខ្លាំង
ប្រទេសតួកគី ៖ ប្រទេសតួកគី ទើបងើបផុតពីគ្រោះភ្លើងឆេះព្រៃដ៏ធំ ដែលបណ្ដាលឲ្យមនុស្សស្លា.ប់៨នាក់នៅភាគខាងត្បូងប្រទេស ជាតំបន់ទេសចរណ៍ ហើយពេលនេះប្រទេសនោះកំពុងប្រឈមមុខនឹងគ្រោះមហន្តរាយធម្មជាតិ គឺទឹកជំនន់ ក្រោយពីមានភ្លៀងធ្លាក់យ៉ាងខ្លាំង។
អ្នកជំងឺ៤៥នាក់ ត្រូវជម្លៀសចេញពីមន្ទីរពេទ្យមួយនៃខេត្តស៊ីណុប ទៅកាន់មន្ទីរពេទ្យមួយទៀត មកពីទឹកឡើងកាន់តែខ្ពស់។ ពួកអ្នកជួយសង្គ្រោះបាននាំអ្នកជំងឺទាំងនេះ តាមកាណូតកៅស៊ូដែលពួកគេអូសតាមដងវិថីមួយដែលទឹកជន់លិច។ នេះបើតាមបណ្ដារូបភាព ផ្សាយដោយអាជ្ញាធរតាម TWITTER។
រដ្ឋមន្ត្រីកសិកម្ម និងរុក្ខាកម្មតួកគី លោក BEKIR PAKDEMIRLI បានថ្លែងថា នោះជាគ្រោះមហន្តរាយទឹកជំនន់ដ៏អាក្រក់ ដែលយើងពុំធ្លាប់ជួបប្រទះចាប់តាំងពី៥០ឆ្នាំ ឬអាច១០០ឆ្នាំមកហើយ នៅភាគខាងលិចប្រទេស។ ក្នុងខេត្តបារទីន ពួកអ្នកជួយសង្គ្រោះ កំពុងតាមរកមនុស្សចាស់ម្នាក់ដែលត្រូវទឹកនាំយកទៅ ក្រោយផ្ទះគាត់ត្រូវរលំបាក់ចុះ។ ម្យ៉ាងវិញទៀតមនុស្សម្នាក់បានស្លា.ប់ដោយគាំងបេះដូងក្នុងខេត្តនេះផងដែរ។
ភ្លៀងធ្លាក់ខ្លាំងនេះ ក៏បណ្ដាលឲ្យមានការបាក់ដីជាច្រើនកន្លែង ក្នុងនោះការបាក់ដីមួយ បណ្ដាលឲ្យបាក់មួយផ្នែកនៃស្ពានមួយ។ មនុស្ស៨នាក់រងរបួសហើយក៏ត្រូវបញ្ជូនទៅមន្ទីរពេទ្យ។ នៅខេត្ត KASTAMONU ផ្លូវនានា ត្រូវទឹកលិចទាំងស្រុង ដោយហូរកួចនាំយកបណ្ដារថយន្តទៅតាមខ្សែទឹក ។ ចំណែកនៅតាមកន្លែងខ្ លះទឹកមានកម្ពស់ពី៣ទៅ៤ម៉ែត្រ ហើយពលរដ្ឋមួយចំនួន បាននាំគ្នារត់ឡើងទៅលើដំបូលអគារ។ ហើយបណ្ដាឧទ្ធម្ភាគចក្រ បានចេញទៅជួយសង្គ្រោះមនុស្សនៅតាមខេត្តផ្សេងៗទៀតផង។
ភ្លៀងនេះបានចាប់ធ្លាក់ខ្លាំងកាលពីយប់ថ្ងៃទី១០ ខែសីហា មក ហើយបន្តក្នុងពេលយប់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ