ខេត្តសៀមរាប ៖ លោក ស៊ុំ ម៉ាប់ អគ្គនាយកអាជ្ញាធរជាតិអប្សរាបានដឹកនាំក្រុមការងារបុគ្គលិករបស់អាជ្ញាធរអប្សរា និងក្រុមហ៊ុនឯកជនមួយចំនួន ដើម្បីចុះពិនិត្យការងារនៅក្នុងគម្រោងអភិវឌ្ឍន៍ភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប នាថ្ងៃទី៩ មករា ២០១៦នេះ។
លោក ម៉ី ម៉ារ៉ាឌី ទីប្រឹក្សា និងជាប្រធានគម្រោងអភិវឌ្ឍន៍ភូមិធម្មជាតិរុនតាឯកក្រៅពីស្តាប់បទបង្ហាញអំពីគម្រោងអភិវឌ្ឍន៍រួចមក ក៏បានធ្វើដំណើរចុះពិនិត្យការងារនេះ គឺក្នុងគោលបំណងពង្រឹងប្រសិទ្ធភាពការងារ ដែលក្រុមគម្រោងកំពុងអនុវត្តដើម្បីលើកតម្កើងកម្រិតជីវភាពរបស់ប្រជាពលរដ្ឋដែលបានស្ម័គ្រចិត្តចាប់ឆ្នោតមករស់នៅក្នុងភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាបនេះផងដែរ។
ចែករំលែកព័តមាននេះ