លោក Michel Platini អតីតប្រធានសហព័ន្ធបាល់ទាត់អឺរ៉ុប (UEFA) បានប្រកាសតាមទីភ្នាក់ងារព័ត៌មាន«ឡេគីប» របស់បារាំងថា សុំដកខ្លួនចេញពីការបោះឆ្នោតជ្រើសរើសតំណែងប្រធានសហព័ន្ធបាល់ទាត់អន្តរជាតិ (FIFA)
លោក Michel Platini អតីតប្រធានសហព័ន្ធបាល់ទាត់អឺរ៉ុប (UEFA) បានប្រកាសតាមទីភ្នាក់ងារព័ត៌មាន«ឡេគីប» របស់បារាំងថា សុំដកខ្លួនចេញពីការបោះឆ្នោតជ្រើសរើសតំណែងប្រធានសហព័ន្ធបាល់ទាត់អន្តរជាតិ (FIFA) ដើម្បីមានពេលវេលាគ្រប់គ្រាន់តស៊ូលើរឿងក្ដីចោទប្រកាន់ពុករលួយបញ្ជាក់ពីភាពបរិសុទ្ធរបស់ខ្លួន ។
លោក Michel Platini និងលោកSepp Blatter អតីតប្រធានFIFA ត្រូវបានគណៈកម្មការក្រមសីលធម៌បាល់ទាត់ពិភពលោកដាក់បម្រាមមិនឱ្យចូលប្រឡូកក្នុងមជ្ឈដ្ឋានបាល់ទាត់រយៈពេល៨ឆ្នាំចាប់ពីពេលនេះតទៅ ពាក់ព័ន្ធនឹងការប្រព្រឹត្តអំពើពុករលួយក្នុងFIFA ។
ចំណែកការបោះឆ្នោតប្រធានFIFA ថ្មី នៅថ្ងៃទី២៦ កុម្ភៈ ខាងមុខ លោកសូមដកខ្លួនសិនដើម្បីប្ដឹងឧទ្ធរណ៍ធ្វើយ៉ាងណាឱ្យរួចផុតពីការចោទប្រកាន់ ហើយលោកនឹងឈរឈ្មោះបោះឆ្នោតជាថ្មីនៅអាណត្តិក្រោយ ៕
ចែករំលែកព័តមាននេះ