រាជធានីភ្នំពេញ ៖ មន្ត្រីនគរបាលមានឋានន្តរស័ក្តិអនុសេនីយ៍ត្រីម្នាក់ឈ្មោះ ហុក សាបាន បានបើកម៉ូតូទៅបុកបង្កាន់ដៃស្ពានអាកាស៧មករាបោកក្បាលធ្លាយខួរស្លាប់ភ្លាមៗនៅកន្លែងកើតហេតុ ដែលហេតុការណ៍គ្រោះថ្នាក់ចរាចរណ៍ដោយខ្លួនឯង និងគួរឲ្យរន្ធត់នេះកើតឡើងកាលពីវេលាម៉ោង៩ និង៣០នាទីយប់ ថ្ងៃទី០៨ ខែមករា ឆ្នាំ២០១៥ នៅលើស្ពានអាកាស៧មករា ។
ជនរងគ្រោះឈ្មោះ ហុក សាបាន អាយុ២៩ឆ្នាំ មានឋានន្តរស័ក្តិ អនុសេនីយ៍ត្រី និងមានតួនាទីជានាយរងផ្នែកឃោសនា និងល្បាតត្រួតពិនិត្យ ជិះម៉ូតូ១គ្រឿងម៉ាក PCX ពណ៌ស គ្មានស្លាកលេខ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសរងគ្រោះជិះម៉ូតូយ៉ាងលឿនម្នាក់ឯងតាមបណ្តាយបណ្ដោយមហាវិថីសហព័ន្ធរុស្ស៊ី ក្នុងទិសដៅពីលិចទៅកើត ហើយក៏ឡើងស្ពានអាកាស៧មករាបម្រុងចុះមកផ្លូវកម្ពុជាក្រោម តែមិនដឹងជាយ៉ាងម៉េចក៏រេចង្កូតទៅបុកបង្កាន់ដៃស្ពានបណ្ដាលឲ្យបោកក្បាលធ្លាយខួរស្លាប់ភ្លាម ចំណែកម៉ូតូធ្លាក់មកដល់គល់ស្ពានចម្ងាយប្រមាណ១០០ម៉ែត្រពីកន្លែងកើតហេតុ ៕
ចែករំលែកព័តមាននេះ