រាជធានីភ្នំពេញ ៖ អនុសាខាកាកបាទកម្ពុជាខណ្ឌច្បារអំពៅ ក្រោមវត្តមានលោកអ៊ាង ស៊ីផាន អភិបាលនៃគណៈអភិបាលខណ្ឌច្បារអំពៅ និងជាប្រធានកាកបាទក្រហមខណ្ឌ កាលពីព្រឹកថ្ងៃទី០៨ មករា ២០១៦ នេះ បានពាំនាំយកអំណោយសម្តេចកិត្តិព្រឹទ្ធ
រាជធានីភ្នំពេញ ៖ អនុសាខាកាកបាទកម្ពុជាខណ្ឌច្បារអំពៅ ក្រោមវត្តមានលោកអ៊ាង ស៊ីផាន អភិបាលនៃគណៈអភិបាលខណ្ឌច្បារអំពៅ និងជាប្រធានកាកបាទក្រហមខណ្ឌ កាលពីព្រឹកថ្ងៃទី០៨ មករា ២០១៦ នេះ បានពាំនាំយកអំណោយសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ចែកជូនប្រជាពលរដ្ឋក្រីក្រ៥០គ្រួសារ ដែលរស់នៅក្នុងសង្កាត់ច្បារអំពៅទី១ និងសង្កាត់វាលស្បូវ ខណ្ឌច្បារអំពៅ ។
អំណោយដែលចែកជូនក្នុង១គ្រួសារៗទទួលបាន អង្ករ២៥គីឡូ, មី១០កញ្ចប់, ទឹកបរិសុទ្ធឱរ៉ាល់១កេស, ទឹកត្រី១យួរ, ទឹកស៊ីអ៊ីវ១យួរ, ត្រីខ៥កំប៉ុង, ខ្ទះឆា១, ឆ្នាំង១, ទឹកដោះគោ២កំប៉ុង, ស្ករ.ស១គីឡូក្រាម, តែ៣កញ្ចប់, ឃីត១ឈុត ( មុងភួយ ក្រមា ) ។
ឆ្លៀងក្នុងឱកាសនោះដែរ លោកអ៊ាង ស៊ីផាន បានមានប្រសាសន៍ផ្ញើក្តីនឹករលឹកជាខ្លាំងពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទៅកាន់បងប្អូនប្រជាពលរដ្ឋដែលសម្តេចតែងតែតាស់តឿនដល់មន្ត្រីក្រោមឱវាទ និងអាជ្ញាធរគ្រប់លំដាប់ថ្នាក់ធ្វើយ៉ាងណា ត្រូវយកចិត្តទុកដាក់ខ្ពស់ និងគិតគូរដល់មនុស្សចាស់ជរាអ្នក ដែលជួបការលំបាក និងអ្នកដែលមានការខ្វះខាត ជាពិសេសប្រជាពលរដ្ឋទីទ័លក្រក្នុងមូលដ្ឋានដោយមិនត្រូវមើលរំលងឡើយ ។
ចែករំលែកព័តមាននេះ