ស្ថាបនិករបស់ក្រុមហ៊ុនហ្វេសប៊ុកលោក Mark Zuckerberg និយាយថា លោកមានគម្រោងបង្កើតមនុស្សយន្តសិប្បនិមិត្ត Artificial Intelligence (AI) ដើម្បីជួយដល់ការងារផ្ទះសម្បែងរបស់លោក ។ បង្ហោះនៅលើបណ្តាញសង្គម លោកបានបង្ហាញពីបញ្ហាប្រឈមផ្ទាល់ខ្លួននៅឆ្នាំនេះថាខ្លួននឹងសាង់សង់មនុស្សយន្ត AI ជាលក្ខណៈសាមញ្ញ ។
ស្ថាបនិកវ័យក្មេងរូបនេះកាលពីថ្ងៃទី១ ធ្នូ ២០១៦ បានចែករំលែកដំណើការផលិតក្នុងឆ្នាំនេះ ខណៈពេលខែធ្នូឆ្នាំ ២០១៥ បានបរិច្ចាគភាគហ៊ុនរបស់ក្រុមហ៊ុនចំនួន៩៩ភាគរយជួយដល់ជនក្រីក្រ ។ លោកនិយាយថា ការបង្កើតមនុស្សយន្ត AI នឹងកត់ចំណាំសំឡេង និងត្រួតពិនិត្យ អ្វីៗគ្រប់យ៉ាងក្នុងផ្ទះរបស់លោក ។ វានឹងសរសេរលេខកូដក្នុងប្រព័ន្ធបច្ចេកវិទ្យាចេញពីរូបគាត់ផ្ទាល់ ។
ការបង្កើតមនុស្សយន្តនេះមិនត្រូវបានលោកបញ្ជាក់ថា ចង់លក់លើទីផ្សារក្នុងទ្រង់ទ្រាយធំទេ ប៉ុន្តែជាការជួយសម្រួលដល់ការងារផ្ទះសម្បែងរបស់លោក ខណៈពេលកូនស្រីទើបតែកើត ហើយចង់បន្ធូរបន្ថយការងាររបស់ភរិយាលោកដែលជាជនជាតិចិនផងដែរ ៕
ចែករំលែកព័តមាននេះ