«The Mirror» របស់អង់គ្លេស កាលពីពេល ថ្មីៗកន្លងមកផ្សាយថា បុរសរុស្ស៊ីម្នាក់ផឹកស្រា Vodka លើសកំណត់នៅដំណាច់ឆ្នាំជាមួយមិត្តភក្ដិនៅទីក្រុងកាសានស្គី បណ្ដាលឱ្យស្រវឹងសន្លប់ដេកដួល ។
«The Mirror» របស់អង់គ្លេស កាលពីពេល ថ្មីៗកន្លងមកផ្សាយថា បុរសរុស្ស៊ីម្នាក់ផឹកស្រា Vodka លើសកំណត់នៅដំណាច់ឆ្នាំជាមួយមិត្តភក្ដិនៅទីក្រុងកាសានស្គី បណ្ដាលឱ្យស្រវឹងសន្លប់ដេកដួល ។ ឃើញដូច្នេះមនុស្សនៅក្នុងវង់ផឹកស៊ីក៏ហៅរថយន្ដសង្គ្រោះបន្ទាន់ទៅជួយ ។ នៅពេលគ្រូពេទ្យទៅដល់បញ្ជាក់ថា បុរសនោះស្លាប់បាត់ទៅហើយ ដូច្នេះយកទៅរក្សាទុកក្នុងសាលរក្សាសពស្ថិតនៅក្បែរកន្លែងកើតហេតុ ។
សារព័ត៌មានក្នុងស្រុករបស់រុស្ស៊ី ឱ្យដឹងថា នៅយប់នោះមានអ្នកស្លាប់ដំណាលគ្នាជាច្រើននាក់ ធ្វើឱ្យបន្ទប់រក្សាទុកសពលើសចំណុះ ដូច្នេះអាជ្ញាធរបានដាក់កម្កល់សពទាំងក្នុងទូក្លាស្សេ និងនៅលើកម្រាលឥដ្ឋផ្ទាល់់ ។ ដោយឡែកចំពោះសពបុរសម្នាក់នោះ ក្រោយមកបានដឹងខ្លួនវិញ ក៏គោះទ្វារទូក្លាស្សេសំុឱ្យគេជួយ ។ គ្រូពេទ្យឮសំឡេង ក៏ប្រញាប់យកគេចេញមកក្រៅ ។
ក្រុមគ្រូពេទ្យបានហៅប៉ូលិសទៅសួរនាំ រួចឱ្យបុរសនោះធ្វើដំណើរទៅផ្ទះវិញ ។ ទោះបីជាយ៉ាងណាក្ដីគេមិនទៅផ្ទះ បែរជាធ្វើដំណើរទៅកន្លែងជប់លៀង ដើម្បីចូលរួមផឹកស៊ីជាមួយមិត្តភក្ដិបន្តទៀត ។ ទោះបីជាយ៉ាងណាក្ដីកន្លែងប្រារព្ធពីធីជប់លៀង បានប្រែក្លាយជាកន្លែងប្រារព្ធពិធីបុណ្យសពរបស់គេវិញ ។ អ្នកនៅក្នុងពិធីដើរទៅទទួលបុរសនោះ ក៏ភិតភ័យរហូតសន្លប់ ព្រោះយល់ថាខ្មោចលង ។ ចំណែកអ្នកដែលចូលរួមផឹកស៊ីជាច្រើនទៀតភ្ញាក់ផ្អើល និងបម្រុងរត់គេច ប៉ុន្ដែបុរសនោះរៀបរាប់ពីហេតុការណ៍ដែលកើតឡើងឱ្យពួកគេយល់ ទើបស្ងប់ទៅវិញ ។
ពិធីបុណ្យសពក្លាយជាពិធីស្វាគមន៍ដល់ការរស់រានមានជីវិតជាថ្មីវិញរបស់បុរសនោះ ៕
ចែករំលែកព័តមាននេះ