រាជធានីភ្នំពេញ ៖ បន្ទាប់ពីអ្នកស្វាយរៀងដែលទើបនឹងទទួលបានរង្វាន់ម៉ូតូ Scoopy ស៊េរី២០១៥មួយគ្រឿងកាលពី២សប្ដាហ៍មុន ពេលនេះ ក្រុមហ៊ុនស្រាបៀរ Black Cat បានរកឃើញអ្នកឈ្នះរង្វាន់ម៉ូតូស៊េរីដដែលចំនួន១គ្រឿង
រាជធានីភ្នំពេញ ៖ បន្ទាប់ពីអ្នកស្វាយរៀងដែលទើបនឹងទទួលបានរង្វាន់ម៉ូតូ Scoopy ស៊េរី២០១៥មួយគ្រឿងកាលពី២សប្ដាហ៍មុន ពេលនេះ ក្រុមហ៊ុនស្រាបៀរ Black Cat បានរកឃើញអ្នកឈ្នះរង្វាន់ម៉ូតូស៊េរីដដែលចំនួន១គ្រឿងទៀតហើយ ដោយទើបនឹងបានប្រគល់ឲ្យកាលពីថ្ងៃទី៣ មករា ឆ្នាំ២០១៦។ ពិធីប្រគល់រង្វាន់ត្រូវបានធ្វើឡើងនៅក្នុងព្រឹត្តិការណ៍ប្រដាល់«កំពូលអ្នកប្រដាល់ស្រាបៀរប្លេកខេត» នៅស្ថានីយទូរទស្សន៍អាស៊ីអាគ្នេយ៍ ។ អតិថិជនដែលឈ្នះរង្វាន់ម៉ូតូពីការគាស់ក្រវិលកំប៉ុងរបស់ស្រាបៀរប្លេកខេតនោះគឺលោកចក់ ចន រស់នៅភូមិក្រសាំងទង ឃុំអង្គររាជ ស្រុកព្រះស្ដេច ខេត្តព្រៃវែង ។ លោកមានសំណាងត្រូវបានម៉ូតូ១គ្រឿងបន្ទាប់ពីជាវស្រាបៀរប្លេកខេតយកទៅរៀបចំពិធីមង្គលការកូន ។
លោកទេព សុខឃាង ប្រធានផ្នែកទីផ្សាររបស់ក្រុមហ៊ុន Black Cat បានអះអាងថា នេះជាការផ្ដល់រង្វាន់ម៉ូតូចំនួន១គ្រឿងក្នុងឱកាសបើកឆាកឆ្នាំ២០១៦តែម្ដង បន្ទាប់ពីម៉ូតូScoopy ជាច្រើនគ្រឿងត្រូវបានប្រគល់ជូនអតិថិជនកាលពីឆ្នាំ២០១៥កន្លងទៅ ។ បើទោះជាក្រុមហ៊ុនបានប្រគល់រង្វាន់ជាសាធារណៈឲ្យដល់អតិថិជនឈ្មោះ ចក់ ចន បែបនេះហើយក៏ដោយ ក៏លោកបញ្ជាក់ថា ក្រុមហ៊ុនស្រាបៀរប្លេកខេតនៅតែនាំយករង្វាន់ម៉ូតូមួយគ្រឿងនេះទៅប្រគល់ជូនដល់ផ្ទះអតិថិជននៅខេត្តព្រៃវែងបន្ថែមទៀត ដើម្បីបញ្ជាក់ថា លោក ចក់ ចន ពិតជាឈ្នះម៉ូតូScoopyដូចការប្រកាសមែន ដោយលោកមិនមែនជាបក្សពួក ឬសែស្រឡាយរបស់ក្រុមហ៊ុនទេ ។
ក្រុមហ៊ុននៅតែរក្សាគោលជំហរផ្ដល់រង្វាន់ដល់អតិថិជននូវម៉ូតូ Scoopy រាប់រយគ្រឿង ដែលបានបង្កប់នៅក្នុងក្រវិលកំប៉ុងរបស់ស្រាបៀរ Black Cat សម្រាប់រដូវអាពាហ៍ពិពាហ៍ក្នុងឆ្នាំ២០១៦នេះ ។ លោកទទូចឲ្យអតិថិជនជ្រើសរើសស្រាបៀរBlack catក្នុងការទទួលទានជាលក្ខណៈគ្រួសារ និងក្នុងពិធីអាពាហ៍ពិពាហ៍ឲ្យបានច្រើន ដោយសារតែស្រាបៀរនេះ ក្រៅពីមានឱជារសឆ្ងាញ់ ក៏ផ្ដល់រង្វាន់សន្ធឹកសន្ធាប់បន្ថែមពីលើរង្វាន់ម៉ូតូដែលទើបនឹងរៀបចំបង្កប់ក្នុងក្រវិលកំប៉ុង ដើម្បីលើកទឹកចិត្តដល់អតិថិជនទូទាំងប្រទេស ៕
ចែករំលែកព័តមាននេះ