ខេត្តព្រះវិហារ ៖ នៅព្រឹកថ្ងៃទី០៤ មករា ២០១៥នេះ លោកឧត្តមសេនីយ៍ត្រី ស៊ី គិរី ស្នងការដ្ឋាននគរបាលខេត្តព្រះវិហារ បាននាំយកសម្ភារ និងឧបករណ៍ធ្វើអត្តសញ្ញាណប័ណ្ណចែកជូនដល់អធិការដ្ឋាននគរបាលស្រុកទូទាំងខេត្តព្រះវិហារ ។
ថ្លែងក្នុងឱកាសនោះដែរ លោកឧត្តមសេនីយ៍ត្រី ស៊ី គិរី ស្នងការដ្ឋាននគរបាលខេត្តព្រះវិហារ បានមានប្រសាសន៍ថា មន្ត្រីជំនាញពាក់ព័ន្ធក្នុងការធ្វើអត្តសញ្ញាណបណ្ណទាំងអស់ត្រូវតែពន្លឿនការធ្វើអត្តសញ្ញាណប័ណ្ណគំរូថ្មី ដល់ប្រជាពលរដ្ឋណាគ្រប់អាយុ ត្រូវធ្វើអត្តសញ្ញាណប័ណ្ណ និងប្រជាពលរដ្ឋណាដែលមានអត្តសញ្ញាណបណ្ណគំរូចាស់ ឬផុតសុពលភាព ឱ្យបានរួចរាល់តាមផែនការដែលរាជរដ្ឋាភិបាលក៏ដូចជាក្រសួងមហាផ្ទៃដាក់ជូន ជាពិសេសប្រជាពលរដ្ឋដែលរស់នៅតំបន់ដាច់ស្រយាល ដើម្បីងាយស្រួលឲ្យពួកគាត់ប្រកបរបរប្រចាំថ្ងៃ ឬបំពេញកិច្ចការងារផ្សេងៗរបស់ពួកគាត់ដែលត្រូវមានអត្តសញ្ញាណប័ណ្ណជាប់ខ្លួនជានិច្ច ៕
ចែករំលែកព័តមាននេះ