រាជធានីភ្នំពេញ ៖ ក្រុមហ៊ុន Huawei ប្រចាំប្រទេសកម្ពុជា បានសម្រេចបញ្ចេញស្មាតហ្វូនម៉ូដែលថ្មី ៣ ស៊េរី ឱ្យអតិថិជនអ្នកគាំទ្រ និងអ្នកសារព័ត៌មានធ្វើតេស្តសាកល្បង ស្របពេលគ្នាជាមួយគ្នានឹងការប្រារព្ធពិធី «Huawei Fans Party»
រាជធានីភ្នំពេញ ៖ ក្រុមហ៊ុន Huawei ប្រចាំប្រទេសកម្ពុជា បានសម្រេចបញ្ចេញស្មាតហ្វូនម៉ូដែលថ្មី ៣ ស៊េរី ឱ្យអតិថិជនអ្នកគាំទ្រ និងអ្នកសារព័ត៌មានធ្វើតេស្តសាកល្បង ស្របពេលគ្នាជាមួយគ្នានឹងការប្រារព្ធពិធី «Huawei Fans Party» ដើម្បីអបអរឆ្នាំថ្មី Huawei ថ្មី 2016 នៅផ្សារទំនើបអីុអនម៉ល ថ្ងៃទី៣១ ខែធ្នូ ឆ្នាំ២០១៥ វេលាម៉ោង៤និង៣០នាទីល្ងាច ដល់ម៉ោង៦និង៣០នាទីល្ងាច ។ កម្មវិធីប្រកាសសម្ពោធរបស់ក្រុមហ៊ុន Huawei មានការចូលរួមពីអ្នកគាំទ្រប្រើប្រាស់ផលិតផលHuawei ជាច្រើនរូប និង Huawei Cute Boys & Girls ពិធីការិនីដ៏ល្បីវ័យក្មេង ខៀវ សានសាណា និងតារាបង្ហាញម៉ូតជ័យលាភី Cambodia’s Next Top Model កញ្ញា ចាន់ គង្គារ ផងដែរ ។
លោក អែម យុទ្ធូ ប្រធានទីផ្សារជាន់ខ្ពស់របស់ក្រុមហ៊ុន Huawei ប្រចាំប្រទេសកម្ពុជាមានប្រសាសន៍ថា គោលបំណងនៃការប្រារព្ធ «Huawei Fans Party» គឺដើម្បីថ្លែងអំណរគុណដល់អ្នកគាំទ្រផលិតផល Huawei ទាំងអស់ និងផ្ដល់ឱកាសឲ្យពួកគាត់បានជួបជុំគ្នាសាកល្បងផលិតផលថ្មី លេងហ្គេម និងច្រៀងលេងកម្សាន្តយករង្វាន់ពី Huawei ក្នុងឱកាសឆ្នាំថ្មី ឆ្នាំសកល ២០១៦ ។ ឆ្លៀតក្នុងឱកាសនេះក្រុមហ៊ុន Huawei ក៏បានដាក់ឱ្យអតិថិជន អ្នកគាំទ្រ និងអ្នកសារព័ត៌មាន សាកល្បងនូវស្មាតហ្វូនស៊េរីថ្មី៣ម៉ូដែលក្នុងពេលតែមួយ ដើម្បីស្វាគមន៍ឆ្នាំថ្មីផងដែរ ។
ស្មាតហ្វូន Huawei ថ្មីទាំង៣ស៊េរីគឺ Huawei GR5, Huawei GR3, និង Huawei Y6 Proជាស្មាតហ្វូនដែលស័ក្តិសមបំផុតសម្រាប់មនុស្សគ្រប់វ័យដែលចូលចិត្តប្រើប្រាស់ស្មាតហ្វូនដែលមានអេក្រង់ធំល្មម ដំណើរការលឿន និងមានថាមពលថ្មខ្លាំង ដែលនឹងមានលក់ចាប់ពីពាក់កណ្តាលខែមករា ឆ្នាំ២០១៦ តទៅ ។
គួរបញ្ជាក់ថា ក្នុងឆ្នាំ ២០១៥ ក្រុមហ៊ុន Huawei បាននាំចេញស្មាតហ្វូនសរុបទាំងអស់ជាង១០០លានគ្រឿងទូទាំងពិភពលោក និងបានក្លាយខ្លួនជាក្រុមហ៊ុនមួយក្នុងចំណោមក្រុមហ៊ុនស្មាតហ្វូនយក្សទាំងបីក្នុងពិភពលោក ។ នៅក្នុងប្រទេសកម្ពុជាវិញ ស្មាតហ្វូនមានលក់ទូទាំង២៥រាជធានី-ខេត្ត មិនថាតំបន់ទីប្រជុំជន ឬតំបន់ចុងកាត់មាត់ញកឡើយ ។ អតិថិជនអាចរកជាវស្មាតហ្វូន Huawei បានគ្រប់ម៉ូដែលក្នុងតម្លៃសមរម្យ ។ មិនតែប៉ុណ្ណោះ គ្រប់ស្មាតហ្វូន Huawei សុទ្ធសឹងតែមានប័ណ្ណធានាជួសជុលរយៈពេលមួយឆ្នាំ ៕
ចែករំលែកព័តមាននេះ