ទីបំផុត! តារាចម្រៀង Rihanna ក្លាយជាមហាសេដ្ឋីលំដាប់ពិភពលោក
សហរដ្ឋអាមេរិក ៖ តារាចម្រៀងចាយរាងនាង Rihanna ត្រូវបានប្រកាសក្លាយជាមហាសេដ្ឋី និងជាតារាចម្រៀងស្រីមានបំផុតលើ
សហរដ្ឋអាមេរិក ៖ តារាចម្រៀងចាយរាងនាង Rihanna ត្រូវបានប្រកាសក្លាយជាមហាសេដ្ឋី និងជាតារាចម្រៀងស្រីមានបំផុតលើ
សហរដ្ឋអាមេរិក ៖ តារាចម្រៀងចាយរាងនាង Rihanna ត្រូវបានប្រកាសក្លាយជាមហាសេដ្ឋី និងជាតារាចម្រៀងស្រីមានបំផុតលើពិភពលោកជាផ្លូវការរបស់ទស្សនាវដ្តី Forbes។ នេះបើតាមការចេញផ្សាយពីសារព័ត៌មាន BBC។
តារាចម្រៀងប៉ុបជនជាតិបាបាដុសវ័យ៣៣ឆ្នាំរូបនេះ មានទ្រព្យសម្បត្តិចំនួន ១,៧ពាន់លានដុល្លារ។ ដោយក្នុងនោះ មានការប៉ាន់ស្មានប្រាក់ចំណូលប្រមាណ ១,៤ពាន់លានដុល្លារ គឺបានមកពីក្រុមហ៊ុនគ្រឿងសំអាង Fenty Beauty របស់នាង។
ទ្រព្យសម្បត្តិមួយផ្នែកទៀតភាគច្រើនបានមកពីក្រុមហ៊ុនលក់ខោអាវទ្រនាប់ស្ត្រីឈ្មោះថា Savage x Fenty ដែលមានប្រមាណ ២៧០លានដុល្លារ បូករួមនិងប្រាក់ចំណូលបានមកពីការប្រគំតន្ត្រី និងការចូលរួមសម្តែងផ្សេងៗទៀតរបស់នាង។
Rihanna ដែលមានឈ្មោះពិតថា Robyn Fenty បានបើកដំណើរការក្រុមហ៊ុនគ្រឿងសំអាង Fenty Beauty នៅឆ្នាំ ២០១៧ ក្នុងភាពជាដៃគូជាមួយក្រុមហ៊ុនឯកទេសទំនិញប្រណិត LVMH ដែលរកប្រាក់ចំណូលប្រចាំឆ្នាំបានជាង ៥៥០លានដុល្លារ ក្នុងឆ្នាំដំបូងរបស់ខ្លួន។
សូមជម្រាបថា Rihanna បានបង្កើតកំណត់ត្រាលក់អាល់ប៉ុមចម្រៀចដាច់បានជាង ២៥០លានបន្ទះ។ ប៉ុន្តែនាងមិនបានចេញអាល់ប៊ុមចម្រៀងទៀតឡើយ ចាប់តាំងពីឆ្នាំ ២០១៦។ ទោះយ៉ាងណាថ្មីៗនេះ នាងក៏ត្រូវបានគេប្រទះឃើញកំពុងថតវីដេអូចម្រៀងជាមួយមិត្តប្រុសគឺតារាចម្រៀងរ៉េប A$AP Rocky ផងដែរ៕
ចែករំលែកព័តមាននេះ