សោកនាដកម្ម! រថភ្លើងបុកគ្នាចំពីមុខ ស្លា.ប់ និងរបួសច្រើនសិបនាក់
អាជ្ញាធរបានរាយការណ៍ឱ្យដឹងថា មនុស្ស៣នាក់បានត្រូវស្លា.ប់ និង៨នាក់ទៀតរងរបួសធ្ងន់ ព្រមទាំងមនុស្សរាប់សិបនាក់ទៀត
ប្រទេសឆេក ៖ អាជ្ញាធរបានរាយការណ៍ឱ្យដឹងថា មនុស្ស៣នាក់បានត្រូវស្លា.ប់ និង៨នាក់ទៀតរងរបួសធ្ងន់ ព្រមទាំងមនុស្សរាប់សិបនាក់ទៀតរងរបួសស្រាល កាលពីថ្ងៃទី៤ ខែសីហា ឆ្នាំ២០២១ ក្នុងការបុកគ្នារវាងរថភ្លើងអ៊ិចប្រេស រត់រវាងក្រុងមុយនីក និងក្រុងប្រាក និងរថភ្លើងតំបន់នៅភាគខាងលិច សាធារណរដ្ឋឆេក។
អ្នកនាំពាក្យប៉ូលិសម្នាក់បាននិយាយថា អ្នកបើករថភ្លើងទាំង២បានត្រូវស្លា.ប់ ក្នុងការបុកគ្នាចំពីមុខ ព្រមទាំងអ្នកដំណើរម្នាក់។ គ្រោះថ្នាក់ខាងលើនេះកើតមាន នាវេលាម៉ោង៨ព្រឹកម៉ោងក្នុងស្រុក នៅជិតភូមិ MILAVCE ចម្ងាយ១៤០គីឡូម៉ែត្រ ភាគនិរតីនៃក្រុងប្រាក។
ចំណែកអ្នកដំណើរជាច្រើននាក់ត្រូវបញ្ជូនទៅកាន់មន្ទីរពេទ្យ តាមឧទ្ធម្ភាគចក្រ។ រីឯមនុស្ស៥៥នាក់នាក់ទៀត បានរងរបួសស្រាល។ ហើយចំពោះអ្នកដំណើរជនជាតិអាល្លម៉ង់១០នាក់វិញ ក៏ត្រូវបានបញ្ជូនទៅមន្ទីរពេទ្យនៅអាល្លឺម៉ង់ផងដែរ។
រដ្ឋមន្ត្រីដឹកជញ្ជូនឆេក លោក KAREL HAVLICEK បានថ្លែងតាម TWITTER ឱ្យដឹងថា រថភ្លើងអ៊ិចប្រេសលេខ៣៥១ មិនគោរពសញ្ញាឲ្យឈប់ ហើយក៏បានបុកជាមួយរថភ្លើងដឹកអ្នកដំណើរមួយខ្សែទៀតតែម្តង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ